Ezequiel 22:3 - DIOSPA QHELQACHISQ

³ Chay llajtata ninki: Tukuyta Kamachej Tata Dios kay jinata nisunki: Qanpi tiyakojkunata wañuchej llajta kanki, lantikunatataj yupaychaspa ch'ichichakunaykipaj ruwakunki. Chayrayku jasut'isqa kanayki p'unchay chayamusonqa.

Qheshwa Biblia DC

³ Sutiypi paytaqa ninki: Señorqa kay jinata nin: Runa masiykita wañuchej llajta, qhasi mana kaj dioskunatataj ch'ichichakunaykipaj ruwakunki, chay p'unchayqa qampaj chayamonqaña.

DIOSPA QHELQACHISQAN DEUTEROCANONICAL

³ Chay llajtata ninki: Tukuyta Kamachej Tata Dios kay jinata nisunki: Qanpi tiyakojkunata wañuchej llajta kanki, lantikunatataj yupaychaspa ch'ichichakunaykipaj ruwakunki. Chayrayku jasut'isqa kanayki p'unchay chayamusonqa.

Ezequiel 22:3 ပူးပေါင်းရင်းမြစ်များ

2 Reyes 24:3

Judá suyuta ajina llakiykuna qhatirerqa, Tata Diospuni ajina kananta nisqanrayku. Tata Diosqa Judá suyuta ñawpaqenmanta wijch'uyta munarqa, kuraj kamachej Manasés tukuy imaymanata ruwaspa juchallisqanrayku.

2 Reyes 24:4

Chayrayku Tata Diosqa Judá suyuta manapuni qhespichiyta munarqachu, Jerusalenpi ashkha mana juchayojkunata Manasés wañuchichisqanrayku.

Salmos 106:39

Ajinata ruwaspa, paykuna ch'ichichakorqanku, millay ruwasqankuwantaj khuchichakorqanku.

Isaías 1:21

Unay Jerusalenqa noqata kasuwaj llajta karqa, kunantaj phisu warmiman jina tukun. Ñawpajtaqa justiciatawan, chantá cheqanta ruwaj runakunawan junt'a karqa. Kunanrí mana juchayoj kajta wañuchejkunawan junt'a kashan.

Ezequiel 12:25

Manachayqa noqa Tata Diosmin parlasaj, nisqaytaj usqhayllata junt'akonqa. Mana kasukoj runakuna ñawiykichejwan chayta rikunkichej. Noqa parlasaj, chay nisqaytataj junt'asajpuni. Noqa Tukuyta Kamachej Tata Diosmin chayta nini.

Ezequiel 22:2

Runaj churin, runa wañuchi llajtataqa manachu juchachanki? Millayta ruwaspa ch'ichichakusqanta manachu sut'iman orqhonki?

Ezequiel 22:27

Kay llajtapi kurajkunaqa atojkuna jina jap'isqankuta mithanku, runakunatataj wañuchinku kapuyninkuta suwaspa qhapajyanankupaj.

Ezequiel 22:4

Runakunata wañuchisqaykirayku juchayoj kanki, lantikunata ruwakusqaykiwantaj ch'ichichakunki. Ajinamanta qanqa jasut'isqa kanayki p'unchayta qayllachimunki, chinkanayki p'unchaytaj chayamunña. Chayrayku tukuy runakuna qanmanta alqochakonqanku, tukuy suyukunapis asipayasonqanku.

Ezequiel 22:6

Israelpa kuraj runankunaqa atisqankuta runakunata wañuchinku.

Ezequiel 23:37

Paykunaqa noqawan casarasqa kashaspa, wajkunawan khuchichakorqanku, runatapis wañucherqanku. Paykunaqa lantikunata yupaychaspa, wasanchawarqanku. Noqapaj paqarichikorqanku, chay wawakunatapis ninapi q'olachispa, lantinkukunaman jaywarqanku.

Ezequiel 23:45

Chayrayku cheqan kawsaj runakunaqa chay khuchi warmikunata juchachanqanku kamachisqankuman jina, imaynatachus phisu warmikunata chantá runa wañuchejkunata juchachanku, ajinata. Ajinata ruwanqanku, imaraykuchus paykunaqa khuchichakuspa purej, runa wañuchitaj kanku, nispa.

Ezequiel 23:7

Aholataj chay asiriokunamanta aswan sumachaj qharikunawan khuchichakorqa. Paykunapaj mayta q'oñirispa, tukuy lantinkunata yupaychaspa ch'ichichakorqa.

Ezequiel 33:25

Chayrayku paykunata niy: Tukuyta Kamachej Tata Dios kay jinata nisunkichej: Qankunaqa aychata yawarnintinta mikhunkichej, lantikunata yupaychankichej, runatapis wañuchinkichej. Ajina kashaspa, kay suyuta jap'ikapuyta yuyashankichejchu?

Ezequiel 9:9

Tata Diostajrí kutichiwarqa: Israelmanta jinataj Judamanta runakunaj millay ruwasqankoqa may jatunpuni. Kay suyoqa runata wañuchiywan, millay ruwaywan ima junt'a kashan. Paykuna yuyanku noqa kay suyuta saqerparisqayta, yuyallankutaj imatachus ruwasqankutapis mana rikusqayta.

Miqueas 3:10

Qankuna runata wañuchispa, mana allin kajta ruwaspataj, Sión orqopi Jerusalén llajtata sayarichinkichej.

Sofonías 3:3

Kamachejninkukunaqa león jina qhaparirinku. Juezninkukunapis phiña k'ita alqo jina kanku, mayqenchus q'ayantinpaj ni uj tullullatapis puchuchinkuchu, ajina.

Romanos 2:5

Qanrí mana uyarikuyta munasqaykirayku, Diosman mana kutirikuyta munankichu. Chayrayku qan kikiykipaj k'araj phiñakuyta tantakushanki k'araj phiñakuy p'unchaypaj, maypachachus Diospa cheqan kaj juicion sut'inchasqa kanqa, chaypaj.

2 Pedro 2:3

Mana cheqanta yachachejkunaqa qolqemanta wañurisqa kaspa, tukuy imaymana llulleriyota wakichisqankuwan qankunamanta qolqeykichejta ch'uskisonqachej. Paykunapaj jasut'iyrí unaymantaña wakichisqa kashan, chinkachisqa kanankutaj patallankupiña.