Génesis 12:3 - DIOSPA QHELQACHISQ

³ Qanta saminchasojkunata noqa saminchasaj, qanta maldicisojkunatatajrí maldicillasajtaj. Jinallataj qannejta kay pachapi tukuy runata saminchasaj, nispa.

Qheshwa Biblia DC

³ Qampaj allinta ruwajkunapaj allinta ruwapusaj, qampaj mana allinta ruwajkunatarí maldicisaj. Qannejta bendicisqas kanqanku tukuy ayllus kay jallp'a patapi kajkuna.

DIOSPA QHELQACHISQAN DEUTEROCANONICAL

³ Qanta saminchasojkunata noqa saminchasaj, qanta maldicisojkunatatajrí maldicillasajtaj. Jinallataj qannejta kay pachapi tukuy runata saminchasaj, nispa.

Génesis 12:3 ပူးပေါင်းရင်းမြစ်များ

Génesis 18:18

imaraykuchus pay ashkha runayoj jatun suyoj tatan kanqa. Payman niniña kay pachapi tukuy suyuta paynejta saminchanayta.

Génesis 18:19

Noqa payta ajllakullarqanitaj wawankunata, miraynintapis kamachinanpaj, ajinamanta noqata kasuwaspa chantá cheqan kajta, allin kajtataj ruwaspa purinankupaj. Sichus Abraham nisqayta ruwanqa chayqa, noqa payman tukuy nisqayta junt'asaj, nispa. Ajinata Tata Dios Abrahamta nerqa.

Génesis 22:18

Nisusqayta kasuwasqaykiraykutaj noqa kay pachapi tukuy runata mirayniykinejta saminchasaj, nispa.

Génesis 24:35

Patronniy Abrahamqa manchay qhapaj, Tata Dios may jinata yanapasqanrayku. Tata Dios payman qon ovejakunata, wakakunata, qolqe metalta, qorita, qhari kamachikunata, warmi kamachikunata, camellokunata, chantá burrokunata ima.

Génesis 25:11

Abraham wañupusqanmanta qhepata Diosqa churin Isaacta samincharqa. Isaactaj “Rikuwaj kawsaj Diospa pujyun” nisqaj qayllanpi tiyakorqa.

Génesis 26:29

Qanqa ama ima sajratapis ruwawasqaykuchu, imaynatachus noqayku mana qanta imanarqaykuchu, ajinata. Aswanpis noqayku qanpaj allinta ruwarqayku, allillantataj kachamporqayku. Kunantaj qanta Tata Dios yanapashasunki, nispa.

Génesis 26:4

Janajpi ch'askakunata jinapuni aylluykita mirachisaj, jinaspataj, paykunaman kay jallp'ata qosaj. Chantá kay pachapi tukuy suyupi tiyakojkunapis mirayniykinejta saminchasqallataj kanqanku.

Génesis 27:29

Tukuy imaymana rijch'aj runakuna kamachiykikuna kachunku. Waj suyukunamanta runakunataj ñawpaqeykipi qonqorikuchunku. Wawqeykikunatapis kamachillankitaj, mamaykej wawankunataj k'umuykamusuchunku. Maldicisojkuna maldicisqa kachunku, saminchasojkunatajrí saminchasqa kachunku, nispa.

Génesis 28:14

Mirayniykeqa t'iyu jina mana yupay atina kanqa, paykunataj wichaynejman, uranejman, inti llojsimuynejman, inti yaykuynejman ima junt'aykonqanku. Qannejta, jinallataj mirayniykinejtapis kay pachapi tukuy runakuna saminchasqa kanqanku.

Génesis 30:27

Labantajrí kuticherqa: Ama ripuychu ari, kakullay. Noqa yachani qanrayku Tata Dios saminchaspa yanapawasqanta.

Génesis 30:30

Manaraj kayman chayamushajteyqa, uywayki pisilla karqa. Kunantajrí ashkhaña tiyapusunki. Chayamusqaymantapacha Tata Dios ashkhata qosunki. Kunantajrí aylluypajñataj llank'arikuyta munani ari, nispa.

Génesis 39:5

Chaymantapacha Tata Dios Joserayku Potifarta samincharqa. Wasinpi tukuy ima kajpi, jinataj chajranpipis Tata Dios yanaparqa.

Salmos 72:17

Kuraj kamachejpa sutin wiñaypaj yuyarisqa kachun, manchay uyarisqa kasqantaj inti jina unaypaj kachun. Kay pachapi kaj chhika runakunaqa paynejta saminchasqa kachunku, tukuy runataj nichunku: Kuraj kamachejqa may kusikuyniyojmin, nispa.

Éxodo 23:22

Sichus cheqatapuni payta kasunki chay, tukuy nisqantataj ruwanki chayqa, noqa awqaykej awqan kasaj. Pichus contraykipi sayaykusojman noqa sayaykullasajtaj.

Números 24:9

Israel león jina awaytarin, china león jina winkurin. Pitaj sayarichej qayllaykunmanri? Israelitakunata saminchajkuna saminchasqallataj kachunku. Maldicejkunataj maldicisqallataj kachunku, nispa.

San Mateo 25:40

Kuraj Kamachejtaj paykunaman kutichenqa: Kayta sut'ita niykichej: Imatachus aswan pisipaj qhawasqa ujnin kaj wawqeypaj ruwarqankichej, chaytaqa noqapajmin ruwarqankichej, nispa.

San Mateo 25:45

Kuraj Kamachejtaj paykunaman kutichenqa: Sut'ita niykichej: Sichus aswan pisipaj qhawasqa ujnin kaj wawqeyta mana yanaparqankichejchu chayqa, nillataj noqatapis yanapawarqankichejchu, nispa.

San Lucas 24:27

Chay ratopacha Jesús sut'inchayta qallarerqa, Diospa Qhelqachisqanpi paymanta imatachus nisqanta, Moisespa qhelqasqanmanta qallarispa, Diosmanta tukuy sut'inchajkunaj qhelqasqankumantawan.

Romanos 4:11

Abrahampa circuncidasqa kasqan señal karqa Diospi atinikusqanrayku cheqan runapajña qhawasqa kasqanmanta. Jinataj manaraj circuncidasqa kashajtin, Diosqa cheqan runa kasqanta nerqa. Chayrayku Abrahamqa Diospi tukuy atinikojkunaj tatanku, mana circuncidasqa kashajtinkupis. Diostaj paykunatapis cheqan runapaj qhawan paypi atinikusqankurayku.

1 Corintios 1:30

Chaywanpis kikin Diosmin qankunata Cristo Jesuswan ujchaykorqasunkichej. Cristowan ujchasqa kasqaykichejraykutaj qankuna yachayniyoj kankichej. Jinallataj Cristo Diospa ñawpaqenpi cheqan runapaj qhawasqa kananchejpaj ruwawarqanchej, jinallataj juchamanta t'aqasqa llimphu, chantá juchamanta kacharichisqa kananchejpaj ima.

Gálatas 3:16

Jinallatataj Diosqa Abrahamman chantá mirayninman ima imatachus qonanta nerqa. Diospa Qhelqachisqanpi Abrahampa mirayninmanta parlaspa, mana ashkhamantachu parlan, manachayqa ujllamanta, chaytaj Cristo.

Gálatas 3:28

Ajinaqa, judío kana chayrí mana judío kana, wata runa kana chayrí mana wata runa kana, qhari kana chayrí warmi kanapis mana imananchu. Sichus qankuna Cristo Jesusman ujchasqa kankichej chayqa, tukuyniykichej uj rejllaña kankichej.

Gálatas 3:8

Diospa Qhelqachisqanpi ñawpajmantaña willarqa Diosqa mana judío kajkunata paypa nisqanta jap'ikusqankurayku cheqan runapaj qhawananta, chay sumaj willaytataj Abrahamman willarqa: Qannejta tukuy imaymana runakuna saminchasqa kanqanku, nispa.

Efesios 1:3

Tukuyta Kamachej Jesucristonchejpa Tata Diosninta yupaychana, imaraykuchus Cristoman ujchasqa kasqanchejrayku, Santo Espirituman jina janaj pachapi tukuy imaymanamanta saminchaykuwanchej.

Colosenses 3:11

Chay mosoj kawsaypitaj manaña imananchu mana judío kasqanchej, chayrí judío kasqanchej, nitaj circuncidasqa kasqanchej, chayrí mana circuncidasqa kasqanchej ima. Manallataj imananchu yachayniyoj kana, mana yachayniyoj kanapis, nitaj wata runa kana, chayrí mana wata runa kanapis. Manachayqa Cristolla aswanmin, paytaj tukuyninchejpi tiyakushan.

Apocalipsis 7:9

Jinallataj chay qhepata may chhika runata rikorqani, yupay mana atinata tukuy suyumanta, tukuy ayllumanta, tukuy imaymana rijch'aj runamanta, tukuy parlaykunamantawan. Paykuna kamachina tiyanaj ñawpaqenpi, chantá Corderoj ñawpaqenpi ima kasharqanku, yuraj p'achawan p'achallisqa, makinkupitaj palma jap'irisqa.