Génesis 14:19 - DIOSPA QHELQACHISQ

¹⁹ Chantá pay Abramta kay jinata samincharqa: Patapi Kaj Dios saminchasuchun, pichus janajta, kay pachatawan ruwaj, chay.

Qheshwa Biblia DC

¹⁹ Bendicerqataj Abramta kay jinata nispa: Patapi kaj Dios bendicisuchun, pichus janaj pachata, kay pachatawan ruwaj;

DIOSPA QHELQACHISQAN DEUTEROCANONICAL

¹⁹ Chantá pay Abramta kay jinata samincharqa: Patapi Kaj Dios saminchasuchun, pichus janajta, kay pachatawan ruwaj, chay.

Génesis 14:19 ပူးပေါင်းရင်းမြစ်များ

Génesis 14:22

Abramtajrí Sodomata kuraj kamachejman ajinata kuticherqa: Noqaqa chhika kaj Patapi Kaj Tata Diosman tiluspa niniña, pichus janajta, kay pachatawan ruwajman:

Génesis 24:3

Jinaspataj, janaj pachapi, kay pachapipis Tata Diosrayku tiluy ari, noqa maypichus tiyakushani kay Canaanpi kaj warmikunawan amapuni churiyta casarachinaykita.

Génesis 27:4

Chantá munasqayman jina sumaj mikhunata wayk'uspa, mikhunaypaj apamuway. Noqataj manaraj wañupushaspa, qanta saminchasqayki, nispa.

Génesis 47:10

Chaymanta Jacobqa faraonta saminchaytawan, manchay respetowan ñawpaqenmanta llojsiporqa.

Génesis 47:7

Chantá Joseqa tatan Jacobtañataj faraonman rejsichinanpaj pusarqa. Jacobtaj faraonta jatun respetowan napaykorqa.

Génesis 49:28

Chaykuna Israelpa chunka iskayniyoj ayllunkuna kanku, tatankutaj ajinata sapa ujta samincharqa.

2 Samuel 2:5

Chaypacha Davidqa kachakunata Galaadpi Jabesman kacharqa, kay jinata nichispa: Tata Dios qankunata saminchachun Saulmanta khuyakusqaykichejrayku, ayanta jallp'aykichejpi p'ampasqaykichejmanta.

1 Crónicas 29:11

Tata Dios, qanpatamin jatunchasqa kana, atiypis, sumaj kayniykej lliphipiyninpis, atipanapis, maypaj qhawana kaypis. Qanpatamin kay pachapi, janaj pachapi tukuy ima kajpis. Tata Dios, qanlla tukuyta kamachinapaj jina kanki, qanllataj tukuymanta aswan jatun atiyniyoj kanki.

2 Crónicas 31:8

Kuraj kamachej Ezequías yanapajninkunawan chay tantasqankuta qhawaj rispa, Tata Diosta jatuncharqanku, Israel ayllutataj samincharqanku.

Salmos 115:15

Janajta, kay pachatawan ruwaj Tata Dios qankunata saminchachun.

Salmos 115:16

Janaj pachaqa Tata Diosninchejpata, kay pachatataj runaman qorqa.

Salmos 24:1

(1b) Tukuy kay pachaqa Tata Diospata, tukuy ima chaypi kajpis. Tukuy kay pachaqa paypatapuni, tukuy chaypi kawsajkunapis.

Salmos 50:10

Tukuy k'ita animalkunaqa noqaypata, jinallataj orqopi tukuy uywakunapis.

Miqueas 6:6

Israel, qan tapunki: Janaj pachapi kaj Tata Diosta yupaychaj imawantaj chimpaymanri? Payman uj watayoj torillota ñak'aspa q'olachinawan chimpaymanchu?

San Mateo 11:25

Chaypacha Jesús kay jinata Diosta nerqa: Tatáy, janaj pachata, kay pachatawan kamachej Dios, noqa jatunchayki imaraykuchus qan kay imakunata yachayniyojkunamanta, yuyayniyojkunamantawan pakaykorqanki, wawa jina kajkunamantaj sut'incharqanki.

Marcos 10:16

Chantá Jesús wawakunata marq'ariykukorqa, umankuman makinta churaspataj, paykunata Diospa sutinpi samincharqa.

San Lucas 10:21

Chaypacha, Jesusqa Santo Espiritunejta may kusisqa kaspa, Diosta nerqa: Tatáy, janaj pachata kay pachatawan kamachej Dios, noqa jatunchayki, imaraykuchus kay imakunata yachayniyojkunamanta, yuyayniyojkunamantawan pakarqanki, wawa jina kajkunaman sut'inchanaykipaj. Arí Tatáy, qan ajinata munarqanki, nispa.

Hechos 16:17

Chay sipasqa Pabloj qhepanta, qhepaykutawan ima jamorqa, jinataj qhaparqachaspa, nerqa: Kay runakunaqa Patapi Kaj Diospa kamachinkuna kanku. Paykuna willasunkichej imaynatachus qhespichisqa kanaykichejta, nispa.

Efesios 1:3

Tukuyta Kamachej Jesucristonchejpa Tata Diosninta yupaychana, imaraykuchus Cristoman ujchasqa kasqanchejrayku, Santo Espirituman jina janaj pachapi tukuy imaymanamanta saminchaykuwanchej.

Efesios 1:6

Tata Dios ajinata ruwarqa payta yupaychananchejpaj, imaraykuchus payqa t'ukuna qhasilla k'acha yanapayninwan yanapawarqanchej munasqa Churinman ujchasqa kasqanchejrayku.

Deuteronomio 10:14

Kayta allinta yachaychej: Janajpis, janajmanta aswan pata kajpis, kay pachapis, kaypi imachus kajpis Tata Diosniykichejpatamin.

Rut 3:10

Chantá Boozqa nerqa: Tata Dios qanta yanapasuchun. Kunan rikuni wañoj qosaykita mana wasanchasqaykita. Qan casarakuyta munaspaqa, mask'akuwaj karqa noqamanta aswan wayna kajta, wajchatapis chayrí qhapajtapis. Jinapis mana chayta ruwarqankichu.

1 Samuel 15:13

Chantá Samuelqa maypichus Saúl kasharqa, chayman rerqa. Saultaj payta nerqa: Tata Dios qanta saminchasuchun. Noqaqa Tata Diospa kamachiwasqanta junt'aniña, nispa.