Gálatas 4:9 - DIOSPA QHELQACHISQ

⁹ Kunantajrí Diosta rejsinkichejña, chayrí Diospa rejsikapusqan kankichej. Chayrayku mana yachayta atinichu imaraykuchus Diosman churanakojkunaj yuyasqankuman jina purinapi wata runa jina watej kayta munasqaykichejta. Chay runakunaj yuyasqankoqa runata yanapananpaj mana atiyniyojchu, nitaj imapajpis valenchu.

Qheshwa Biblia DC

⁹ Kunanqa Diosta rejsishaspa, chayrí Diospa rejsisqasnin kaspa, imaraykutaj ujtawan mana kallpayoj, wajcha yachachiykunaman kutiripuyta munankichej kamachisnin jina?

DIOSPA QHELQACHISQAN DEUTEROCANONICAL

⁹ Kunantajrí Diosta rejsinkichejña, chayrí Diospa rejsikapusqan kankichej. Chayrayku mana yachayta atinichu imaraykuchus Diosman churanakojkunaj yuyasqankuman jina purinapi wata runa jina watej kayta munasqaykichejta. Chay runakunaj yuyasqankoqa runata yanapananpaj mana atiyniyojchu, nitaj imapajpis valenchu.

Quechua South Bolivia: Dios Parlapawanchej

⁹ Cunanrí Diosta rejsinquichejña. Astawanka Dios kancunata rejsisunquichej. Chanta ¿imaraycutaj ujtawan cay pacha yachaycunata camachisjina casuyta munanquichejrí?

Gálatas 4:9 ပူးပေါင်းရင်းမြစ်များ

1 Reyes 8:43

qanqa janaj pachamanta uyarimuy, maypichus tiyakunki, chaymantapacha, ruwaytaj karu llajtayojpa mañakususqanta. Chay jinamanta tukuy suyu rejsisonqanku, sutiykitataj manchachikonqanku Israel aylluyki jina. Ajinamanta yachanqanku kay ruwapususqay Templopi sutiyki may oqharisqa kasqanta.

1 Crónicas 28:9

Qanrí, wawáy Salomón, tukuy sonqowan tataykej Diosninta Diosniykipaj rejsikapuy. Chantá sonqomanta munaspa, payta yupaychay, imaraykuchus Tata Diosqa tukuypa sonqonchejta qhawan, imatachus yuyasqanchejtapis yachan. Ajinaqa, sichus payta mask'anki chayqa, payta tarinki. Payta saqerpariwaj chayrí, wiñaypaj qhesachasonqa.

Salmos 1:6

Tata Dios cheqan runakunaj puriyninkuta waqaychan. Millayta ruwaspa purejkunaj ruwasqankurí chinkayman paykunata apan.

Salmos 9:10

10 (11) Tata Dios, qanta rejsisojkuna qanpi atinikunku, imaraykuchus qan mask'asojkunataqa ni jayk'aj saqerparinkichu.

Éxodo 33:17

Chantá Tata Diosqa Moisesta nerqa: Kayta mañakuwasqaykitapis ruwallasajtaj, imaraykuchus noqa qanta allinpaj qhawayki, jinataj allinpi kawsakunchej, nispa.

Proverbios 2:5

Ajinatachus ruwanki chayqa, imachus Tata Diosta kasuna kasqanta yachanki, jinallataj imaynatachus Diosta rejsina kasqanta tarinki.

Jeremías 31:34

Manaña pipis runa masinta yachachenqañachu, nitaj wawqentapis nenqañachu: Tata Diosta rejsiy, nispa, imaraykuchus juch'uymanta jatunkama tukuy rejsiwanqanku. Noqa millay ruwasqankuta pampachasaj, manañataj jayk'ajpis juchankumanta yuyarikusajchu. Noqa Tata Diosmin chayta nini.

Habacuc 2:14

Chaypachataj kay pachaqa Tata Diospa jatun kayninmanta yachaywan junt'a kanqa, imaynatachus mama qochaman yaku junt'aykun, jinata.

San Mateo 11:27

Chantá Jesús chaypi kajkunata nillarqataj: Tatayqa tukuy imata qowan. Mana pipis yachanchu pichus Churi kasqanta. Chaytaqa Tatalla yachan. Nitaj pipis yachanchu pichus Tata kasqanta, manachayqa Churillan yachan, jinallataj pimanchus Churin rejsichiyta munan, chay.

San Lucas 5:38

Chayrayku mosoj vinotaqa mosoj qara botamanpuni jich'ana. Jinaqa ni mayqen usonqachu.

San Juan 10:14

Noqarí sumaj michej jina kani. Ovejaykunata rejsini, paykunataj noqata rejsiwanku.

San Juan 10:27

Noqaqa ovejaykunata rejsini, paykunataj parlasqayta rejsinku, kasuwaspataj, qhepayta jamunku.

San Juan 17:3

Paykuna wiñay kawsayman yaykunku, maypachachus qanpi, chantá noqapi atinikunku, chaypachalla. Qanpi atinikunanku tiyan, imajtinchus qan uj k'ata cheqa kaj Dios kanki. Noqapipis atinikunallankutaj tiyan, imajtinchus noqaqa qanpa kachamusqayki Jesucristo kani.

Romanos 8:29

Pikunatachus Dios ñawpajmantapacha rejserqa, chaykunata pay qallariypi churarqa Churin jina kanankupaj, ajinapi Churenqa ashkha wawqekuna ukhupi kuraj kaj kananpaj.

Romanos 8:3

Imatachus Moisespa kamachisqan mana ruwayta aterqachu runa pisi kallpayoj kasqanrayku, chayta Dios ruwarqa. Chaypaj payqa Churinta kachamorqa juchallej runaman rijch'akojta, juchanchejrayku wañunanpaj. Ajinamanta paynejta Diosqa noqanchejpi juchaj atiyninta chinkacherqa.

1 Corintios 13:12

Kunanqa ayphu espejopi jina ayphullata rikunchej. Qhepamantajrí Dioswan uyapurakuspa imatapis maychus kajta yachasunchej. Kunanqa wakillantaraj yachani. Qhepamantajrí allinta yachasaj, imaynatachus Dios noqamanta tukuy imata yachan, ajinata.

1 Corintios 15:34

Chayrayku qankuna yuyayniykichejman kutiriychej, amañataj juchalliychejchu, imaraykuchus qankunamanta wakin mana maychus kajta Diosmanta yachankichejchu. Chayta nishaykichej qankuna p'enqakunaykichejpaj.

1 Corintios 8:3

Pichus Diosta munakun, chaytaqa Dios paypata kasqanta rejsikapun.

2 Corintios 11:20

Jinallataj qankuna ni imata ninkichejchu sichus pipis wata runanman tukuchisunkichej chayqa, chayrí sojsusunkichej, chantapis tukuy imaykichejta qhechusunkichej chaypis. Jinallataj qhawakullankichej pipis k'umuykachachisunkichej chayqa, chayrí uyaykichejpi jinch'asunkichej chaypis.

2 Corintios 4:6

Chayqa ajina, imaraykuchus Tata Diosqa kay pachata ruwashaspa, nerqa: Laqhayajpi k'anchay k'anchachun, nispa. Jinallataj pay chay k'anchayta sonqonchejpipis k'ancharichillantaj, Diospa jatun kayninpa lliphipiyninta Jesucristoj uyanpi rejsinanchejpaj.

Gálatas 3:3

Chay jina mana yuyayniyojchu kankichej? Qankuna Santo Espíritoj yanapasqan mosoj kawsayta qallarerqankichej. Kunantajrí Moisespa kamachisqanta junt'ayta munaspachu Diospa sonqonta kusichiyta munashankichej?

Gálatas 4:3

Ajinallataj noqanchejwan karqa manaraj Cristo jamushajtin. Noqanchej wawa jinallaraj kashaspa, Diosman churanakojkunaj yuyasqankuman jina purej kanchej, jinataj chay jina yuyanaj wata runan karqanchej.

Efesios 1:17

Mañapuykichej Tukuyta Kamachejninchej Jesucristoj Diosnin, atiyniyoj Tataqa Santo Espiritunejta yachayta, yuyayta ima qosunaykichejta, ajinamanta Dios imaynachus kasqanta maychus kajta yachanaykichejpaj.

2 Timoteo 2:19

Chaywanpis Diospa cimiento churasqanqa sumajta sayan, chay cimientopitaj kay jina qhelqasqa kashan: Tukuyta Kamachej Diosqa paypata kajkunata rejsin, nispa. Nillantaj: Tukuy pikunachus Tukuyta Kamachej Diospata kajkunaqa millayta ruwaspa purinamanta t'aqakuchunku, nispa.

Hebreos 7:18

Chayrayku, chay ñawpa kamachisqaqa yanqhayachisqa karqa, ni imapaj allin kasqanrayku.

2 Pedro 2:20

Paykunaqa Tukuyta Kamachej Jesucristo Qhespichejninchejta rejsisqankurayku, Diosman mana kutirikojkunaj millay ruwasqankuta manaña ruwarqankuchu. Chaywanpis sichus watej ch'ichi kawsaywan ch'ipaykuchikuspa atipachikunku chayqa, aswan qhepaman kawsayninku aswan mana allin kanqa ñawpa kawsayninkumanta nisqaqa.

1 Juan 5:20

Yachallanchejtaj Diospa Churin jamuspa yuyayta, yachayta ima qowasqanchejta, cheqa kaj Diosman kutirikunanchejpaj. Kunantaj cheqa kaj Dioswan ujchasqa kawsashanchej, imajtinchus Churin Jesucristowan ujchasqa kawsashanchej. Paymin uj k'ata Diosqa, payllataj wiñay kawsayta qon.