Génesis 15:13 - DIOSPA QHELQACHISQ

¹³ Chantá Tata Dios payta nerqa: Kunan ujta nisqayki: Mirayniykeqa runaj llajtanpi tiyakonqanku, chaypitaj wata runa jina tawa pachaj watata sinch'ita ñak'arenqanku.

Qheshwa Biblia DC

¹³ Señortaj payman nerqa: Yachay kayta, mirayniykeqa tiyakonqa runaj llajtampi, chaypitaj runaj kamachisnin, may k'irinchasqastaj kanqanku tawa pachaj watasta.

DIOSPA QHELQACHISQAN DEUTEROCANONICAL

¹³ Chantá Tata Dios payta nerqa: Kunan ujta nisqayki: Mirayniykeqa runaj llajtanpi tiyakonqanku, chaypitaj wata runa jina tawa pachaj watata sinch'ita ñak'arenqanku.

Génesis 15:13 ပူးပေါင်းရင်းမြစ်များ

Génesis 15:16

Tawa pachaj wata tukukuytataj mirayniykeqa kay jallp'aman kutimponqanku, imajtinchus kaypi tiyakoj amorreokunaj millayta ruwasqankoqa manaraj chaykamachu. Chayrayku paykunata manaraj chinkarparichisajchu, nispa.

Génesis 17:8

Qanman, mirayniykimanwan, maypichus tiyakushanki, chay tukuy Canaán jap'iyta qosqaykichej wiñaypaj chayaqeykichej kananpaj. Noqataj wiñaypaj Diosniyki kasaj, nispa.

Génesis 47:4

Noqayku kayman tiyakoj jamuyku ari, imaraykuchus Canaanpeqa manchay yarqhay kashan, uywaykupaj pastollapis mana kanchu. Chayrayku wiraqochíy, nirikusuyta munayku, ama jina kaspa, Gosenpi tiyarichinawaykuta, nispa.

Salmos 105:42

Diosqa ñawpa nisqanmanta yuyarikorqa, kamachin Abrahamman tiluspa imatachus nisqanmanta.

Éxodo 1:11

Chayrayku Egipto llajtayojkunaqa israelitakunata sinch'i ruwanaman churanankupaj jilaqatakunata churarqanku. Jilaqatakunataj israelitakunawan iskay llajtakunata sayaricherqanku: Pitonta, Ramesestawan ima. Chay llajtakuna karqa faraón chajraj poqosqanta pirwachinanpaj.

Éxodo 1:13

Jinapi Egipto llajtayojkuna israelitakunata sinch'i ruwanaman churaspa, maytapuni ñak'aricherqanku.

Éxodo 1:14

Awantay mana atinata, paykunawan t'uruta saruchispa, adobeta ruwacherqanku, wakinkunatataj chajrata tarpucherqanku. Ajinata tukuy imaymana sinch'i ruwanawan sonqo nanayta israelitakunata ñak'aricherqanku.

Éxodo 2:24

Chantá israelitakunaj ayqospa qhaparikusqankuta uyarispa, Dios yuyarikorqa Abrahamwan, Isaacwan, Jacobwan ima tratota ruwasqanmanta.

Éxodo 22:21

21 (20) Waj llajtayojtaqa ama ñak'arichinkichejchu, nitaj waqachinkichejchu, imaraykuchus qankunapis Egipto suyupi waj llajtayoj jina karqankichej.

Éxodo 23:9

Waj llajtayojta ama waqachinkichu, imajtinchus qanpis Egiptopi waj llajtayoj jina karqanki. Chayrayku runaj llajtanpi tiyakuy imachus kasqanta yachallanki.

Éxodo 3:10

Chayrayku kunan qan faraonman rinki. Noqa kachashayki Israelpa mirayninta Egiptomanta orqhomunaykipaj, nispa.

Éxodo 3:17

Chayrayku noqa Egiptopi sinch'ita ñak'arinaykichejmanta qankunata kacharichisqaykichej. Pusasqaykichejtaj lechewan, abeja misk'iwan yaku jina purishan, chay sumaj jallp'aman, maypichus kunan cananeokuna, jeteokuna, amorreokuna, ferezeokuna, heveokuna, jebuseokuna ima tiyakushanku, chayman.

Éxodo 3:8

Chayrayku Egipto llajtayojkunaj makinmanta paykunata kacharichinaypaj urayk'amuni, Egiptomanta orqhospa, paykunata sumaj jallp'aman pusanaypaj, maypichus lechewan, abeja misk'iwan yaku jina purishan, chayman. Chay jallp'api tiyashanku: Cananeokuna, jeteokuna, amorreokuna, ferezeokuna, heveokuna, jebuseokuna ima.

Levítico 19:34

Paykunataqa llajta masiykichejta jina qhawaychej, qankunata jinataj munakuychej, imaraykuchus qankunapis Egiptopi waj llajtayoj jinallataj tiyakorqankichej. Noqa Tata Diosmin Diosniykichej kani.

Números 20:15

Ñawpa tataykukuna Egiptoman riporqanku, chaypitaj unayta tiyakorqanku. Egipto llajtayojkunatajrí noqaykuta, ñawpa tataykuta jina, mayta ñak'arichiwarqayku.

Hechos 7:17

Dios imatachus Abrahamman nisqa mirayninpaj ruwananta, chay p'unchay junt'akunanpaj qayllamushajtin, israelitakuna Egiptopi manchay ashkhamanña mirasqanku.

Gálatas 3:17

Chaywanqa kayta niyta munani: Ñawpajta Dios Abrahamwan tratota ruwaspa, nerqa imatachus qonanta. Moisespa kamachisqantajrí 430 watamanña churasqa karqa. Chayrayku Moisespa kamachisqanqa Diospa nisqanta mana chinkachiyta atinchu, nitaj yanqhayachiyta.

Deuteronomio 10:19

Chayrayku waj llajtayojkunata munakuychej, qankunapis Egiptopi waj llajtayoj jina kasqaykichejta yuyarikuspa.

Deuteronomio 5:15

Qanqa Egiptopi wata runa kasqaykita yuyarikuy. Tata Diosniyki may jatun atiyninwan chaymanta orqhomusorqa. Chayrayku Tata Diosniyki kamachisunki, samarina p'unchaypi samarinaykita.