Génesis 1:24 - DIOSPA QHELQACHISQ

²⁴ Chaymanta Dios nillarqataj: Jallp'a patapi tukuy imaymana animalkuna rikhurichunku: Uywakuna, k'ita animalkuna, pampata qhatatakuspa purej animalkuna ima, nispa. Ajinataj karqa.

Qheshwa Biblia DC

²⁴ Chantá Dios nerqa jallp'a patapi kausachunku tukuy laya animales: Monte animales, uywas, pampata qhatatakojkuna ima, layankuman jina. Ajinataj karqa.

DIOSPA QHELQACHISQAN DEUTEROCANONICAL

²⁴ Chaymanta Dios nillarqataj: Jallp'a patapi tukuy imaymana animalkuna rikhurichunku: Uywakuna, k'ita animalkuna, pampata qhatatakuspa purej animalkuna ima, nispa. Ajinataj karqa.

Génesis 1:24 ပူးပေါင်းရင်းမြစ်များ

Génesis 1:23

Ajinaqa inti yaykuymanta q'ayantin inti yaykuykama, phishqa kaj p'unchay karqa.

Génesis 2:19

Chantá Tata Dios jallp'amanta tukuy imaymana animalkunata, chantá tukuy imaymana phawajkunatawan ruwarqa. Jinaspataj, animalkuna ruwasqanta runaman pusarqa sapa ujta sutichananpaj. Chayrayku tukuy animalqa Adanpa sutichasqan sutiwan rejsisqa kanku.

Génesis 6:20

Phawajkunamanta, uywakunamanta, qhatatakuspa purejkunamanta ima, sapa t'aqamanta uj china, uj orqo barcoman yaykonqanku, qanwan khuska kawsanankupaj.

Génesis 7:14

Paykunawan khuska yaykullarqankutaj tukuy imaymana rijch'aj k'ita animalkuna, wasi uywakuna, qhatatakuspa purej animalkuna, tukuy imaymana phawajkuna ima.

Génesis 8:19

Jinallataj uywakuna, k'ita animalkuna, pampata qhatatakuspa purejkuna, phawajkuna ima tukuynin llojserqanku.

Job 39:1

Tata Dios nillarqapuni: Job, qanqa k'ita cabrakuna mayk'ajchus uñachakusqankuta yachankichu? Qanqa jayk'ajpis tarukakunata wachashajta rikorqankichu?

Job 39:19

Qanchu caballomanqa kallpata qorqanki? Pitaj caballoj kunkanta chujchawan k'achancharqari?

Job 39:5

K'ita burrota pitaj kacharisqata uywanri? Pitaj kacharisqalla purinankuta nerqari?

Job 39:9

Yuyankichu k'ita toro qanpaj llank'apusunanta, ch'isinpis kanchapi puñunanta?

Job 40:15

Sierpe Behemotta qhawariy, chaypis qan jina noqaj ruwasqallaytaj kashan. Payqa waka jina qhorata mikhun.

Salmos 104:18

Orqo patapi k'ita cabrakuna kawsakunku, qaqapitaj wisk'achakuna pakakunku.

Salmos 104:23

Chantá runañataj llank'aj llojsin, chajranpitaj ch'isiyankama ruwan.

Salmos 148:10

Jinallataj tukuy uywakuna, k'ita animalkuna, qhatatakoj animalkuna, tukuy p'isqokuna ima, tukuypuni Tata Diosta yupaychallaychejtaj.