Génesis 13:13 - DIOSPA QHELQACHISQ

¹³ Sodoma llajtayojkunarí millay runakuna kasqankurayku, Tata Diospa contranpi millayta ruwaspa, anchata juchallerqanku.

DIOSPA QHELQACHISQAN DEUTEROCANONICAL

¹³ Sodoma llajtayojkunarí millay runakuna kasqankurayku, Tata Diospa contranpi millayta ruwaspa, anchata juchallerqanku.

Génesis 13:13 ပူးပေါင်းရင်းမြစ်များ

Génesis 10:9

Nimrodqa Tata Dios munasqanrayku k'ita animalkunata jap'inapaj manchay wapu karqa. Chayrayku runakuna ajinata niyta yachaj kanku: Kay runaqa Nimrod jina wapu, pichus Tata Dios munasqanrayku k'ita animalkunata jap'inapaj wapu karqa, chay jina nispa.

Génesis 15:16

Tawa pachaj wata tukukuytataj mirayniykeqa kay jallp'aman kutimponqanku, imajtinchus kaypi tiyakoj amorreokunaj millayta ruwasqankoqa manaraj chaykamachu. Chayrayku paykunata manaraj chinkarparichisajchu, nispa.

Génesis 18:20

Chayrayku Tata Dios Abrahamman willarqa: Sodomapi Gomorrapiwan tiyakojkunaj millayta ruwasqankumanta anchaña uyarikun, juchallisqankutaj ancha millaypuni.

Génesis 19:13

Noqayku kay llajtata chinkarparichisqayku, imaraykuchus kay llajtayojkunaj contranta runaj may chhika parlasqanta Tata Dios uyarin. Chayrayku pay kay llajtata chinkarparichinaykupaj kachamuwayku, nispa.

Génesis 38:7

Chaywanpis Judáj kuraj kaj churin Er mana Tata Diospa munasqanman jinachu purisqanrayku Tata Dios payta wañucherqa.

Génesis 39:9

Kay wasipi mana pipis noqamanta aswan atiyniyoj kanchu, patronniytaj tukuy imata makiyman saqewan. Qanllata mana saqewanchu, imajtinchus qanqa warmin kanki. Ajinaqa, imaynatataj chay jina millayta ruwaspa, Diospa contranpi juchalliymanri? nispa.

Génesis 6:11

Kay pachapi millayta ruwaspa purina anchañapuni kasqanta Dios rikorqa. Jinallataj mana cheqan kajta ruwana junt'a kasqanta rikullarqataj,

2 Reyes 21:6

Chay jawa churintapis q'olachispa diosninkunaman jaywarqa. Sajra espiritukunata wajyanaman qokorqa, jinallataj suerteta qhawanaman, aysiriman, layqeriyoman ima qokullarqataj. Ajinata Tata Diospa rikunanta millaytapuni ruwasqanwan Diosta sinch'ita phiñacherqa.

Isaías 1:9

Sichus Tukuy Atiyniyoj Tata Dios noqanchejmanta wakinkunata mana kawsashajta saqenmanchu karqa chayqa, Sodoma jina, Gomorra jinataj chinkachisqa kasunman karqa.

Jeremías 23:14

Jerusalenpi tiyakoj sut'inchajkunatapis manchay millayta ruwashajta rikullanitaj. Paykunaqa khuchichakunku, llullakuspataj purinku. Astawanpis millay ruwajkunata kallpachanku, chayraykutaj paykuna manapuni millay ruwasqankumanta kutirikunkuchu. Paykuna, tukuy chay llajtapi tiyakojkuna ima Sodoma chantá Gomorra llajtayojkuna jina kanku.

Jeremías 23:24

Pitaj noqamanta pakakuyta atinmanri? Noqa janaj pachapi, chantá kay pachapipis kashani. Noqa Tata Diosmin chayta nini.

Números 32:23

Sichus nisqaykichejman jina mana ruwankichejchu chayrí, kayta allinta yachaychej: Tata Diospa contranta juchallinkichej, juchallisqaykichejraykutaj paypa jasut'iynin pataykichejpi kanqa.

San Mateo 9:10

Aswan qhepaman Jesuswan, yachachisqankunawan ima Mateoj wasinpi mikhusharqanku, chaypitaj impuestota cobrajkunamanta, juchasapapaj qhawasqa kajkunamanta ima ashkha runakuna paykunawan khuska mikhushallarqankutaj.

San Mateo 9:13

Qankunarí rispa, yachaqamuychej imatachus Diospa Qhelqachisqanpi pay niyta munasqanta: Noqaqa ujkunata khuyanaykichejta munani, mana uywa wañuchisqa q'olachinatachu, nispa. Noqarí mana cheqan runa kasqankuta yuyakojkunatachu wajyaj jamuni, manachayqa juchasapa kasqankuta reparakojkunata, nispa.

San Juan 9:24

Chantá judiokunaj kurajninkukuna, pichus ñawsa karqa, chay runata ujtawan wajyaspa, nerqanku: Diospa ñawpaqenpi cheqanta parlay. Noqayku yachayku chay runaqa juchasapa kasqanta, nispa.

San Juan 9:31

Tukuy yachanchej Diosqa juchasapakunata mana uyarisqanta. Aswanpis pikunachus Diosta may jatun respetowan qhawanku, chantá munasqantataj ruwanku, chaykunallata Dios uyarin.

Romanos 1:27

Ajinallatataj qharikunapis warmiwan mana puñuyta munaspa, munasqankuwan apachikorqanku, jinataj qharipura puñuykorqanku. Chayrayku chay jina millayta ruwasqankumanta kikin ukhunkupi ñak'arerqanku, pantasqankuman jina jasut'isqa kaspa.

Hebreos 4:13

Diospa tukuy ruwasqanqa mana paymanta pakakuyta atinchu. Manachayqa tukuy imapis paypa ñawpaqenpi sut'ipacha, pimanchus cuentata qonanchej kanqa, chaypa ñawpaqenpi.

2 Pedro 2:10

Astawanqa jasut'enqa, pikunachus khuchichakuspa purinaman qokunku, chaykunata. Paykunaqa Diospa tukuyta kamachej kayninta pisipaj qhawanku. Mana manchachikuyniyoj may kasqankuta yuyakuspataj, paykuna janaj pachapi atiyniyojkunapaj rimaytapis mana manchachikunkuchu.

Judas 1:7

Jinallataj ama qonqaychejchu Sodomamanta, Gomorramanta, chantá chay qayllapi kaj llajtakunamanta ima. Chay llajtakunapi tiyakojkuna khuchiriyoman, chantá tukuy imaymana millay ch'ichita purinaman qokusqanku. Chayrayku Dios chay llajtakunata wiñaypaj lawraj ninawan ruphaykuchisqa. Chay llajtakunawan imachus kasqanqa wanananchejpaj k'amiy jina kashan, ama paykuna jina kayta munananchejpaj.

1 Samuel 15:18

Tata Diostaj sut'ita kamachisorqa juchasapa amalecitakunata chinkachinaykita, mana uj puchuyojtataj wañuchinaykita.

1 Samuel 2:17

Ajinaqa Elíj churinkunaj juchallikusqankoqa Tata Diospa ñawpaqenpi jatun juchapuni karqa, imaraykuchus Tata Diosman qosqa jaywanata manakajpaj qhawarqanku.