Éxodo 9:27 - DIOSPA QHELQACHISQ

²⁷ Chaymanta faraonqa Moisesta, Aarontawan ima wajyachispa, nerqa: Juchallini. Tata Dios cheqanta ruwan, noqawan, llajta masiykunawantajrí juchayoj kayku.

Qheshwa Biblia DC

²⁷ Chaymantaqa faraón wajyachimorqa Moisesta Aarontawan, nerqataj: Kunan kutipeqa juchata ruwani, jinallataj runasniypis, Señorqa cheqampuni.

DIOSPA QHELQACHISQAN DEUTEROCANONICAL

²⁷ Chaymanta faraonqa Moisesta, Aarontawan ima wajyachispa, nerqa: Juchallini. Tata Dios cheqanta ruwan, noqawan, llajta masiykunawantajrí juchayoj kayku.

Éxodo 9:27 ပူးပေါင်းရင်းမြစ်များ

2 Samuel 12:13

Chantá Davidqa Natanman kuticherqa: Tata Diospa contranpi juchallikuni, nispa. Natantaj kuticherqa: Tata Diosqa juchaykita pampachan. Chay jucharayku mana wañunkichu.

2 Crónicas 12:6

Jinapi Israelmanta kurajkuna, chantá kuraj kamachejpis juchayoj kasqankuta reparakuspa, k'umuykukorqanku, nerqankutaj: Tata Diospa kay ruwasqanqa cheqanpuni, nispa.

Salmos 129:4

Tata Diosrí cheqanta ruwaj kaspa, millayta ruwajkunaj makinkumanta kacharichiwarqa.

Salmos 145:17

Tata Dios tukuy imata cheqanta ruwan, chay ruwasqantaj k'acha sonqowan ruwasqa.

Salmos 9:16

16 (17) Tata Diosqa cheqan justiciata ruwaj kasqanwan rejsichikun. Millayta ruwaspa purejkunarí ruwasqallankupitaj urmanku.

Éxodo 10:16

Chantá faraonqa usqhay usqhayta Moisesta, Aarontawan ima wajyachispa, nerqa: Noqaqa Diosniykichej Tata Diospa contranta, qankunaj contraykichejtawan ima juchallini.

Éxodo 10:17

Chayrayku nirikuykichej: Kunallantawanña juchayta qhespichispa, Tata Diosniykichejmanta mañapuwaychej, kay millay khuruta noqamanta karunchananpaj, nispa.

Éxodo 8:25

25 (21) Chaymanta faraonqa Moisesta, Aarontawan ima wajyachispa, nerqa: Riychej, Diosniykichejman uywa ñak'asqata q'olachispa jaywamuychej. Jinapis ama kay suyumanta ripuychejchu, nispa.

Éxodo 8:8

8 (4) Chantá faraón Moisesta, Aarontawan ima wajyachispa, nerqa: Tata Diosmanta mañaychej ari, noqamanta, runaykunamantawan k'aylankulakunata chinkachinanpaj. Noqataj israelitakuna rinankuta saqesaj, rispa uywa ñak'asqa q'olachikunata Tata Diosman jaywamunankupaj, nispa.

Lamentaciones 1:18

Jerusalén llajta nin: Tata Diosqa cheqanpuni, noqarí paypa contranta oqharikorqani, kamachisqanta p'akispa. Kunanqa tukuy runa, qhawaychej, rikuychejtaj ñak'arisqayta. Sipasniykunata, waynuchuykunatawan ima apakapunku.

Daniel (hebreo) 9:14

Chayraykumá, qan Tata Dios, kay jasut'ita wakichispa, pataykuman apachimuwarqayku. Tata Diosniyku, qanmin tukuy ima ruwasqaykipi cheqan kanki, noqaykutajrí niwasqaykuta mana uyarisuyta munarqaykuchu.

Números 21:7

Chantá israelitakuna, Moisés kasharqa chayman rispa, nerqanku: Tata Diospa contranta, chantá qanpa contraykitawan ima rimaspa, juchalliyku. Ama jinachu kay, Tata Diosmanta mañapuwayku ari, kay katarikunata noqaykumanta chinkachinanta, nispa. Ajinaqa Moisés Tata Diosmanta mañakorqa israelitakunaj juchallisqankuta pampachananta.

Números 22:34

Chantá Balaamqa Tata Diospa angelninta nerqa: Noqa juchallikuni. Ñanpi sayaspa jark'ashawasqaykita mana yacharqanichu. Sichus Moabman rishasqay qanpaj mana allinchu chayqa, kaymanta kutipullasaj ari, nispa.

San Mateo 27:4

Paykunatataj nerqa: Juchallini chay mana juchayojta wañuchisqa kananpaj jaywaykuspa, nispa. Paykunatajrí nerqanku: Chaymantaqa ni ima ruwanayku kanchu. Qan imanaypis ari, nispa.

Romanos 2:5

Qanrí mana uyarikuyta munasqaykirayku, Diosman mana kutirikuyta munankichu. Chayrayku qan kikiykipaj k'araj phiñakuyta tantakushanki k'araj phiñakuy p'unchaypaj, maypachachus Diospa cheqan kaj juicion sut'inchasqa kanqa, chaypaj.

Romanos 3:19

Yachanchej Moisespa kamachisqanpi nisqanqa chay kamachisqaj makinpi kajkunapaj churasqa kasqanta. Chayqa ajina kay pachapi kaj chhika runakuna ch'inyachisqa kanankupaj, tukuytaj Diospa ñawpaqenpi juchachasqa rikhurinankupaj.

Josué 7:20

Chantá Achán Josueta nerqa: Arí, cheqapuni Israelpa Tata Diosninpa contranta juchallini. Kayta ruwarqani:

1 Samuel 15:24

Chantá Saulqa Samuelta nerqa: Arí, juchallini, Tata Diospa kamachisqanta, niwasqaykitawan mana kasuta ruwaspa. Chaytaqa ruwarqani runata manchachikuspa, imatachus mañawasqankuta uyarisqayrayku.

1 Samuel 15:30

Chantá Saúl ujtawan nerqa: Noqa juchallini. Chaywanpis, ama jina kaspa, tukuy israelitakunaj ñawpaqenkupi, jinataj kurajkunaj ñawpaqenkupipis kuraj kamachejta jinallapuni qhawariway ari. Kutinalla, Tata Diosniykita noqawan yupaychamuna, nispa.

1 Samuel 26:21

Saultaj kuticherqa: David, wawáy. Noqa juchayoj kani. Uj wampu runa jina ruwaspa, may jatunta pantani. Chayrayku kunanqa kutimpuy. Manaña ima sajratapis ruwasqaykichu, imaraykuchus kunan mana wañuchiwaspa, jatunpaj qhawawasqaykita yachayta qowanki, nispa.