Génesis 13:18 - DIOSPA QHELQACHISQ

¹⁸ Chantá Abramqa toldonta phaskaspa, tiyakoj riporqa, Hebrón llajta qayllapi maypichus Mamré sutiyoj runajta encina sach'an karqa, chaynejman. Chaypipis uj altarta Tata Diospaj ruwallarqataj.

Qheshwa Biblia DC

¹⁸ Jinamanta Abramqa toldonta oqharispa riporqa Mamre runaj encinas sach'arara jallp'anman, Hebrón llajta qayllaman. Chaypi uj altarta Señorpaj ruwarqa.

DIOSPA QHELQACHISQAN DEUTEROCANONICAL

¹⁸ Chantá Abramqa toldonta phaskaspa, tiyakoj riporqa, Hebrón llajta qayllapi maypichus Mamré sutiyoj runajta encina sach'an karqa, chaynejman. Chaypipis uj altarta Tata Diospaj ruwallarqataj.

Génesis 13:18 ပူးပေါင်းရင်းမြစ်များ

Génesis 13:4

Chay karqa, maypichus pay ñawpajta altarta ruwasqa, chay. Chantá Abrahamqa ujtawan chaypi Tata Diospa sutinta oqharispa yupaycharqa.

Génesis 14:13

Chantá uj runa maqanakumanta ayqemuspa, imachus pasasqanta hebreo nisqa Abramman willarqa. Chaypacha Abramqa Mamrej encina sach'arara qayllanpi tiyakusharqa. Mamreqa amorreo llajtayoj karqa, jinataj Escolpata, Anerpatawan wawqenku, paykunataj Abramman sayasqa karqanku.

Génesis 18:1

Abraham chaypacha Mamrej encina sach'an chaynejpi jarasqa karqa. Chantá chawpi p'unchay chay chayta Abram jaranpa punkunpi tiyarikushajtin, Tata Dios payman rikhurerqa.

Génesis 22:9

Maymanchus rinankuta Dios nisqa, chayman chayaspa, Abraham uj altarta Diospaj ruwarqa, chay patamantaj llant'ata tawqarqa. Chaymantataj Isaacta wataykuspa, altarpi llant'a pataman winkuykucherqa.

Génesis 23:2

Paytaj Quiriat Arbapi wañuporqa. Arbaqa Canaán jap'iypi, Hebrón llajta kashan. Abrahamqa warmin Sara wañupusqanrayku mayta llakikuspa, anchatataj waqarqa.

Génesis 26:25

Chantá Isaac chaypi uj altarta ruwaspa, Tata Diosta yupaycharqa. Chantá chaynejpi toldonta sayacherqa, kamachinkunapis chaynejpi uj pujyutawan allallarqankutaj.

Génesis 35:27

Chantá Jacob tatan Isaacta watukoj Mamreman rerqa. Chay llajtaj ujnin sutenqa Arba, chayrí Hebrón karqa. Chaypi Abrahamwan, churin Isaacwan ima unay tiyakusqanku.

Génesis 37:14

Israeltaj nerqa: Rispa, wawqeykikuna, jinataj ovejakuna imaynachus kashasqankuta qhawamuy. Chantá kutimuspa, willawanki, nispa. Ajinata Israelqa churin Joseta Hebrón vallemantapacha kacharqa. Chantá José Sichemman rerqa.

Génesis 8:20

Chantá Noeqa Tata Diosta yupaychananpaj uj altarta ruwarqa. Chaypitaj ñak'aspa, chantá q'olachispa ima Diosman jaywarqa, llimphupaj qhawasqa tukuy animalmanta, tukuy phawajmanta ima.

2 Samuel 2:1

Chay qhepata Davidqa Tata Diosta tapurerqa: Riyta atiymanchu Judá suyumanta mayqen llajtallamanpis? nispa. Tata Diostaj kuticherqa: Arí, riyta atillanki, nispa. Davidqa ujtawan taporqa: Maymantaj risajri? nispa. Tata Diostaj nerqa: Riy, Hebrón llajtaman, nispa.

Salmos 16:8

Noqaqa Tata Diospipuni yuyani, pay noqawan kajtintaj, mana imapis urmachiwanqachu.

Números 13:22

Chaymanta Neguevnejta rispa, Hebronkama chayarqanku. Chaypi Ajimán, Sesay, Talmay ima tiyakorqanku. Paykunaqa Anacpa mirayninmanta karqanku. Hebrón llajtaqa Egiptopi Soán llajtamanta qanchis wata ñawpajta sayarichisqa kasqa.

1 Timoteo 2:8

Chayrayku tukuynejpi yupaychanapaj tantakuypi qharikunaqa Dioswan parlarikunankupaj allin puriyniyoj kachunku, mana piwan siminakuspa, nitaj piwan phiñanakuspa, nillataj imamantapis piwan churanakuspa.

Hebreos 11:9

Chaymanta Abrahamqa Diospi atinikusqanrayku, Dios qosqayki nisqan jallp'api tiyakorqa, runaj llajtanpi waj llajtayoj runa jina. Pay toldollapi tiyakorqa. Isaacpis, Jacobpis toldollapitaj tiyakorqanku, pikunachus Diospa nisqanta jap'inallankutaj karqa, chaykuna.

Josué 14:13

Chantá Josueqa Yefunej churin Calebta samincharqa. Chantá paypata, jinataj churinkunajtawan kananpaj, Hebrón cheqanejta qoporqa.

Josué 15:13

Josueqa, Tata Diospa kamachisqanman jina Judá jatun aylloj jap'iynin ukhupi Yefunej churin Calebman jallp'ata qorqa. Payman Quiriat Arbá llajtata qorqa. Chay llajtaqa Anacpa churinkunaj jatun llajtanku karqa. Quiriat Arbá llajtata aswan qhepanejman Hebrón, nispa suticharqanku.