Génesis 15:1 - DIOSPA QHELQACHISQ

¹ Chaymanta Tata Diosqa Abramman mosqoypi jina parlarqa: Ama manchachikuychu, Abram, imaraykuchus noqa waqaychasojniyki kani. Qanpa t'inkaykeqa may chhikapuni kanqa, nispa.

Qheshwa Biblia DC

¹ Chay qhepata Dios parlarqa Abramman mosqoypi jina, nispa: Ama manchachikuychu Abram, noqa qampa jark'ajniyki kani, qampa t'inkaykeqa may chhikapuni kanqa.

DIOSPA QHELQACHISQAN DEUTEROCANONICAL

¹ Chaymanta Tata Diosqa Abramman mosqoypi jina parlarqa: Ama manchachikuychu, Abram, imaraykuchus noqa waqaychasojniyki kani. Qanpa t'inkaykeqa may chhikapuni kanqa, nispa.

Génesis 15:1 ပူးပေါင်းရင်းမြစ်များ

Génesis 15:2

Abramtajrí kuticherqa: Tukuyta Kamachej Tata Dios, imapajtaj imatapis qowankiri? Qan yachanki waway mana kasqanta. Chayrayku wañupojtiy, Damascomanta kamachiy Eliezer tukuy imayta chayaqeta jap'enqa, nispa.

Génesis 15:4

Tata Diostajrí kuticherqa: Chayaqetaqa mana kamachiykichu jap'enqa, manachayqa wawaykipuni, nispa.

Génesis 21:17

Diosrí wawaj waqasqanta uyarerqa. Chayrayku janaj pachamanta uj ángel Agarta wajyaspa, nerqa: Imataj tiyan, Agar? Ama phutikuychu. Diosqa wawaj waqasqanta uyarin.

Génesis 22:1

Chaymanta qhepanejman Diosqa, Abraham kasukonqachus manachus chayta yachariyta munaspa, payta wajyarqa: Abraham, nispa. Paytaj kuticherqa: Kaypi kashani, nispa.

Génesis 22:20

Unaymanta Abraham uyarerqa wawqen Najorpa warmin Milcapis ashkha wawayoj kasqanta.

Génesis 26:24

Chay tutataj Tata Dios payman rikhurispa, nerqa: Noqaqa tatayki Abrahampata Diosnin kani. Ama manchachikuychu, imaraykuchus noqa qanwan kashani. Kamachiy Abrahamman nisqayrayku noqa saminchasqayki, mirayniykitapis ashkhayachisaj, nispa.

Génesis 31:7

Payrí sapa kutilla q'otiyawaspa, chunka kutikama pagoyta cambiarqa. Chaywanpis Diosneyqa tataykichej sajra kajwan paganawanta mana munarqachu.

2 Samuel 22:3

Diosníy, qan kanki pakakunay chhanka, jark'akuwajniytaj. Atiyniykiwan qhespichiwanki, alto patapi sumaj pakakunaytaj kanki. Qanlla mana allin ruwajkunamanta jark'akuwanki.

2 Reyes 1:15

Jinapi Tata Diospa angelnenqa Eliasta nerqa: Paywan rillay, amataj manchachikuychu, nispa. Eliastaj urayk'uspa, capitanwan kuraj kamachejpa ñawpaqenman rerqa.

1 Crónicas 28:20

Chantá Davidqa Salomonta nillarqataj: Kallpachakuy, sinch'ita sayay, ruwaj sayaykuypachataj. Ama iskayrayaychu, nitaj manchachikuychu, imaraykuchus Tata Diosneyqa qanwanpuni kanqa. Tata Diospa Templonpi tukuy imachus ruwanata tukunaykikama, payqa mana saqesonqachu, nitaj qonqarparisonqachu.

Salmos 115:10

Aaronpa ayllunmanta sacerdotekuna, Tata Diosllapi atinikuychej, imajtinchus pay yanapasunkichej, jark'akusunkichejtaj.

Salmos 119:114

Qanmin pakakunay, jark'akuna escudoytaj kanki. Noqataj simi nisqaykimanta jap'ikuspa suyakuni.

Salmos 142:5

5 (6) Tata Dios, qanman qhaparikamuyki, niykitaj: Qanllamin pakakunay kanki, kay pachapi tukuy kapuyneyqa qanlla kanki.

Salmos 18:2

2 (3) Qanmin pakakunay kanki, jark'akuwaj, kacharichiwaj Diosniytaj. Qanmin pakakunay chhanka kanki, jark'akuna escudoytaj. Atiyniyoj qhespichiwajniy kanki, patapi sumaj pakakunaytaj.

Salmos 27:1

(1b) Tata Diosqa k'anchawajniy, qhespichiwajniytaj. Pimantataj manchachikusajri? Tata Diosqa kallpachawajniy, tukuy mana allin kajmanta jark'akuwajniy ima. Imajtintaj imatapis manchachikuyman kasqari?

Salmos 3:3

3 (4) Qantajrí Tata Dios, escudowan jina jark'akuwajniy kanki. Qanqa jatunchawanki, atiyniykiwantaj kallpachawanki.

Salmos 3:4

4 (5) Noqaqa qhaparikuspa, Tata Diosmanta mañakuni, paytaj ajllakusqan orqomanta uyariwan.

Salmos 5:12

12 (13) Tata Dios, cheqanta ruwajtaqa qan yanapanki, khuyakuyniykiwantaj jark'akuna escudowan jina payta waqaychanki.

Salmos 58:11

11 (12) Chantá tukuy runakuna nenqanku: Cheqan runakunaqa t'inkachisqa kanqanku, kay pachapi juzgananpajtaj Dios tiyan, nispa.

Salmos 84:11

11 (12) Tata Dios k'anchawanchej, waqaychawanchejtaj. Payqa mana k'amina kawsajkunata munakun, jatunchantaj, tukuy ima allin kajtataj paykunaman qon.

Salmos 84:9

Jark'akuwajniyku Dios, qanpa ajllakusqayki kamachejta allin ñawiwan qhaway.

Salmos 91:4

Lijranwan qhataykusonqa, chay urapitaj sumaj pakasqa kanki. Cheqa kayninpis escudo jina jark'allasonqataj.

Éxodo 14:13

Moisestajrí israelitakunata nerqa: Ama manchariychejchu, pachanpi sayaychej, rikunkichejtaj Tata Dios qankunata kacharichisunaykichejpaj imatachus ruwananta. Kunallantawanña Egipto llajtayojkunaj uyankuta rikunkichej. Kaymanta qhepamanrí niña jayk'ajpis paykunata rikunkichejñachu.

Proverbios 11:18

Millayta ruwajpa pagonqa qhasi manakajlla. Cheqan kajta ruwajrí sumaj t'inkata jap'enqa.

Proverbios 30:5

Tata Diospa tukuy nisqanqa cheqapuni. Diosqa paypi atinikojkunata jark'akun.

Isaías 35:4

Manchachikojkunamantaj niychej: Kallpachakuychej, amataj manchachikuychejchu. Qhawariychej, Diosniykichej jamushan awqanchejkunata ñak'arichispa, ruwasqankuman jina pagachikunanpaj, kacharichinawanchejpajtaj, nispa.

Isaías 40:10

Tukuyta Kamachej Tata Dios jatun atiyninwan jamuspa, atiyniyoj makinwan tukuy imata k'umuykuchin. Payqa ayllunta kacharichiytawan, paykunata pusamushan.

Isaías 41:10

Chayrayku ama manchachikuychu, imaraykuchus noqa qanwanpuni kashani. Ama q'enaqakuychu, imaraykuchus noqa Diosniyki kani. Noqa kallpachasqayki, yanapasqaykitaj. Jinallataj justiciata ruwaj paña makiywan sayachillasqaykipuni.

Isaías 41:14

Jacob ayllu, khuritu jinalla kanki, qanqa Israel pisi runakunayoj kanki. Chaywanpis ama manchachikuychu, imaraykuchus noqamin yanapasqayki. Noqa Tata Dios pagowan kacharichisoj Dios kani, Israelpa May Llimphu Kaj Diosnintaj.

Isaías 43:1

Jacobpa miraynin Israel, pichus qanta ruwasorqa, chay Tata Dios nisunki: Ama manchachikuychu, imaraykuchus noqa pagaspa, qanta kacharicherqayki. Noqa sutiykimanta wajyarqayki, qantaj noqajta kanki.

Isaías 43:5

Ama manchachikuychu, imaraykuchus qanwanpuni kashani. Chantá inti llojsimuynejmanta, inti yaykuynejmantawan runaykikunata tantamusaj.

Isaías 44:2

Noqa ruwasoj Tata Diosniyki kani. Manaraj paqarikushajtiyki ruwarqaykiña, kunantaj qanta yanapasqayki. Munakusqay Jacobpa ayllun, ama manchachikuychu, imaraykuchus noqaqa kamachiy kanaykipaj ajllakorqayki.

Isaías 44:8

Qankuna ama manchachikuychejchu nitaj kharkatitiychejchu. Noqaqa unaymantapachaña imachus kananta nerqaykichej, qankunataj chaymanta testigoy kankichej. Noqamanta jawa waj dios kanchu? Manapuni, mana waj pakakuna chhanka kanchu, ni ujpis kanchu, nispa.

Isaías 51:12

Noqamin sonqochasojniyki kani. Imaraykutaj runakunata manchachikunkiri? Qhora jinalla wañoj, chay runatachu manchachikunki?

Jeremías 39:17

Chaywanpis noqa waqaychasqayki, pikunatachus manchachikushanki, chay runakunaj makinkuman ama urmanaykipaj. Noqa Tata Diosmin chayta nini.

Lamentaciones 3:24

Chayrayku tukuy sonqo nini: Tata Diosqa tukuy ima noqapajqa. Chayrayku payllapi atinikuspa suyakusaj.

Ezequiel 1:1

Kinsa chunka kaj watapi, tawa kaj killamanta phishqa kaj p'unchayninpi noqaqa Quebar nisqa mayu kantupi kasharqani, Judamanta Babiloniaman apasqa runakunaj chawpinkupi. Chantá jinallaman janaj pacha kicharikorqa, Tata Diostataj mosqoypi jina rikorqani.

Ezequiel 11:24

Chaymanta Diospa Espíritun oqhariwaspa, Babiloniaman kutirichiwarqa, maypichus Israelmanta apasqa kajkuna tiyakusharqayku, chayman. Chantá mosqoypi jina rikusqayqa chinkaporqa.

Ezequiel 3:4

Chantá niwarqa: Rispa, Israel aylluman noqaj nisqayta willamuy.

Números 12:6

Tata Dios nerqa: Kay nisqayta allinta uyariwaychej: Qankuna ukhupi noqamanta sut'inchaj kajtenqa, noqa payman mosqoypi jina rikhurisaj, mosqoynejta ima parlasaj.

Números 18:20

Tata Dios Aaronwan parlaspa, nillarqataj: Qanqa Israel suyu ukhupi mana jallp'ayojchu kanki. Noqamin qanpa chayaqeyki, jinataj kapuyniyki kasaj.

Números 24:4

Tukuy Atiyniyoj Diospa sutinpi parlani. Noqaqa pay imatachus munasqanta yachani, imaraykuchus paypa ñawpaqenpi karqani.

San Mateo 28:5

Jinapi angelqa chay warmikunata nerqa: Ama manchachikuychejchu. Noqa yachani Jesusta mask'ashasqaykichejta, pichus cruzman chakatasqa karqa, chayta, icharí?

San Mateo 8:26

Chantá Jesús paykunata nerqa: Imaraykutaj manchachikunkichejri? Qankunamá kasqankichej, manachu noqapi atinikunkichej? nispa. Sayariytawantaj, qochata, wayratawan k'amerqa. Wayra thañejtintaj, qochapis tiyaykorqa.

San Lucas 1:13

Chantá ángel payta nerqa: Zacarías, ama mancharikuychu. Mañakusqaykita Diosqa uyarinña. Warmiyki Elisabet wawayoj kanqa, paytataj Juan sutiwan sutichanki.

San Lucas 1:30

Angeltajrí nerqa: María, ama mancharikuychu. Dios sumajta qhawarimusunki.

San Lucas 12:32

Qankuna pisi t'aqa oveja jinalla kaspapis, ama manchachikuychejchu, imaraykuchus Tataykichej kamachishaspa, mayta munan paywan khuska kamachinaykichejta.

Hechos 10:22

Paykunataj kuticherqanku: Capitán Cornelio kachamuwayku. Payqa cheqan runa, Diostataj jatun respetowan qhawan. Judío masiykikunapis payta jatunpaj qhawanku. Chantá Diospa angelnenqa Cornelioman rikhurispa, nerqa qanta wasinman wajyachisunanta, imatachus parlanaykita uyarinanpaj, nispa.

1 Corintios 3:22

Pablo kachun, Apolos kachun, Cefas kachun, kay pacha kachun, kawsay kachun, wañuy kachun, kunan p'unchaypis kachun, jamoj p'unchaypis kachun, tukuy chaykunaqa qankunajta.

Deuteronomio 18:2

Paykunaqa mana llajta masinku jinachu jallp'ata jap'enqanku, imaraykuchus paykunajta Tata Diosmin chayaqenku kanqa, imaynatachus nisqanman jina.

Deuteronomio 31:6

Jinaqa kallpachakuspa wapu kaychej. Chay runakunata ama manchachikuychejchu, nitaj kharkatitiychejchu, imaraykuchus Tata Diosniykichejqa qankunawan kashan. Payqa mana saqerpayasonqachejchu, nitaj wijch'urpayasonqachejchu, nispa.

Hebreos 1:1

Ñawpa tiempopi Diosqa ñawpa tatanchejkunaman ashkha kutita sut'inchajkunanejta parlarqa tukuy imaymanamanta.

Apocalipsis 1:17

Maypachachus payta rikorqani chaypacha, noqa wañusqa jina ñawpaqenpi wijch'ukorqani. Paytajrí paña makinta patayman churaspa, niwarqa: Ama mancharikuychu. Noqa kani ñawpaj kaj, qhepa kajtaj,

Rut 2:12

Israelpa Tata Diosnin, pipichus atinikushanki, paymin suegraykita yanapasqaykimanta kutichipusuchun, allin kajtataj qopusuchun tukuy ruwasqaykimanta, nispa.

1 Samuel 15:10

Chantá Tata Diosqa Samuelta nerqa:

1 Samuel 9:9

Unaypachapi sichus mayqen israelita Diosta tapurikuyta munaj chayqa, kay jinata nej: Jaku rina yachaj runaman, nispa. Unay sut'inchajkunata: “Yachaj runa”, nispa nej kanku. Chaymantaqa: “Diosmanta sut'inchajkuna”, nispa rejserqanku.