Gálatas 2:4 - DIOSPA QHELQACHISQ

⁴ Chaywanpis wakinkuna Jesusta qhatejman tukuspa, iglesiaman yaykumorqanku Cristo Jesusnejta kamachisqata junt'anamanta kacharichisqaña kasqaykumanta wateqanawaykupaj. Paykuna watej wata runaman tukuchiyta munawarqayku, Moisespa kamachisqankunata munaspa mana munaspa kasunaykupaj.

Qheshwa Biblia DC

⁴ Chaymantaj wakin llulla hermanos pakaymanta yaykumorqanku, wateqanawaykupaj Cristo Jesusnejta kacharisqaña kasqaykuta. K'amispataj ujtawan munasharqanku leypa kamachimpi kanaykuta.

DIOSPA QHELQACHISQAN DEUTEROCANONICAL

⁴ Chaywanpis wakinkuna Jesusta qhatejman tukuspa, iglesiaman yaykumorqanku Cristo Jesusnejta kamachisqata junt'anamanta kacharichisqaña kasqaykumanta wateqanawaykupaj. Paykuna watej wata runaman tukuchiyta munawarqayku, Moisespa kamachisqankunata munaspa mana munaspa kasunaykupaj.

Quechua South Bolivia: Dios Parlapawanchej

⁴ Arí waquin mana cheka creejcuna tantacuyniycuman pacayllamanta yaycumorkancu Tito señalacunanta munaspa. Nokaycoka Jesucristoman ujchaskas caspa, chay camachiskamanta cachariskas caycu. Paycunarí watekajcunajina yaycumuspa munarkancu watejmanta casunaycuta camachisjina.

Gálatas 2:4 ပူးပေါင်းရင်းမြစ်များ

Salmos 119:45

Kamachisqaykita kasusqayrayku, mana imata manchachikuspa kawsarikusaj.

Salmos 51:12

12 (14) Qhespichiwasqaykimanta kusikuyta watej kutichimpuway. Chantá qanta kasukuyta munana sonqota ruwaway,

Isaías 51:23

Noqatajrí chay copata ñak'arichisojkunamanñataj qosaj, pikunachus nisoj kanku: Pampaman siriykuy, pataykita purinaykupaj, nispa, chaykunaman. Qanqa paykunata kasuspa, pampaman sirerqanki, paykunataj pataykita ñanta jina purerqanku, nispa.

San Lucas 5:38

Chayrayku mosoj vinotaqa mosoj qara botamanpuni jich'ana. Jinaqa ni mayqen usonqachu.

Hechos 15:1

Chaypacha Judeamanta wakin wawqekuna Antioquiaman jamuspa, mana judío kaj wawqe panakunaman kay jinata yachachiyta qallarerqanku: Sichus Moisespa kamachisqanman jina mana circuncidachikunkichejchu chayqa, mana qhespichisqa kayta atinkichejchu, nispa.

Hechos 15:24

Wakin noqayku ukhumanta mana kachasqallayku qankunaman risqanku, jinataj yachachisqankuwan umaykichejta muyuchispa, yuyayniykichejta tijrasqanku.

Hechos 20:30

Jinallataj qankuna ukhumantapis wakinkuna sayaykonqanku, paykunataj cheqa kajta q'ewispa, Jesusta qhatikojkunamanta wakinta yachachisqankuman tukuchenqanku.

Romanos 8:15

Diosqa mana wata runa kay sonqotachu qankunaman qosorqachej, ujtawan manchasqalla kanaykichejpaj. Aswanpis Diosqa Espiritunta qosorqachej, paypa wawankuna kanaykichejpaj. Chayrayku chay Espiritunejta Diosman qayllaykunchej: Tatáy, Tatitáy, nispa.

2 Corintios 11:13

Chaykuna llulla kuraj kachakuna kanku. Paykunataj runata pantachispa, Cristoj kuraj kachankunapis kankuman jina purishanku.

2 Corintios 11:17

Jatunchakusqayqa mana Diospa munasqanman jinachu. Aswanpis kayta nishani manapis yuyayniypichu kashayman jina.

2 Corintios 11:20

Jinallataj qankuna ni imata ninkichejchu sichus pipis wata runanman tukuchisunkichej chayqa, chayrí sojsusunkichej, chantapis tukuy imaykichejta qhechusunkichej chaypis. Jinallataj qhawakullankichej pipis k'umuykachachisunkichej chayqa, chayrí uyaykichejpi jinch'asunkichej chaypis.

2 Corintios 11:26

Noqaqa Jesusmanta willaspa, tukuynejman rerqani. Rishaspataj, ashkha kutita mayuwan yaqhalla apachikorqani, jinallataj suwakuna yaqhalla imayta suwawarqanku. Judío masiykunapis wañuchiwayta munaspa, ashkha kutita wateqallawarqankutaj, chantá mana judío kajkunapis. Wañuy patapi jina karqani llajta ukhupi, ch'inkunapi, Mama qocha chawpipi ima, jinallataj Jesucristopi atinikuni nej llulla runakunaj chawpinpi ima.

2 Corintios 3:17

Tukuyta Kamachej Dios, nispa Espiritumanta parlashan. Jinataj maypichus Diospa Espíritun kashan, chaypi manaña ima jark'aypis kanchu.

Gálatas 1:7

Cristomanta jawaqa waj sumaj willay manamin kanchu. Manachayqa wakinkuna qankunaj umaykichejta muyuchiyta munaspa, Cristoj sumaj willayninta q'ewinku.

Gálatas 4:25

Agarqa Sinaí orqowan ninakun, Arabiapi kashan, chaywan. Chay orqotaj ninakullantaj kay tiempomanta Jerusalenwan, imaraykuchus Jerusalenqa, wawankuna ima kamachisqakunaj wata runan kanku.

Gálatas 4:3

Ajinallataj noqanchejwan karqa manaraj Cristo jamushajtin. Noqanchej wawa jinallaraj kashaspa, Diosman churanakojkunaj yuyasqankuman jina purej kanchej, jinataj chay jina yuyanaj wata runan karqanchej.

Gálatas 5:1

Cristo cheqatapuni kacharichiwarqanchej. Chayrayku kacharisqa kaypi thuruta sayaychej, amataj ujtawan Moisespa kamachisqankunaj wata runan ruwakuychejchu.

Gálatas 5:10

Noqaqa Tukuyta Kamachej Jesuspi atinikuni qankunata waqaychananta mana cheqan yachachiykunata mana jap'ikunaykichejpaj. Pichus umaykichejta muyuchej runatarí Dios ruwasqanman jina juzganqa, pipis kachun.

2 Timoteo 3:6

Paykuna wasimanta wasi purispa, pisi sonqo warmikunaj umankuta muyuchinku. Chay warmikunaqa tukuy imaymana millay kajta munapayaywan apaykachasqa kaspa, jucha q'epirisqa kawsanku.

Santiago 1:25

Aswanpis Diospa mana pantayniyoj kacharichej kamachisqanta allinta qhawana. Chantá mana qonqaspa, chayta kasuna. Pichus Diospa nisqanta ajinata kasojtaqa Dios saminchanqa.

1 Pedro 2:16

Qankunaqa kacharichisqa kankichej. Chaywanpis Diospa wata runallanpuni kankichej. Ajinaqa kacharichisqa kasqaykichejrayku ama yuyaychejchu mana allin kajta ruwaspa puriyta atillasqaykichejta.

2 Pedro 2:19

Chay yachachejkuna wajkunata ninku juchallispa kawsanamanta kacharichisqa kayta atinankuta. Paykunatajrí millay kawsaypa wata runan kanku, imaraykuchus atipachikoj runaqa atipajninpa wata runanman tukun.

1 Juan 4:1

Munasqa wawqe panakuna, tukuy pikunachus: Diospa Espiritunpa yuyaychasqan kani, nispa ninku, chaykunaj yachachisqankuta ama jap'ikullaychejchu. Manachayqa Diosmantachus kanku, manachus chayta allinta reparaychej, imaraykuchus ashkha mana cheqanta yachachejkuna tukuynejpi purishanku.

Judas 1:4

Chayta niykichej, imaraykuchus wakinkuna iglesiaman mana reparayllata yaykuykamunku. Paykunaqa Dioswan churanakojkuna kanku, imajtinchus Diospa qhasilla k'acha yanapayninta q'ewinku, munasqankuman jina millayta ruwaspa purinankupaj. Chaywanpis paykuna juchachasqa kanankoqa ñawpajmantapachaña nisqa kashan, imaraykuchus Tukuyta Kamachej Jesucristota qhesachanku.