Gálatas 4:5 - DIOSPA QHELQACHISQ

⁵ Dios Churinta kachamorqa, Moisespa kamachisqankunaj wata runan kashajtinchej pay kawsayninwan pagaspa kacharichinawanchejpaj. Ajinata ruwarqa tukuyninchej paypa wawanpaj rejsikapusqan kananchejpaj.

Qheshwa Biblia DC

⁵ Leypa kamachimpi kashajkunata kacharichinampaj, paypa wawasnin jinataj rejsisqas kanaykupaj.

DIOSPA QHELQACHISQAN DEUTEROCANONICAL

⁵ Dios Churinta kachamorqa, Moisespa kamachisqankunaj wata runan kashajtinchej pay kawsayninwan pagaspa kacharichinawanchejpaj. Ajinata ruwarqa tukuyninchej paypa wawanpaj rejsikapusqan kananchejpaj.

Quechua South Bolivia: Dios Parlapawanchej

⁵ Ñaupajpi chay camachiskasman wataskas carkanchej. Chayraycu Dios Wawanta cachamorka chay camachiskaspa juchachayninmanta cacharichinawanchejpaj paypa wawasninpaj jap'icapunawanchejpajtaj.

Gálatas 4:5 ပူးပေါင်းရင်းမြစ်များ

San Mateo 20:28

Noqa Runaj Churenqa mana runawan sirvichikunaypajchu jamorqani. Aswanpis runakunaj kamachin jina kanaypaj jamorqani, kawsayniytataj qoj, ashkha runakuna qhespichisqa kanankupaj, nispa.

San Lucas 1:68

Yupaychasqa kachun Israelpa Tukuyta Kamachej Diosnin, imaraykuchus pay jamun awqankoj makinmanta paykunata kacharichej.

San Juan 1:12

Aswanpis tukuy pikunachus paypi atinikuspa mana qhesacharqankuchu, chaykunaman pay atiyta qorqa Diospa wawankuna ruwasqa kanankupaj.

Hechos 20:28

Chayrayku qankuna Dioswan imaynatachus purisqaykichejta qhawakuychej. Jinallataj tukuy wawqe panakunatapis michillaychejtaj, imaraykuchus Santo Espíritu qankunata churasorqachej paykunata qhawanaykichejpaj, Diospa Iglesianta michinaykichejpaj ima, mayqentachus Jesucristo kikin yawarninwan rantikorqa, chayta.

Romanos 10:4

Chaywanpis kamachisqakunata imapajchus Dios churarqa, chayta Cristo junt'anña, ajinamanta Cristopi tukuy atinikojkuna Diospa ñawpaqenpi cheqan runapaj qhawasqa kananchejpaj.

Romanos 8:14

Ajinaqa pikunachus Diospa Espiritunta kasuspa purejkunaqa Diospa wawankuna kanku.

Romanos 8:15

Diosqa mana wata runa kay sonqotachu qankunaman qosorqachej, ujtawan manchasqalla kanaykichejpaj. Aswanpis Diosqa Espiritunta qosorqachej, paypa wawankuna kanaykichejpaj. Chayrayku chay Espiritunejta Diosman qayllaykunchej: Tatáy, Tatitáy, nispa.

Romanos 8:19

Chayrayku Diospa ruwasqan kaj chhika imata jina suyashan mayk'ajchus Dios rikuchinanta, pikunachus cheqapuni wawankuna kanku, chaykunata.

Romanos 8:23

Mana chayllachu, noqanchej Santo Espirituta señata jina jap'ejkunapis sonqonchejpi ayqollashanchejtaj. Jinallataj suyashanchej Dios imapajchus wawankunapaj rejsikapuwarqanchej, chayta jap'iyta. Chaypacha ukhunchejpis kacharichisqallataj kanqa.

Romanos 9:4

Paykuna israelitakuna kanku, pikunatachus Diosqa wawankunapaj rejsikaporqa, paykunamantaj jatun kayninta rikucherqa, chaykuna. Jinallataj paykunawan tratota ruwarqa, qollarqataj kamachisqankunata, jinallataj imaynatachus payta yupaychanata yachacherqa. Chantá ashkha imakunatapis qonanta nillarqataj.

Gálatas 3:13

Jinapis kamachisqakunata mana kasusqanchejmanta maldicisqa kananchejmanta Cristo kawsayninwan pagaspa kacharichiwarqanchej. Chayta ruwarqa, imaraykuchus cruzpi chakatasqa kaspa, pay noqanchejrayku maldicisqa karqa. Diospa Qhelqachisqanpi nin: Kurkupi tukuy warkhusqa kajqa maldicisqa kachun, nispa.

Gálatas 3:26

Chayrayku tukuyniykichej Diospa wawan kankichej Jesucristopi atinikusqaykichejrayku.

Gálatas 4:21

Niwaychej, qankuna Moisespa kamachisqankunata kasuyta munajkuna: Kamachisqakuna imatachus nisqanta yachankichejchu?

Gálatas 4:7

Ajinaqa manaña wata runachu kankichej, aswanpis Diospa wawankunaña. Diospa wawanña kasqaykichejraykutaj, payqa chayaqeta jap'ejkunata ruwasunkichej.

Efesios 1:5

Dios munakuwasqanchejrayku Churin Jesucristonejta paypa wawanpaj rejsikapuwarqanchej, imajtinchus ajina kananta qallariymantapacha nerqa.

Efesios 1:7

Cristo cruzpi wañuspa, kawsayninwan preciota pagarqa kacharichisqa kananchejpaj. Jinataj Cristoman ujchasqa kasqanchejrayku Dios juchanchejta pampacharqa khuyakuynin may jina jatun kasqanrayku.

Efesios 5:2

Jinallataj ujkunata munakuychej, imaynatachus Cristopis munakuwarqanchej, ajinata. Chayrayku pay kikin noqanchejrayku Diosman jaywaykukorqa ima munay q'aparishaj jaywana jina.

Tito 2:14

Paymin noqanchejrayku wañunanpaj jaywaykukorqa, tukuy imaymana juchamanta kacharichinawanchejpaj, chantá llimphuchanawanchejpaj ima. Ajinata ruwarqa, paypa ayllun kananchejpaj, chantá allin kajta tukuy sonqo ruwayta munananchejpaj ima.

Hebreos 1:3

Diospa Churenqa Diospa jatun kayninpa lliphipiyninta rikuchin, paypa kaynintaj Tata Diospa kayninta rejsichiwanchej. Payllataj atiyniyoj simi nisqanwan tukuy kaj chhikata maychus kananpi purichin. Chantá juchanchejta pampachaspa llimphuchawarqanchej, jinaspataj, janaj pachapi jatun atiyniyoj Kamachejpa pañanman tiyaykukorqa.

Hebreos 9:12

Chantá Cristoqa manallataj chivokunaj nitaj torillokunaj yawarnin aparisqachu yaykorqa. Manachayqa pay kikinpa yawarnin aparisqa Diosllapaj T'aqasqa Cheqaman uj kutillata yaykorqa. Ajinamanta Cristo wiñaypaj juchaj atiyninmanta kacharichiwarqanchej.

Hebreos 9:15

Chayrayku Jesucristonejta runakuna Dioswan mosoj tratoman yaykunchej, wajyasqa kajkuna wiñay kawsayta chayaqeta jina jap'inanchejpaj, mayqentachus Dios qonanta nerqa, chayta. Cristo wañorqa runakunata ñawpa tratopi juchallisqankumanta kacharichinanpaj.

1 Pedro 3:18

Cristopis juchanchejrayku wiñaypaj uj kutillata ñak'arerqa. Pay mana juchayojchu karqa. Chaywanpis juchasapakunarayku wañorqa, Tata Diosman pusanasuykichejpaj. Cheqapuni payqa runa jina wañuchisqa karqa, Santo Espiritunejtataj kawsarichisqa karqa.

Apocalipsis 14:3

Chay runakuna Diospa kamachinan tiyanaj ñawpaqenpi, jinataj tawa kawsajkunaj, chantá kuraj runakunaj ñawpaqenkupi ima uj mosoj takiyta takisharqanku. Chay takiyta mana pipis yachaqakuyta aterqachu, manachayqa chay 144.000 runakunalla, pikunatachus kay pachapi kajkuna ukhumanta Cordero ashkha preciota pagaspa kacharichisqa, chaykunalla.

Apocalipsis 5:9

Chantá paykuna uj mosoj takiyta takispa, nerqanku: Qanllamin chay k'uyusqa p'anqata jap'inaykipaj jina kanki, sellonkunatataj llik'inaykipaj, imaraykuchus qan wañuchisqa karqanki. Jinallataj qanmin cruzpi wañuspa yawar jich'asqaykiwan runakunata ranterqanki Diospata kanankupaj tukuy ayllumanta, tukuy imaymana rimayniyojta, tukuy imaymana rijch'aj runata, chantá tukuy suyumanta ima.