Génesis 15:16 - DIOSPA QHELQACHISQ

¹⁶ Tawa pachaj wata tukukuytataj mirayniykeqa kay jallp'aman kutimponqanku, imajtinchus kaypi tiyakoj amorreokunaj millayta ruwasqankoqa manaraj chaykamachu. Chayrayku paykunata manaraj chinkarparichisajchu, nispa.

Qheshwa Biblia DC

¹⁶ Tawa mita qhepata mirayniykeqa kay jallp'aman kutimullanqataj; imaraykuchus amorreospa sajra ruwaynenqa manaraj kaykamaqa chhikapunichu.

DIOSPA QHELQACHISQAN DEUTEROCANONICAL

¹⁶ Tawa pachaj wata tukukuytataj mirayniykeqa kay jallp'aman kutimponqanku, imajtinchus kaypi tiyakoj amorreokunaj millayta ruwasqankoqa manaraj chaykamachu. Chayrayku paykunata manaraj chinkarparichisajchu, nispa.

Génesis 15:16 ပူးပေါင်းရင်းမြစ်များ

Génesis 10:16

Canaanmanta mirajkunataj karqanku jebuseokuna, amorreokuna, gergeseokuna,

Génesis 15:13

Chantá Tata Dios payta nerqa: Kunan ujta nisqayki: Mirayniykeqa runaj llajtanpi tiyakonqanku, chaypitaj wata runa jina tawa pachaj watata sinch'ita ñak'arenqanku.

Génesis 48:21

Chaymantataj Joseta nerqa: Noqaqa wañupusajña, chaywanpis Diosmin qankunawan kanqa. Aswan qhepamantaj payllataj ñawpa tataykichejpa Canaán jallp'aman kutichisonqachej.

Génesis 50:24

Uj kuti Joseqa wawqenkunata nerqa: Noqaqa wañupusajña. Diostajrí qankunata yanapaspa, kay jallp'amanta orqhosonqachej. Chaymantataj, ima jallp'atachus Abrahamman, Isaacman, Jacobman ima tiluspa, qonanta nerqa, chay jallp'aman pusasonqachej, nispa.

1 Reyes 21:26

Payqa millaytapuni ruwarqa, amorreokuna jina lantikunata yupaychaspa. Paykunata Tata Diosqa israelitakunaj ñawpaqenkumanta wijch'usqa.

2 Reyes 21:11

Judá suyuta kuraj kamachej Manasés may jina millaytapuni ruwaspa, paymanta ñawpajta amorreokuna karqanku, chaykunamantapis astawan millaytapuni ruwan. Judá suyumanta kajkunatapis lanti ruwasqanta yupaychachispa juchallicherqa.

Salmos 105:43

Ajinata Diosqa ajllakusqan ayllunta Egiptomanta orqhorqa, ajllakusqankunataj mayta kusikorqanku.

Éxodo 12:40

Egiptopi israelitakuna tiyakusqankoqa 430 wata karqa.

Éxodo 13:3

Moisestaj israelitakunata nerqa: Kay p'unchaymanta yuyarikunkichej, imajtinchus kay p'unchayta Tata Diosqa Egiptopi wata runa kanamanta may jina atiyninwan orqhomusorqachej. Chayrayku kay p'unchaypi levadurawan ruwasqa t'antata ama mikhunkichejchu.

Éxodo 13:4

Qankunaqa Aviv killapi llojsishankichej.

Daniel (hebreo) 8:23

Manaña chay tawa kuraj kamachejkuna kamachishajtinku, millay ruwanapis anchaña kanqa. Chantá machu machu uj kuraj kamachej sayarenqa, paytaj ch'awkiyanapaj churasqa kanqa.

Levítico 18:24

Ama chaykunata ruwaspa ch'ichichakunkichejchu. Chay jina millayta ruwasqankurayku, noqa ñawpaqeykichejmanta chay millay runakunata qharqosaj. Imajtinchus chay runakuna chayta ruwaspa ch'ichichakorqanku.

Deuteronomio 9:4

Maypachachus Tata Diosniykichej ñawpaqeykichejmanta paykunata qharqonqa chaypacha, ama sonqoykichejpi ninkichejchu: Noqanchej allinta ruwasqanchejrayku Tata Dios kay jallp'ata qowanchej, nispa. Chayqa mana jinachu. Tata Diosqa chay runakunata millayta ruwaspa purisqankumanta wijch'onqa.

Deuteronomio 9:5

Mana sumaj runa kasqaykichejraykuchu, nitaj cheqan kajta ruwasqaykichejraykuchu paykunaj jallp'ankuta jap'inkichej. Tata Dios ñawpaqeykichejmanta paykunata qharqonqa millayta ruwaspa kawsasqankurayku. Chantá ñawpa tataykichej Abrahamman, Isaacman, Jacobman ima nisqanta junt'anqa.

1 Tesalonicenses 2:16

Ajinata paykuna jark'awayku Jesucristomanta sumaj willayta ama mana judiokunaman willanaykupaj, chaynejta paykunapis qhespichisqa kanankupaj. Ajinata ruwaspa, judiokunaqa juchallisqankuman astawan juchata yapakushallankupuni. Chayrayku Diospa k'araj phiñakuynin patankupiña kashan.