Génesis 1:28 - DIOSPA QHELQACHISQ

²⁸ Chantá paykunata saminchaspa, nerqa: Ashkhata miraychej, kay pachamantaj junt'aychej. Kamachiyniykichej uraman churaychej, makiykichejpitaj jap'iychej mama qochapi kaj challwakunata, phawajkunata, jallp'a patapi qhatatakuspa purejkunatapis, nispa. Ajinata Dios nerqa.

Qheshwa Biblia DC

²⁸ Chantá bendicerqataj nispa: Mira casta kaychej, miraychej, mundoman junt'aychej; atiyniyojtaj kaychej, atipaspa mar qochapi kaj challwasta, tukuy p'isqosta, tukuy qhatatakojkunatawan jallp'a patapi.

DIOSPA QHELQACHISQAN DEUTEROCANONICAL

²⁸ Chantá paykunata saminchaspa, nerqa: Ashkhata miraychej, kay pachamantaj junt'aychej. Kamachiyniykichej uraman churaychej, makiykichejpitaj jap'iychej mama qochapi kaj challwakunata, phawajkunata, jallp'a patapi qhatatakuspa purejkunatapis, nispa. Ajinata Dios nerqa.

Génesis 1:28 ပူးပေါင်းရင်းမြစ်များ

Génesis 1:22

Chantá Dios tukuy ruwasqan animalkunata saminchaspa, nerqa: Miraychej, mama qochamantaj junt'aychej. Phawajkunapis jallp'a patapi may chhikata mirachunku, nispa.

Génesis 17:16

Noqataj paytapis saminchasaj, jinataj paypipuni wawayki kanqa. Arí, payta saminchasaj, Saraj mirayninmantataj suyukuna rikhurenqanku, kuraj kamachejkuna ima, nispa.

Génesis 17:20

Wawayki Ismaelmanta niwasqaykitapis uyariyki, paytapis yanapasaj. Paypis ashkha wawayoj kanqa, noqataj miraynintapis ashkhayachisaj. Ismaelqa chunka iskayniyoj kurajkunaj tatanku kanqa, jinallataj paymanta ashkha runayoj jatun suyuta ruwasaj.

Génesis 24:60

Kacharpayapushaspataj, Rebecaj ayllunmanta kajkuna ajinata nispa, samincharqanku: Panayku, ashkha wawaj mamanku kay. Mirayniykimanta kajkunataj awqankukunata atipachunku, nispa.

Génesis 26:24

Chay tutataj Tata Dios payman rikhurispa, nerqa: Noqaqa tatayki Abrahampata Diosnin kani. Ama manchachikuychu, imaraykuchus noqa qanwan kashani. Kamachiy Abrahamman nisqayrayku noqa saminchasqayki, mirayniykitapis ashkhayachisaj, nispa.

Génesis 33:5

Chaymanta Esauqa Jacobpa warminkunata, wawankunatawan qhawarispa, Jacobta taporqa: Kaykuna pikunataj kankuri? nispa. Jacobtaj nerqa: Kay wawakunaqa Diospa qowasqan wawakuna kanku, nispa.

Génesis 49:25

Tataykej Diosnin qanta yanapasuchun. Jinallataj Tukuy Atiyniyoj Dios saminchasuchun janajpa saminchayninkunawan, ukhu mama qochaj saminchayninwan ima. Qanmanta rikhurej warmikuna ashkha wawayoj kachunku.

Génesis 5:2

Diosqa qharita warmitawan ruwarqa, chantá paykunata samincharqa. Paykunata ruwaytawantaj: “Runa”, nispa suticharqa.

Génesis 6:1

Maypachachus kay pachapi runakuna mirayta qallarerqanku chaypacha, warmi wawakunayoj karqanku.

Génesis 8:17

Jinallataj qanwan khuska kashaj animalkunatapis kacharillayña: Phawajkunata, uywakunata, pampata qhatatakuspa purejkunata ima, paykuna miraspa, kay pachaman junt'anankupaj, nispa.

Génesis 9:1

Chantá Diosqa Noeta, churinkunatawan ima saminchaspa, nerqa: Ashkha wawayoj kaychej, kay pachamantaj junt'aychej.

Génesis 9:7

Qankunarí ashkha wawayoj kaychej, kay pachamantaj junt'aykuychej, nispa. Ajinata Dios nerqa.

1 Crónicas 26:5

sojta kajtaj Amiel, qanchis kajtaj Isacar, pusaj kajta Peultay. Ajinata Diosqa Obed Edomman ashkha churikunata qorqa.

1 Crónicas 4:10

Jabestaj israelitakunaj Diosninmanta kay jinata mañakorqa: Yanapaway, jatun jallp'ata qonawaykita mañakuyki. Mañakullaykitaj yanaparinawaykita, tukuy sajra kajmantataj waqaychanawaykita, ama imata ñak'arispa kawsakunaypaj, nispa. Diostaj imatachus mañakusqanta qorqa.

Job 39:11

Sumaj kallpasapa kasqanrayku paypi atinikuwajchu? Jallp'aykita llank'apusunanta saqewajchu?

Job 42:12

Chantá Tata Diosqa Jobta ñawpajmanta nisqa astawanraj samincharqa. Qhepanejman Jobpata, 14.000 ovejakuna, 6.000 camellokuna, 1.000 yuntakuna, 1.000 china burrokuna ima tiyaporqa.

Salmos 107:38

Dios paykunata saminchaspa, ashkhaman miracherqa, uywankutapis mirachipullarqataj.

Salmos 115:16

Janaj pachaqa Tata Diosninchejpata, kay pachatataj runaman qorqa.

Salmos 69:34

34 (35) Janaj pachapis, kay pachapis, jinataj mama qochapis, tukuy chaykunapi kawsajkuna ima Diosta jatunchachunku.

Salmos 8:6

6 (7) Chantá tukuy ruwasqaykita kamachinanpaj payta churarqanki, tukuy imatataj chakin uraman churarqanki.

Salmos 8:7

7 (8) Ovejakunata, bueykunata, k'ita animalkunata ima kamachinanpaj runata churarqanki,

Isaías 45:18

Janaj pachata ruwaj Tata Dios, Paymin Diosqa. Paymin kay pachatapis ruwarqa, payllataj tukuy imata maychus kananman churarqa. Kay pachata ruwarqa kawsayniyojkuna chaypi tiyakunankupaj. Pay nin: Noqamin Tata Dios kani, noqamanta jawaqa mana waj Dios kanchu.

Levítico 26:9

Noqa qankunata qhawarisqaykichej, may jinatataj mirachisqaykichej. Qankunawan trato ruwasqaytapis junt'asajpuni.

1 Timoteo 4:3

Paykunaqa casarana mana walejchu kasqanta nenqanku, nillanqankutaj wakin mikhunata mana mikhunachu kasqanta. Diosrí chay mikhunata churarqa, pikunachus paypi atinikojkuna, chantá cheqa kajta rejsejkuna Diosta pachis nispa mikhunankupaj.