Génesis 1:11 - DIOSPA QHELQACHISQ

¹¹ Chantá Dios nillarqataj: Jallp'api tukuy imaymana qhorakuna, sach'akuna wiñachunku: Mujuyoj qhorakuna, poqoj sach'akuna ima, nispa. Ajinataj karqa.

Qheshwa Biblia DC

¹¹ Chantá Dios nillarqataj: Jallp'api tukuy laya q'omerkuna wiñachun: Mujoj qhoras, poqoj sach'as ima. Ajinataj karqa.

DIOSPA QHELQACHISQAN DEUTEROCANONICAL

¹¹ Chantá Dios nillarqataj: Jallp'api tukuy imaymana qhorakuna, sach'akuna wiñachunku: Mujuyoj qhorakuna, poqoj sach'akuna ima, nispa. Ajinataj karqa.

Génesis 1:11 ပူးပေါင်းရင်းမြစ်များ

Génesis 1:12

Chantá jallp'api tukuy imaymana q'omer kaj wiñarqa: Mujuyoj qhorakuna, poqoyninpi mujuyoj sach'akuna ima. Chaykunatataj Dios sumaj kasqanta qhawarqa.

Génesis 1:29

Chaymanta Diosqa ruwasqan runakunata nerqa: Qhawaychej, qankunaman kay pachapi tukuy mujuyoj qhorakunata, tukuy imaymana poqoj sach'akunatawan qoykichej chaymanta mikhunaykichejpaj.

Génesis 2:16

Jinataj Tata Dios runata kamacherqa: Huertapi kaj tukuynin sach'akunaj poqoyninta mikhuyta atinki.

Génesis 2:5

manaraj ima sach'apis kasqarajchu, nitaj ima qhorapis p'utumusqarajchu, Tata Dios jallp'aman manaraj parachimusqanrayku. Nillataj pipis jallp'ata llank'ananpaj kasqarajchu.

Génesis 2:9

Chay huertapi Tata Dios tukuy imaymana sach'akunata wiñacherqa. Chay sach'akunaqa ima munay karqa, poqoyninkutaj mikhunapaj sumaj karqa. Huerta chawpipi pay kawsachej sach'ata wiñachillarqataj, jinallataj allin kajta mana allin kajta yachana sach'atapis.

Job 28:5

Jallp'a patapeqa trigo poqon, jallp'aj sonqonpitaj nina lawray jina kashan.

Salmos 1:3

Chay runaqa mayu kantupi sach'a jina. Maychus tiemponpi poqon, laqhentaj mana jayk'aj qawinchu. Tukuy ima ruwasqanpitaj allin renqa.

Salmos 147:8

Payqa janajta phuyuwan qhataykun, jinallataj jallp'apaj parata wakichin, orqokunapipis qhorata wiñachin.

Isaías 61:11

Imaynatachus sach'apis jallp'api wiñan, jinallataj huertapi imapis p'utumun, ajinallatataj Tukuyta Kamachej Tata Diosqa cheqan kawsayta, chantá payta jatunchayta ima p'utuchimonqa tukuy suyukunaj ñawpaqenkupi.

Jeremías 17:8

Payqa mayu patapi sach'a jina kanqa, mayu yakunejman saphichakoj. Q'oñi tiempo chayamojtin, mana manchachikonqachu, laqhenkunataj q'omerllapuni kanqa. Ch'aki wata kajtinpis, mana qawenqachu, manachayqa poqollanqapuni.

San Mateo 3:10

Jachaqa ñapis wakichisqaña kashan sach'akunata saphinmanta k'utunanpaj. Chayrayku mana allinta poqoj tukuy sach'akunaqa k'utusqa kanqanku, ninamantaj enqhaykusqa.

San Mateo 6:30

Dios campopi qhorata chay jina munayta p'achallichin, mayqenchus kunan wiñan, q'ayataj ninapi ruphachisqa kanqa, chayta. Jina chayqa, manachu pay qankunatapis aswan sumajta p'achallichisonqachej? Qankunarí imaraykutaj mana tukuy sonqochu Diospi atinikunkichej?

Marcos 4:28

Chantá jallp'aqa kikillanmanta p'utumoj yurata ñawpajta wiñachin, qhepanta espigachin, chantá sumaj granota espigapi poqochin.

1 Corintios 15:38

Chaymantaj Dios munasqanman jina imayna rijch'ayniyojchus kananta nin. Sapa mujutataj imaynachus kananman tukuchin.

Hebreos 6:7

Runaqa jallp'a jina. Pikunachus Cristoman kutirikojkunaqa parawan qarpasqa jallp'a jina kanku, mayqenchus tarpojpaj sumajta poqochin, chay jina. Diostaj chay jallp'ata saminchan.

Santiago 3:12

Munasqa wawqe panaykuna, atinmanchu higo sach'aqa aceitunata poqoyta, chayrí uva sach'apis higota poqoyta? Mana, icharí? Ajinallataj uj juturillamanta k'ara yakuwan, misk'i yakuwan ima mana llojsiyta atinmanchu.