Gálatas 2:2 - DIOSPA QHELQACHISQ

² Chayman rerqani Diospa sut'inchawasqanta kasuspa. Chantá chaypi kurajkunaman sut'incharqani Jesucristoj sumaj willayninmanta mana judío kajkunaman imaynatachus willashasqayta. Chayta paykunallaman sut'incharqani willasqay ama qhasi kananpaj.

Qheshwa Biblia DC

² Chayman rerqani Dios sut'ita kamachiwasqanrayku. Kurajkunamantaj willarqani evangeliota, chay willasqayqa ama qhasi kanampaj gentilespa chaupimpi.

DIOSPA QHELQACHISQAN DEUTEROCANONICAL

² Chayman rerqani Diospa sut'inchawasqanta kasuspa. Chantá chaypi kurajkunaman sut'incharqani Jesucristoj sumaj willayninmanta mana judío kajkunaman imaynatachus willashasqayta. Chayta paykunallaman sut'incharqani willasqay ama qhasi kananpaj.

Quechua South Bolivia: Dios Parlapawanchej

² Rerkani Diospa sut'inchawaskanta casuspa. Chaypitaj hermanosman ricucherkani sumaj willanasniyta willarashaskayta waj llajtayojcunaman. Manchachicorkani ruwaskay khasilla cashaskanta yuyanancumanta. Chayraycu rejsiska curajcunata sapallancuta tapuricorkani. Imaraycuchus mana munarkanichu ninancuta khasilla cashaskanta tucuy callpaywan ruwaskayta ruwashaskaytapis.

Gálatas 2:2 ပူးပေါင်းရင်းမြစ်များ

Eclesiastés 10:1

Sumaj mikhunaman ch'uspi urmaykuspaqa, mikhunata millachikunaman tukuchin. Ajinallatataj uj chhikan mana yuyayniyoj kana, allinpaj qhawasqa kanata manakajpi rikhurichin.

San Mateo 10:16

Kunanqa, noqa kachashaykichej ovejatapis atojkunaj chawpinkuman kachashayman jina. Qankunarí katarikuna jina sumaj yuyayniyoj kaychej, urpikuna jinataj llamp'u sonqoyoj.

Hechos 15:12

Chantá Pedroj nisqanta uyariytawan, tukuyninku ch'inyakorqanku, uyarinankupaj Bernabewan Pablowan imatachus willanankuta. Paykunataj willarqanku imaynatachus Dios paykunanejta runaj mana jayk'aj rikusqanta, may t'ukuna imakunata ima ruwasqanta mana judío kajkuna ukhupi.

Hechos 15:2

Pablowan, Bernabewanrí chay wawqekunawan sinch'ita churanakorqanku. Chayrayku Antioquía iglesiaqa Pablota, Bernabeta, wakin wawqekunatawan ima Jerusalenman kacharqanku, chaypi Jesuspa kuraj kachankunawan, iglesiapi kurajkunawan ima chaymanta sut'inchanankupaj.

Hechos 15:4

Pablowan, Bernabewan Jerusalenman chayajtinku, iglesiawan, Jesuspa kuraj kachankunawan, iglesiapi kurajkunawan ima kusiywan paykunata jap'erqanku. Chantá Pablowan, Bernabewan paykunamanpis willallarqankutaj Dios imatachus paykunanejta ruwasqanta.

Hechos 18:9

Uj tutarí Tukuyta Kamachej Jesús mosqoypi jina Pabloman rikhurispa, nerqa: Ama manchachikuspa, noqamanta wajkunaman willallaypuni, amataj ch'inyakuychu.

Hechos 23:11

Chantá q'ayantin ch'isi Tukuyta Kamachej Jesusqa Pabloman rikhurispa, nerqa: Sonqochakuy Pablo. Imaynatachus kay Jerusalenpi noqamanta testigo jina willarqanki, kikillantataj Roma llajtapipis noqamanta sumaj willayta willanki, nispa.

Hechos 5:34

Jinallapi Diospa kamachisqanmanta yachachej Gamaliel sutiyoj uj fariseo sayarerqa. Payqa tukuy runapaj respetasqa karqa. Jinataj Jesuspa kuraj kachankunata jawaman orqhonankuta nerqa.

Romanos 9:16

Ajinaqa Dios runata ajllakun, mana chay runa ajllasqa kayta munasqanraykuchu, nitaj imata ruwasqanraykuchu, manachayqa Dios paymanta khuyarikusqanraykulla.

1 Corintios 1:23

Noqaykurí Cristo cruzpi chakatasqa kasqanmanta willayku. Judiokunata chay willayqa phiñarichin, mana judío kajkunapajtaj wampu runaj thawtisqan jina.

1 Corintios 2:2

Manachayqa qankunawan kashaspa, Jesucristollamanta parlanayta nerqani, astawanqa cruzpi wañusqanmanta.

1 Corintios 9:24

Qankuna yachankichej llallinakupeqa tukuy t'ijusqankuta. Chaywanpis pichus atipajlla t'inkata jap'in. Qankunapis ajinata t'ijuriychej, t'inkata jap'inaykichejpaj jina.

1 Corintios 9:26

Chayrayku noqapis t'ijuni, maymanchus chayanay kashan, chayman chayanaypaj. Tinkupi maqanakojkunaqa mana wayrallatachu sajmanku. Ajinallatataj noqapis mana qhasipajchu imatapis ruwani.

2 Corintios 12:1

Noqa kikiy jatunchakuspaqa, mana imatapis tarinichu. Chaywanpis, kunanqa Tukuyta Kamachej Jesús mosqoypi jina imatachus rikuchiwasqanmanta chantá sut'inchawasqanmanta ima willasaj.

Gálatas 1:12

Noqaqa mana pi runamantachu chay sumaj willayta jap'erqani, nitaj pipis yachachiwarqachu, manachayqa kikin Jesucristomin noqaman chay sumaj willaymanta sut'inchawarqa.

Gálatas 1:16

Diosqa Churinta rejsichiwayta munarqa, mana judiokuna ukhupi paymanta willanaypaj. Ajina kajtin, noqaqa mana pipis yuyaychanawanta mask'arqanichu.

Gálatas 1:6

Noqa t'ukuni chay jina usqhayta Diosmanta karunchakusqaykichejta yachaspa, pichus Cristoj khuyakuyninrayku wajyasorqachej, chaymanta, waj jina sumaj willayta qhatinaykichejpaj.

Gálatas 2:6

Chantá pikunachus kurajkunapaj qhawasqa kanku, chaykunaqa Jesusmanta sumaj willayta willasqayman mana imatapis yaparqankuchu. Kurajkunachus manachus kanku chayqa, mana riwanchu nitaj jamuwanchu, imaraykuchus Dios mana runaj rijch'aynintachu qhawan.

Gálatas 2:9

Santiago, Pedro, Juan ima Jerusalén iglesiapi kurajpaj qhawasqa karqanku. Chantá paykuna Diospa qhasilla k'acha yanapayninrayku willanaykupaj atiyta qowasqaykuta repararqanku. Chayrayku noqata, Bernabetawan tukuy sonqo q'apiriwarqayku, paykunawan uj yuyaylla kasqaykuta rejsichinankupaj. Jinaspataj, mana judío kajkunaman willaj rinaykuta niwarqayku, paykunataj judiokunaman.

Gálatas 5:7

Qankunaqa walejllata ñawpajman risharqankichej. Pitaj jark'arqasunkichej cheqa kajta mana kasunaykichejpajri?

Filipenses 2:16

Jinallataj kawsayta qoj willaymanta jap'ikuspallapuni kaychej. Ajinamanta Cristoj kutimunan p'unchaypi noqa sonqo junt'asqa kasaj, imaraykuchus yachasaj kallpakusqay, ruwasqaytaj mana qhasichu kasqanta.

Filipenses 2:29

Qankuna payta Tukuyta Kamachej Jesuspa kamachinta jina may kusisqa wajyarikuychej. Jinallataj pikunachus pay jina kajkunatapis jatunpaj qhawaychej.

1 Tesalonicenses 3:5

Chayrayku, noqapis mana astawan suyayta atispa, Timoteota qankunaman kachamorqani, Jesuspi atinikuspallapunichus purishasqaykichejta yachananpaj. Llakikorqani Kuraj Supay qankunata ichapis pantachisqantaña. Jina kanman chayqa, qankunata yanapanaykupaj ruwasqaykoqa qhasipaj kanman karqa.

2 Timoteo 4:7

Noqaqa soldado jina sumajta maqanakorqani tukuy imapi Diosta kasunaypaj. Maymanchus chayanayman chayashaniña. Chantá Diospi atinikusqaypi mana llawch'iyarqanichu.

Hebreos 12:1

Ñawpajta Diospi atinikuspa purejkuna may chhika karqanku, paykunataj muyuyninchejpi testigo jina imaynatachus purishasqanchejta qhawashawanchej. Chayrayku imachus ñawpajman rejta mana saqewanchejchu, chay tukuyta wijch'unachej, jinallataj ch'ipaykuwanchej, chay juchatapis. Chantá Dios churapuwasqanchej ñanta mana sayk'uspa t'ijunachej.