Gálatas 6:3 - DIOSPA QHELQACHISQ

³ Sichus ujkunata yanapanaykipaj aswan kasqaykita yuyakunki chayqa, qan kikiykita q'otiyakushanki.

Qheshwa Biblia DC

³ Pipis ima kasqanta yuyakun chayqa, mana imapis kashaspa, pay kikinta ch'aukiyakun.

DIOSPA QHELQACHISQAN DEUTEROCANONICAL

³ Sichus ujkunata yanapanaykipaj aswan kasqaykita yuyakunki chayqa, qan kikiykita q'otiyakushanki.

Quechua South Bolivia: Dios Parlapawanchej

³ Pichari mana cashaspalla jatunpaj khawacunman chayka, chay runa pantacun.

Gálatas 6:3 ပူးပေါင်းရင်းမြစ်များ

Proverbios 25:14

Pichus: Qosqayki, nishaspa mana imatapis qonchu, chay runaqa rijch'akun wayraj apasqan phuyuman, mayqenchus mana paranchu, chayman.

Proverbios 26:12

Yachayniyoj kasqanta yuyakoj runata rejsinkichu? Paymanta nisqaqa wampu runamantaraj ima allintapis suyasunman.

San Lucas 18:11

Jinapi fariseo kajqa sayarikuspa, kay jinata Dioswan parlarikusqa: Diosníy, pachis niyki, imaraykuchus mana wakinkuna jina suwachu, sajrachu, qhenchachu kani, nillataj kay impuesto cobraj jinachu.

Hechos 5:36

Yuyarikuychej imaynatachus unay Teudas sutiyoj runa rikhurimusqanta. Pay may kasqanta yuyakuspa, Romaj contranta oqharikusqa. Payta kasuspataj, 400 runakuna qhatisqanku. Wakinkuna Teudasta wañuchejtinkurí, payta tukuy qhatejkuna ch'eqerasqanku, paypa ruwasqantaj manakajman tukuporqa.

Romanos 12:16

Ujkuna ujkuna uj sonqolla kaypi kawsakuychej. Amataj jatunchakuychejchu, manachayqa pisipaj qhawasqa kajkunawan kawsakuychej. Amallataj yachaysapa kasqaykichejta yuyakuychejchu.

Romanos 12:3

Dios k'acha kayninpi kay ruwanata qowasqanrayku, noqa sapa ujniykichejta niykichej: Ama qankuna may sumaj kasqaykichejta yuyakuychejchu. Manachayqa sapa uj paymanta maychus kasqallanta yuyachun, imaynatachus Dios sapa ujman atiyta qosqanman jina.

1 Corintios 13:2

Jinallataj manachus wajkunata munakuymanchu chayqa, Diospa simi nisqanta sut'inchasqay, jinataj tukuy pakasqa yachaykunata, chantá kay pachapi tukuy imamanta yachasqay qhasi manakaj kanman. Jinallataj sitajchus noqa orqokunata ithirichinaypaj jina Diospi sinch'ita atinikuyta atiyman, manataj wajkunata munakuymanchu chayqa, noqaqa mana ni imapaj valeymanchu.

1 Corintios 3:18

Ama pipis pay kikinta q'otiyakuchunchu. Sichus yuyankichej runaj qhawasqanman jina yachayniyoj kasqaykichejta chayqa, mana yachayniyojman tukuychej, Diospa ñawpaqenpi cheqapuni yachayniyoj kanaykichejpaj.

1 Corintios 8:2

Sichus pipis yuyanman tukuy imataña yachasqanta chayqa, manaraj imatapis maychus kajta yachanchu.

2 Corintios 12:11

Noqa kikiymanta parlaspaqa, mana yuyayniypichu kashaymanpis jina parlarqani. Chaytarí qankunallataj parlachiwarqankichej. Mana imachu kani chaypis, noqaqa mana imapipis aswan pisichu kani, pikunachus yuyakunku Jesucristoj may sumaj kuraj kachankuna kasqankuta, chaykunamanta nisqaqa. Chayrayku qankunamin noqata jatunchanawaykichej karqa.

2 Corintios 3:5

Manataj niykumanchu noqallaykumanta imatapis ruwayta atinallaykuta, manachayqa niyku imatapis ruwanaykupaj chay ateyqa Diosmanta jamusqanta.

Gálatas 2:6

Chantá pikunachus kurajkunapaj qhawasqa kanku, chaykunaqa Jesusmanta sumaj willayta willasqayman mana imatapis yaparqankuchu. Kurajkunachus manachus kanku chayqa, mana riwanchu nitaj jamuwanchu, imaraykuchus Dios mana runaj rijch'aynintachu qhawan.

Gálatas 2:9

Santiago, Pedro, Juan ima Jerusalén iglesiapi kurajpaj qhawasqa karqanku. Chantá paykuna Diospa qhasilla k'acha yanapayninrayku willanaykupaj atiyta qowasqaykuta repararqanku. Chayrayku noqata, Bernabetawan tukuy sonqo q'apiriwarqayku, paykunawan uj yuyaylla kasqaykuta rejsichinankupaj. Jinaspataj, mana judío kajkunaman willaj rinaykuta niwarqayku, paykunataj judiokunaman.

2 Timoteo 3:13

Chaywanpis millayta ruwaj runakuna, q'otiyajkuna ima astawan astawan mana allinman tukonqanku. Wajkunata q'otiyanqanku chaypis, paykunapis q'otiyasqallataj kanqanku.

Santiago 1:22

Chaywanpis Diospa nisqantaqa ama uyarillaychejchu, aswanpis kasuychej. Manachus kasunkichej chayqa, qankuna kikiykichejta q'otiyakushankichej.

Santiago 1:26

Sichus pipis Diospa munasqanta ruwaspa purishasqanta yuyanman, manataj allinta qhawarikuspa parlan chayqa, chay runa pay kikinta q'otiyakun. Jinallataj Diospa munasqanta ruwaspa purisqanqa qhasi manakaj.

1 Juan 1:8

Sichus mana juchayoj kasqanchejta ninchej chayqa, noqallanchejtaj q'otiyakushanchej, manataj cheqa kajtachu parlashanchej.