Éxodo 8:22 - DIOSPA QHELQACHISQ

²² 22 (18) Chaywanpis, Gosén cheqanejpi ch'uspi mana kanqachu, imaraykuchus chaynejpi israelitakuna tiyakushanku. Ajinata ruwasqayrayku, noqa Tata Dios kay suyupi kashasqayta yachanki.

Qheshwa Biblia DC

²² Ajina kashajtintaj, Gosén jallp'apeqa mana kanqachu khanikoj ch'uspisqa, mayqempichus aylluy tiyakushan chaypi; ajinamanta yachanaykichejpaj noqa Señor kay jallp'a patapi kashasqayta.

DIOSPA QHELQACHISQAN DEUTEROCANONICAL

²² 22 (18) Chaywanpis, Gosén cheqanejpi ch'uspi mana kanqachu, imaraykuchus chaynejpi israelitakuna tiyakushanku. Ajinata ruwasqayrayku, noqa Tata Dios kay suyupi kashasqayta yachanki.

Éxodo 8:22 ပူးပေါင်းရင်းမြစ်များ

Génesis 46:34

qankuna ninkichej: Noqaykoqa ñawpa tataykukuna jina uywata uywaspa kawsayku, nispa. Ajinamanta qankuna Gosenpi tiyakunkichej, imaraykuchus Egipto llajtayojkunaqa ovejata michejkunata chejnikunku.

Salmos 110:2

Sionmantapacha Tata Dios kamachinayki varata qosunki, awqaykikunata kamachinaykipaj.

Salmos 74:12

Diosníy, qanqa unaymantapachapuni Kuraj Kamachejniy kanki. Qanmin kay suyuta qhespichej kanki.

Éxodo 10:23

Sinch'i laqha kasqanrayku, kinsa p'unchayta mana pipis rikunakorqankuchu, nitaj pipis, maypichus kasharqa, chaymanta kuyurerqachu. Chaywanpis maypichus israelitakuna tiyakusharqanku, chayllapi k'anchay karqa.

Éxodo 12:13

Maypichus kashankichej, chay waseqa yawarwan señalasqa kanqa. Punkuykichejpi yawarta rikuspataj, noqaqa qankunata pasallasqaykichej. Ajinaqa Egiptopi kuraj kaj churikunata wañuchishajtiy, qankuna ukhupi mana ni uj wañusqapis kanqachu.

Éxodo 19:5

Kunantaj sichus nisqayta uyarinkichej, trato ruwasqaytapis junt'ankichej chayqa, qankuna tukuy ayllumanta aswan sumaj aylluy kankichej. Kay pachaqa noqajtamin.

Éxodo 20:11

Chayqa ajina kanqa imajtinchus noqa sojta p'unchaypi janajta, kay pachata, mama qochata ima ruwarqani. Jinataj chaykunapi imachus tiyan, chaykunatawan ruwarqani. Qanchis kaj p'unchaypitaj samarikorqani. Chayrayku noqa Tata Dios samarina p'unchayta saminchaspa, noqallapaj t'aqarqani.

Éxodo 7:17

Chayrayku Tata Dios ajinata nisunki: Kunan qan yachanki noqa Tata Dios kasqayta, nispa. Noqataj, makiypi jap'ishani, chay varawan Nilo mayupi yakuta wajtasaj, chaypachataj yakoqa yawarman tukonqa.

Éxodo 7:5

Egipto llajtayojkunaj contrankuta atiyniyta rikuchispa, israelitakunata chaymanta orqhosaj. Chaypachataj Egipto llajtayojkuna yachanqanku noqamin Tata Dios kasqayta, nispa.

Éxodo 8:10

10 (6) Faraontaj nerqa: Q'ayapacha, nispa. Chantá Moisés nerqa: Ajina kanqa, yachanaykipaj Tata Dios jinaqa mana pipis kasqanta.

Éxodo 8:21

21 (17) Manachus kacharinki chayqa, noqa qanman, yanapajniykikunaman, runaykikunaman, wasiykiman ima tukuy imaymana ch'uspita kachaykamusaj. Ch'uspeqa tukuy Egipto llajtayojkunaj wasinkuman junt'aykuspa, pampannintinpi kanqa.

Éxodo 8:23

23 (19) Ajinata noqaqa aylluyta, aylluykimanta t'aqasaj. Chay señaltaj q'ayapacha kanqa, nispa.

Éxodo 9:26

Chaywanpis Gosenman, maypichus israelitakuna tiyakusharqanku, chaynejmanqa mana chijchi para chayarqachu.

Éxodo 9:29

Moisestaj nerqa: Kay llajtamanta llojsiytawanpacha, makiyta oqharispa, Tata Diosmanta mañakusaj. Chantá illapakuna ch'inyanqa, chijchi parapis thañenqa. Ajina kanqa kay pacha Tata Diospata kasqanta yachanaykipaj.

Éxodo 9:4

Chaywanpis Tata Diosqa israelitakunaj uywankuta Egipto llajtayojkunaj uywankumanta t'aqanqa. Chayrayku israelitakunaj uywankumanta ni ujpis wañonqachu.

Éxodo 9:6

Q'ayantinpacha Tata Dios nisqanta ruwarqa. Jinataj Egiptopi tukuy uywakuna wañurarqanku. Israelitakunaj uywankunamantarí ni ujpis wañorqachu.

Ezequiel 30:19

Egiptota jasut'ejtiy, paykuna yachanqanku noqa Tata Dios kasqayta, nispa.

Malaquías 3:18

Chantá qankuna ujtawan reparayta atinkichej pichus cheqan, pitajchus mana cheqan runachu kasqanta. Reparallankichejtaj pichus Diosta yupaychasqanta, pitajchus mana yupaychasqantawan, nispa.