Gálatas 2:14 - DIOSPA QHELQACHISQ

¹⁴ Noqa maypachachus Jesuspa cheqa kaj sumaj willayninman jina mana allinta purisqankuta rikorqani, chaypacha tukuypa ñawpaqenpi Pedrota k'amerqani: Qan judío kashaspapis, mana judío jina purinki. Sichus mana judío jina purinki chayqa, imaraykutaj mana judío kajkunata kunan kamachinki judiokunaj usunkuta ruwanankutari? nispa.

Qheshwa Biblia DC

¹⁴ Maypachachus rikorqani mana allinta purejta, evangelioj cheqa kayninman jina, chaypacha tukuypa ñaupaqempi Pedroman nerqani: Sichus qan judío kashaspa, gentiles jina kausanki, manataj judío jinachu chayqa, imaraykutaj kamachinki gentilesqa judíos jina kanankutari?

DIOSPA QHELQACHISQAN DEUTEROCANONICAL

¹⁴ Noqa maypachachus Jesuspa cheqa kaj sumaj willayninman jina mana allinta purisqankuta rikorqani, chaypacha tukuypa ñawpaqenpi Pedrota k'amerqani: Qan judío kashaspapis, mana judío jina purinki. Sichus mana judío jina purinki chayqa, imaraykutaj mana judío kajkunata kunan kamachinki judiokunaj usunkuta ruwanankutari? nispa.

Quechua South Bolivia: Dios Parlapawanchej

¹⁴ Sumaj willanasmanjina mana chekantachu ruwaskanta ricuspa tucuypa ñaupakencupi Pedrota c'amerkani: “Kanpis, israel runa caspa, waj llajtayojjina causashanqui manataj israel runajinachu. Chanta ¿imaraycutaj camachinqui waj llajtayojcunata israelcunaj yachachinasnincumanjina ruwanancutarí?”

Gálatas 2:14 ပူးပေါင်းရင်းမြစ်များ

Salmos 141:5

Cheqanta ruwaj runa jasut'iwaspaqa, allinta ruwawan, k'amiwasqantaj noqapaj sumajta q'apaj jawina jina kanqa. Tata Diosníy, mañakuyki, mana allin ruwajkunata jasut'inaykita.

Salmos 15:2

Wasiykipeqa pichus cheqanta purejlla, cheqan kajta ruwajlla, mana llullakuspa cheqa kajta parlajlla tiyakonqa.

Salmos 58:1

1 (2) Justiciata ruwajkuna, cheqachu justiciata ruwankichej? Qankuna wañoj runakuna, cheqantachu juzgankichej?

Salmos 84:11

11 (12) Tata Dios k'anchawanchej, waqaychawanchejtaj. Payqa mana k'amina kawsajkunata munakun, jatunchantaj, tukuy ima allin kajtataj paykunaman qon.

Proverbios 10:9

Pichus allinta ruwajqa ni imamanta manchachikunchu. Pichus mana allinta ruwajrí mana allinpi tukukonqa.

Proverbios 2:7

Paymin cheqanta purejkunaman sumaj yachayta qon. Mana juchayojkunapajqa paymin jark'akunanku escudo.

Levítico 19:17

Ama wawqeykita sonqoykipi chejnikunkichu. Runa masiykita k'amiy, k'amina kajtenqa, juchallejtin ama juchachasqa kanaykipaj.

Hechos 10:28

Pedrotaj paykunata nerqa: Qankuna yachankichej jina, noqayku judiokuna mana tantakuyta atiykuchu mana judío kajkunawanqa. Kunanrí, Dios yachachiwan ama pitapis ch'ichipaj nitaj pisipaj qhawanayta.

Hechos 15:1

Chaypacha Judeamanta wakin wawqekuna Antioquiaman jamuspa, mana judío kaj wawqe panakunaman kay jinata yachachiyta qallarerqanku: Sichus Moisespa kamachisqanman jina mana circuncidachikunkichejchu chayqa, mana qhespichisqa kayta atinkichejchu, nispa.

Hechos 15:24

Wakin noqayku ukhumanta mana kachasqallayku qankunaman risqanku, jinataj yachachisqankuwan umaykichejta muyuchispa, yuyayniykichejta tijrasqanku.

Hechos 15:5

Chaywanpis fariseokunamanta wakin wawqekuna sayarispa, nerqanku: Mana judío kajkunamanta Jesuspi atinikojkunaqa circuncidasqa kananku tiyan, jinallataj Moisespa kamachisqantapis junt'anallankutaj tiyan, nispa.

Romanos 14:14

Tukuyta Kamachej Jesús noqata yachachiwarqa mana ni ima mikhunapis Diospa ñawpaqenpi mana allinchu kasqanta. Chaywanpis sichus pipis yuyan, imata mikhuna mana allinchu kasqanta chayqa, paypaj mana allinchu.

Gálatas 1:18

Chantá kinsa watanman jina Jerusalenman rerqani Pedrota rejsiyta munaspa, paywantaj chunka phishqayoj p'unchayta karqani.

Gálatas 1:6

Noqa t'ukuni chay jina usqhayta Diosmanta karunchakusqaykichejta yachaspa, pichus Cristoj khuyakuyninrayku wajyasorqachej, chaymanta, waj jina sumaj willayta qhatinaykichejpaj.

Gálatas 2:3

Chaypacha Tito noqawan khuska kasharqa. Pay Grecia llajtayoj karqa chaypis, chay kurajkuna pay circuncidachikunanta mana mat'iykorqankuchu.

Gálatas 2:5

Noqaykurí paykunata manapuni kasu ruwarqachu, imaraykuchus munarqayku Jesusmanta sumaj willayta maychus kajta kasunaykichejta.

Gálatas 2:7

Aswanpis paykuna repararqanku mana judío kajkunaman Jesuspa sumaj willayninmanta willanaypaj churasqa kasqayta, imaynatachus Pedropis judiokunaman sumaj willaymanta willananpaj churasqa karqa, ajinata.

Gálatas 2:9

Santiago, Pedro, Juan ima Jerusalén iglesiapi kurajpaj qhawasqa karqanku. Chantá paykuna Diospa qhasilla k'acha yanapayninrayku willanaykupaj atiyta qowasqaykuta repararqanku. Chayrayku noqata, Bernabetawan tukuy sonqo q'apiriwarqayku, paykunawan uj yuyaylla kasqaykuta rejsichinankupaj. Jinaspataj, mana judío kajkunaman willaj rinaykuta niwarqayku, paykunataj judiokunaman.

Gálatas 6:12

Runaj ñawpaqenpi allinpi rikhuriyta munajkunaqa qankunata munajta mana munajta circuncidachiyta munasunkichej, ama paykuna Cristoj cruzninrayku qhatiykachasqa kanankupaj.

Colosenses 1:5

Qallariypi Jesuspa cheqa kaj sumaj willayninta uyarispa, yacharqankichej Diosqa qankunapaj may sumaj imakunata janaj pachapi waqaychashasqanta.

1 Timoteo 5:20

Jinallataj iglesiata pusarejkunamanta juchallispallapuni puriyta munajkunataqa tukuy iglesiaj ñawpaqenpi k'amiy, wajkunapis manchachikunankupaj.

Hebreos 12:13

Chantá cheqanta purispa kawsaychej, ajinamanta pisi kallpayoj wist'u chaki jina ama ñanta pantananpaj, manachayqa kallpachasqa kaspa thuruta sayananpaj.

Hebreos 9:10

Chay ñawpa kamachisqakuna karqa mikhunamanta, ujyanamanta, Diospa ñawpaqenpi llimphu rikhurinapaj imachus ruwanamanta ima. Chaykunataj valorniyoj karqa, Dios tukuy imata mosojyachinan p'unchaykamalla.