Génesis 1:20 - DIOSPA QHELQACHISQ

²⁰ Chantá Dios nillarqataj: Yakupi kawsaj tukuy imaymana animalkuna rikhurichunku, jinallataj jallp'a patata phawajkunapis kachunku, nispa. Ajinataj karqa.

Qheshwa Biblia DC

²⁰ Chantá Dios nillarqataj: Yakupi kausachunku ashkha animalkuna; jinallataj p'isqospis jallp'a patata phawaykachajkuna.

DIOSPA QHELQACHISQAN DEUTEROCANONICAL

²⁰ Chantá Dios nillarqataj: Yakupi kawsaj tukuy imaymana animalkuna rikhurichunku, jinallataj jallp'a patata phawajkunapis kachunku, nispa. Ajinataj karqa.

Génesis 1:20 ပူးပေါင်းရင်းမြစ်များ

Génesis 1:14

Chaymanta Dios nerqa: Janajpi k'anchajkuna kachun, p'unchayta tutamanta t'aqananpaj, jinallataj pacha mit'ata, p'unchaykunata, watakunata ima t'aqananpaj.

Génesis 1:19

Ajinaqa inti yaykuymanta q'ayantin inti yaykuykama, tawa kaj p'unchay karqa.

Génesis 1:21

Diosqa mama qochapi jatuchachaj animalkunata ruwarqa, yakupi tukuy imaymana kawsajkunata ima. Jinallataj tukuy imaymana phawajkunatapis ruwallarqataj. Chaykunatataj Diosqa sumaj kasqanta qhawarqa.

Génesis 1:22

Chantá Dios tukuy ruwasqan animalkunata saminchaspa, nerqa: Miraychej, mama qochamantaj junt'aychej. Phawajkunapis jallp'a patapi may chhikata mirachunku, nispa.

Génesis 1:30

Tukuy kay pachapi k'ita animalkunaman, phawajkunaman, qhatatakuspa purejkunaman ima qhorata mikhunankupaj qoni, nispa. Ajinataj karqa.

Génesis 1:7

Chantá Dios yakuta t'aqananpaj ch'usajta ruwarqa. Jinaqa t'aqaj ch'usajqa urapi kaj yakuta t'aqarqa patapi kaj yakumanta.

Génesis 2:19

Chantá Tata Dios jallp'amanta tukuy imaymana animalkunata, chantá tukuy imaymana phawajkunatawan ruwarqa. Jinaspataj, animalkuna ruwasqanta runaman pusarqa sapa ujta sutichananpaj. Chayrayku tukuy animalqa Adanpa sutichasqan sutiwan rejsisqa kanku.

Génesis 7:21

Ajinata kay pachapi tukuy kawsayniyoj wañorqanku: Phawajkuna, uywakuna, k'ita animalkuna, jallp'a patata qhatatakuspa purejkuna, jinataj tukuy runakuna ima.

Génesis 8:17

Jinallataj qanwan khuska kashaj animalkunatapis kacharillayña: Phawajkunata, uywakunata, pampata qhatatakuspa purejkunata ima, paykuna miraspa, kay pachaman junt'anankupaj, nispa.

1 Reyes 4:33

33 (5.13) Jinallatataj parlarqa sach'akunamantapis, Libanopi pino sach'amanta qallarispa, chay juch'uy hisopo qhora perqapi wiñan, chaypi tukuspa. Parlallarqataj tukuy uywakunamanta, p'isqokunamanta, pampata qhatatakojkunamanta, challwakunamantawan ima.

Job 12:9

Kanmanrajchu pipis Tata Dios kay tukuy imata makinwan ruwasqanta mana yachaj?

Salmos 148:10

Jinallataj tukuy uywakuna, k'ita animalkuna, qhatatakoj animalkuna, tukuy p'isqokuna ima, tukuypuni Tata Diosta yupaychallaychejtaj.

Eclesiastés 2:21

Runaqa chay jina yachaywan, sumaj yuyaywan, sumajta qhawaspa llank'an. Chaywanpis tukuy imatachus tarisqanta ni imatapis ruwajman saqenqa. Chaypis qhasi manakajlla kasqanta repararqani, jatun llakiytaj.

Levítico 11:42

Jallp'a patata qhatatakuspa purej animalkunata, tawa chakiyojpis, chayrí ashkha chakiyojpis kachun, amapuni mikhunkichejchu. Chaykunaqa ch'ichipaj qhawasqa kanku.

Levítico 11:43

Ama ari, ni mayqen pampata qhatatakuspa purej animalrayku mana llimphupaj qhawasqa kaychejchu, nitaj paykunawan ch'ichichakuychejchu, imajtinchus ch'ichipaj qhawasqa kanku.

Hechos 17:25

Nillataj Diosqa imapipis runa yanapananta suyanchu. Manachayqa pay tukuyman kawsayta qon, samayta, tukuy imatawan.