Éxodo 9:16 - DIOSPA QHELQACHISQ

¹⁶ Noqarí kawsanaykita munaniraj, atiyniyoj kasqayta rikunaykipaj, ajinamanta qannejta tukuy kay pachantinpi uyarisqa kanaypaj.

Qheshwa Biblia DC

¹⁶ Chaywampis cheqamanta churayki, qampi atiyniyta rikuchinaypaj, qannejta sutiy willasqa kanampaj tukuy mundontimpi.

DIOSPA QHELQACHISQAN DEUTEROCANONICAL

¹⁶ Noqarí kawsanaykita munaniraj, atiyniyoj kasqayta rikunaykipaj, ajinamanta qannejta tukuy kay pachantinpi uyarisqa kanaypaj.

Éxodo 9:16 ပူးပေါင်းရင်းမြစ်များ

2 Samuel 7:23

Kay pachapi Israel aylluyki jinaqa mana waj ayllu kanchu. Qan, Diosníy, aylluyki kananpaj preciota pagaspa Israelta kacharicherqanki, may uyarisqa kanantataj ruwarqanki, payrayku jatuchaj may t'ukuna k'acha imakunata ruwaspa. Egiptomanta orqhomorqanki, chay aylluykej ñawpaqenmantataj qan chay waj runakunata, diosninkutawan wijch'orqanki.

2 Reyes 19:35

Chantá chay ch'isipacha Tata Diospa angelnin rispa, asiriokunaj soldadonkunamanta 185.000 runakunata wañucherqa. Q'ayantin sut'iyananpajtaj tukuy wañusqa rikhurerqanku.

1 Crónicas 16:24

T'ukuna ruwasqanmanta tukuy suyuman willaychej, t'ukunata ruwasqantataj tukuyman willaychej.

Nehemías 9:10

Chayrayku faraonpa contranpi, kamachinkunaj contrankupi, jinataj chay jallp'api tukuy runajpa contrankupi ima runaj mana jayk'aj rikusqanta, may t'ukuna imakunata qan rikucherqanki, imaraykuchus rikorqanki imaynatachus israelitakunata llakichisqankuta. Jinamanta sutiyki may uyarisqa kashan kunankama.

Salmos 106:8

Chaywanpis, Tata Dios, munakuyniyki may jina kasqanrayku paykunata qhespicherqanki, jatun atiyniykitataj rejsicherqanki.

Salmos 64:9

9 (10) Chaypacha tukuy runakuna manchachikonqanku, Diospa ruwasqanmantataj parlanqanku, chantá ruwasqanpi unanchanqanku.

Salmos 76:10

10 (11) Runaj phiñakuynenqa qanta yupaychasunki, pisilla phiñakuyninkupis pilluykiman tukun.

Éxodo 14:17

Noqataj Egipto llajtayojkunaj sonqonkuta rumiyachisaj, qhepaykichejta qhatiykamusunaykichejpaj. Chantá faraonta, soldadonkunata, carretapi, jinataj caballopi soldadonkunatawan atipaykusaj. Ajinamanta noqa may jina atiyniyoj kasqayta rikuchisaj.

Éxodo 14:4

Noqataj ujtawan faraonpa sonqonta rumiyachisaj, qankunata qhatiykamunasuykichejpaj. Chaypacha faraonta, jinataj soldadonkunata chinkachispa, noqa may atiyniyoj kasqayta rikuchisaj. Ajinamanta Egipto llajtayojkuna yachanqanku noqa Tata Dios kasqayta, nispa. Chantá Moisés ajinata paykunaman willasqanrayku israelitakunaqa Diospa kamachisqanta kasorqanku.

Éxodo 18:11

Kunan yachani Tata Diosqa tukuy dioskunamanta nisqaqa astawan atiyniyoj kasqanta. Payqa runaykachaj Egipto llajtayojkunaj ñak'arichisqankumanta ayllunta kacharicherqa, nispa.

Éxodo 9:15

Sichus noqa qanta, jinataj tukuy Egipto llajtayojkunata sinch'ita ñak'arichispa, may jina atiyniyoj kasqayta rikuchiykiman karqa chayqa, kay pachamanta chinkachisqaña kawaj karqa.

Éxodo 9:17

Chaywanpis qanqa aylluypa contranpi churanakushankiraj, manataj paykunata kachariyta munashankichu.

Proverbios 16:4

Tata Diospa tukuy ima ruwasqanqa mana jinallachu. Millayta ruwaj runatapis uj p'unchay jasut'isqa kananpaj ruwan.

Jeremías 32:20

Qanmin t'ukuna imakunata, jinataj runaj mana jayk'aj rikusqanta Egiptopi ruwarqanki. Kunanpis Israelpi chay jinata ruwashallankirajpuni, jinataj tukuy kay pachapipis. Ajinata ruwasqaykirayku kunankama sutiykeqa manchay uyarisqa.

Ezequiel 39:21

Ajinata noqa Tata Diosqa tukuy suyukunaj ñawpaqenkupi lliphipishaj jatun kayniyta rikuchisaj. Tukuyninku rikonqanku, imaynatachus Gogta juzgarqani, jasut'erqanitaj, chayta.

Malaquías 1:11

Tukuy kay pachapi runakuna sutiyta jatunpaj qhawanku. Tukuynejpi inciensota noqapaj q'oshñichinku, ofrendatapis maychus qonawankuta qowanku, imaraykuchus suteyqa tukuy suyukunapi manchay uyarisqa. Ajinata noqa Tukuy Atiyniyoj Tata Dios nini.

Malaquías 1:14

Maldicisqa kachun, pichus sumajnin kaj uywata qonawanta nishaspa onqosqa kajta jaywawajqa, imaraykuchus noqa Kuraj Kamachejninku kani. Waj suyukunapitaj runakuna may jatun respetowan qhawawanku. Noqa Tukuy Atiyniyoj Tata Dios chayta nini.

Números 14:21

Chay tukuywanpis noqa cheqapuni kawsaj Tata Dios kasqayrayku, manchay uyarisqa kasqaypis tukuy kay pachapi kasqanraykutaj nini:

Romanos 9:17

Diospa Qhelqachisqanpi nillantaj, Dios imatachus faraonta nisqanta: Noqa qanta kuraj kamachejta jina churarqayki, qannejta atiyniyoj kasqayta rikuchinaypaj, tukuy runataj noqa pichus kasqayta yachanankupaj, nispa.

Romanos 9:22

Ajinallatataj Diosqa phiñakuyninta, atiynintawan rikuchiyta atinman karqa. Chaywanpis pay pacienciakorqa, pikunaj patankumanchus phiñakuynin urmanan kasharqa chaykunawan, paykuna chinkachisqa kanankupaj churasqa kashajtinkupis.

Josué 4:24

Ajinata Tata Dios ruwarqa, kay pachapi tukuy runakuna Tata Dios may jina atiyniyoj kasqanta yachanankupaj, qankunataj Tata Diosniykichejta yupaychanaykichejpaj, nispa.

1 Pedro 2:19

Ichapis allin kajta ruwashajtiykichejpis, manakajmanta ñak'arichisunkichejman. Sichus llamp'u sonqowan chayta awantankichej Diospata kasqaykichejrayku chayqa, Dios qankunawan sonqo junt'asqa kanqa.

1 Pedro 2:8

Wajnejpi nillantaj: Chay rumeqa misk'achej rumiman tukun, urmachej rumimantaj, nispa. Chay rumipi ashkha misk'anku, imaraykuchus Diospa nisqanta mana jap'ikuyta munankuchu. Chayraykumin misk'anankupaj churasqa karqanku.

Judas 1:4

Chayta niykichej, imaraykuchus wakinkuna iglesiaman mana reparayllata yaykuykamunku. Paykunaqa Dioswan churanakojkuna kanku, imajtinchus Diospa qhasilla k'acha yanapayninta q'ewinku, munasqankuman jina millayta ruwaspa purinankupaj. Chaywanpis paykuna juchachasqa kanankoqa ñawpajmantapachaña nisqa kashan, imaraykuchus Tukuyta Kamachej Jesucristota qhesachanku.

1 Samuel 4:8

Ay, noqanchejmanta imachus kanqapis. Pitaj Atiyniyoj Diospa makinman urmananchejmanta jark'awasunmanri? Paymin ch'in pampapi Egipto llajtayojkunata tukuy imaymana jasut'ikunawan tukucherqa.