Gálatas 4:6 - DIOSPA QHELQACHISQ

⁶ Wawanña kajtinchejtaj, Diosqa Churinpa Espiritunta noqanchejpi tiyakunanpaj kachamorqa, paytaj Diosta niyta yanapawanchej: Tatáy, Tatitáy, nispa.

Qheshwa Biblia DC

⁶ Wawasninña kajtiykichejtaj, Diospa Churimpa Espiritunta sonqoykichejman kachamorqa. Espiritutaj mañakun: Tatáy, nispa.

DIOSPA QHELQACHISQAN DEUTEROCANONICAL

⁶ Wawanña kajtinchejtaj, Diosqa Churinpa Espiritunta noqanchejpi tiyakunanpaj kachamorqa, paytaj Diosta niyta yanapawanchej: Tatáy, Tatitáy, nispa.

Quechua South Bolivia: Dios Parlapawanchej

⁶ Wawasnin caskayquichejta ricuchinanpaj, Dios sonkoyquichejman Santo Espirituta cachamorka tiyacunanpaj. Wawan Jesús mañacuskanmanjina chay Espíritoj atiyninwan cusiskas Diosta khaparinchej: “¡Munaska Tatáy!” nispa.

Gálatas 4:6 ပူးပေါင်းရင်းမြစ်များ

Jeremías 3:19

Israel, noqa qanta wawaypaj jina jap'ikapuyta yuyarqani, sumaj moq'ena jallp'ata qonasuypaj, tukuy kay pachapi jallp'amanta aswan sumaj jallp'ata. Noqa yuyarqani: Tatáy, nispa ninawaykita, manataj jayk'ajpis noqamanta karunchakunawaykita.

Jeremías 3:4

Manaraj unaychu niwasqaykeqa: Tatay kanki, sipas kashaspa munakusqay kanki, nispa.

Marcos 14:36

Mañakuspataj, Jesús nerqa: Tatáy, Tatitáy, qanpajqa tukuy imapis atikullan. Imatachus ñak'arinaymanta kacharichiway ari. Chaywanpis ama noqaj munaynillay kachunchu, manachayqa qanpa munayniyki ruwasqa kachun, nispa.

San Lucas 11:13

Qankunachus mana allin runakuna kashaspa, allin kajta wawaykichejman qoyta yachankichej chayqa, astawanraj janaj pachapi kaj Tataykichejqa mañakojkunaman Santo Espirituta qonqa, nispa.

San Lucas 11:2

Jesustaj paykunata nerqa: Dioswan parlarikuspaqa, ajinata ninkichej: Janaj pachapi kaj Tatayku, sutiyki jatunchasqa kachun. Jamuspa, noqaykuta kamachiyta qallariy.

San Juan 14:16

Noqataj Tata Diosmanta mañasaj waj Sonqochajta kachamunanta, paytaj wiñaypaj qankunawan kanqa.

San Juan 15:26

Noqarí qankunaman Sonqochajta kachamusaj, chay Santo Espiritutaj Tataymanta jamuspa, cheqa kajmanta yachachisonqachej. Maypachachus Santo Espíritu Tata Diosmanta jamonqa chaypacha, pay noqamantamin willanqa.

San Juan 16:7

Noqarí sut'ita niykichej: Noqa ripunayqa qankunapaj aswan allin kanqa, imaraykuchus mana ripuymanchu chayqa, Sonqochaj Santo Espíritu mana qankunaman jamunmanchu. Ripusajchus chayrí, payta kachamusqaykichej.

San Juan 3:34

Diospa kachamusqanqa Diospa simi nisqanmanta parlan, imajtinchus Diosqa Santo Espiritunta mana mich'akuspa payman qon.

San Juan 7:39

Chayta nispa, Jesús paypi atinikojkunamanta parlasharqa, pikunamanchus Dios Santo Espirituta qonan karqa, chaykunamanta. Chaywanpis Santo Espíritu manaraj jamusqachu, imajtinchus Jesús manaraj janaj pachaman kutipusqachu.

Hechos 16:7

Paykuna Misiaman chayaspa, Bitiniaman yaykuyta munashajtinku, Jesuspa Espíritun manallataj rinankuta saqerqachu.

Romanos 5:5

Diospi suyakuspataj, mana q'otiyasqachu kasunchej, imaraykuchus Dios Santo Espiritunejta munakuyninta sonqonchejman junt'achin, pitachus pay qowarqanchej, chaynejta.

Romanos 8:9

Qankunarí manaña juchallinaman aysaj sonqoykichejpa munasqanta kasuspachu purinkichej. Manachayqa Santo Espíritoj kamachiyninpi purinkichej, Diospa Espiritunchus qankunapi kawsashan chayqa. Mayqenpichus Cristoj Espíritun mana kanchu chayqa, chay runa mana Cristojtachu.

1 Corintios 15:45

Ajinaqa Diospa Qhelqachisqanpi nin: Ñawpaj kaj runa Adanqa kawsaj runa ruwasqa karqa, nispa. Qhepa kaj Adanrí kawsayta qoj Espiritumin karqa.

2 Corintios 1:22

Jinallatataj Santo Espirituta sonqonchejman kachamuwarqanchej, nisqanta junt'ananmanta seña kananpaj.

2 Corintios 3:17

Tukuyta Kamachej Dios, nispa Espiritumanta parlashan. Jinataj maypichus Diospa Espíritun kashan, chaypi manaña ima jark'aypis kanchu.

Efesios 1:13

Qankuna mana judío kajkunapis Dios qhespichinanmanta sumaj willayta uyarerqankichej, chay willaytaj cheqa willaymin. Maypachachus Cristopi atinikorqankichej chaypacha, Diosqa paypata kasqaykichejmanta yachayta qospa, Santo Espirituwan sellasorqachej, pitachus ñawpajta qonanta nerqa, chaywan.

Efesios 2:18

Kunantaj paynejta judiokuna, mana judiokunapis kikin Santo Espiritunejllata Tata Diospa ñawpaqenman qayllayta atinchej.

Efesios 4:30

Imaynachus purisqaykichejwan Diospa Santo Espiritunta ama llakichiychejchu, imaraykuchus paywan sellasqa kankichej jaqay jamoj p'unchaypi wiñay kawsaypaj kacharichisqa kanaykichejkama.

Efesios 6:18

Mana sayk'uyta Dioswan parlarikuspallapuni kaychej, Diosmanta mañakusqaykichejtaj Santo Espíritoj yuyaychasqanman jina kachun. Chantá qhawaspallapuni kashaychej, jinataj Dioswan parlarikuspa, tukuynejpi Diosta qhatejkunarayku mañapuychej.

Filipenses 1:19

imajtinchus noqa yachani kacharichisqa kanayta qankuna Diosmanta mañapuwasqaykichejrayku, Jesucristoj Espíritun yanapawasqanraykutaj.

1 Tesalonicenses 4:8

Ajinaqa, pichus kay yachachisqaykuta pisipaj qhawajqa mana runatachu pisipaj qhawan, manachayqa Diosta, pichus Santo Espirituta qowarqanchej, chayta.

1 Pedro 1:11

Cristoj Espíritun paykunapi kaspa, ñawpajmantapacha sut'inchasqa Cristo ñak'arinanmanta, chaymantataj jatunchasqa kananmanta ima. Paykunataj mayk'ajchus, chantá imaynamantatajchus chay kananta yachayta munaspa, mayta watorqanku.

Judas 1:20

Qankunarí munasqa wawqe panakuna, Diospi sinch'ita atinikuyniykichejpi wiñaychej. Dioswan parlarikuspaqa, Santo Espíritu imatachus yuyaychasonqachej, chayta parlaychej.

Apocalipsis 19:10

Chayta ángel nejtin, noqaqa payta yupaychanaypaj chakin chaynejman pampakama k'umuykorqani. Paytajrí niwarqa: Ama chayta ruwaychu. Noqaqa qan jina, chantá Jesuspa nisqanta jap'ikoj wawqe panaykikuna jina Diospa kamachillantaj kani. Qanqa Diosllata yupaychay, imaraykuchus Diosmanta sut'inchajkunaj nisqankoqa, Jesusmanta willanallapajpuni runaj sonqonta aysan, nispa.