Génesis 15:17 - DIOSPA QHELQACHISQ

¹⁷ Laqhayaykuytataj uj horno manchayta q'oshñishaj rikhurerqa, jinallataj lawrashaj nina, chaykunataj uywa ñak'asqaj chawpinta pasasharqa.

Qheshwa Biblia DC

¹⁷ Allin laqhayaykuytataj rikhurerqa uj horno, mayta q'osñishaj. Uj nina k'anchaytaj chay rak'isqa uywaspa chaupinta kayman jaqayman puriykachasharqa.

DIOSPA QHELQACHISQAN DEUTEROCANONICAL

¹⁷ Laqhayaykuytataj uj horno manchayta q'oshñishaj rikhurerqa, jinallataj lawrashaj nina, chaykunataj uywa ñak'asqaj chawpinta pasasharqa.

Génesis 15:17 ပူးပေါင်းရင်းမြစ်များ

Génesis 15:10

Jinataj Abram chay uywakunata apamuspa, Diospa ñawpaqenpi ñak'arqa, chantá khuskanmanta khuchuspataj, chimpapurata churarqa. Jurk'utata, urpi irpatawanrí mana khuchorqachu.

2 Samuel 22:9

Senqanmantaqa q'oshñi llojsimorqa, siminmantataj tukuy imata q'olaj nina llojsimullarqataj, k'ajarishaj nina brasataj t'akarikamorqa.

1 Reyes 18:38

Jinallapi Tata Diosmanta nina urayk'amuspa, ujllata q'olaykorqa chay ñak'asqa torota, llant'ata, rumikunata, jallp'ata ima. Larq'api yakutapis ch'akirpayacherqa.

1 Crónicas 21:26

Chaypitaj David Tata Diospaj uj altarta ruwarqa. Chantá uywata ñak'aspa q'olacherqa, jinataj allinyakuy jaywanatawan qorqa. Chaymantataj Tata Diosmanta mañakorqa, Diostaj Davidpa mañakusqanta uyarispa, janaj pachamantapacha ninata kachaykamorqa, chay ninataj altar patapi jaywanata q'olaykorqa.

Éxodo 19:18

Tukuynin Sinaí orqo q'oshñisharqa, imaraykuchus Tata Diosqa nina chawpipi orqoman urayk'amorqa. Q'oshñeqa hornomanta jina llojsisharqa, tukuynin orqotaj manchayta kharkatiterqa.

Éxodo 20:18

Chaypacha tukuy israelitakuna llijurishajta illapata rikorqanku, pututoj waqasqanta uyarerqanku, chantá orqopi q'oshñita rikorqanku. Chayrayku mayta manchachikuspa, karullapi sayarqanku.

Isaías 62:1

Sión llajtata munakusqayrayku mana ch'in kakusajchu. Jerusalenta munakusqayrayku mana samarikusajchu cheqan kajta ruwasqan lliphirimunankama, qhespichisqa kasqantaj k'anchay jina k'anchaykamunankama.

Jeremías 11:4

Kay tratota ñawpa tatankukunawan ruwarqani, maypachachus Egiptomanta paykunata orqhomorqani, chaypacha. Egipto suyoqa fierro unuyachina horno jina karqa. Chaypachataj noqa nerqani: Kasuwaychej, ruwaychejtaj tukuy kamachisqayta, chantá qankuna aylluy kankichej, noqataj Diosniykichej kasaj, nispa.

Deuteronomio 4:20

Tata Diosqa Egiptomanta metalta unuyachina hornomanta jina qankunata orqhomusorqachej, paypata ayllun kanaykichejpaj, imaynachus kunan kashankichej, ajina.

Jueces 13:20

Altarmanta pataman nina oqharikojtinkama, Tata Diospa angelnin nina lawray chawpita janaj pachaman riporqa. Chayta rikuspa, paykuna pampakama umankuta chayachinankukama k'umuykorqanku.

Jueces 6:21

Jinapi angelqa varawan chay aychata, jinataj chay t'antata llankhajtinkama, chay chhankamanta nina lawray llojsimuspa, aychata, t'antatapis q'olaykorqa. Chaymantaqa Tata Diospa angelnin chinkariporqa.