Éxodo 8:20 - DIOSPA QHELQACHISQ

²⁰ 20 (16) Tata Diosqa Moisesta nillarqataj: Q'aya paqarin faraonqa tutamanta mayuman renqa. Qanpis tutamanta jatarispa, riy paywan parlaj. Chantá ajinata ninki: Tata Dios ajinata nisunki: Aylluyta kachariy, ch'innejman rispa yupaychamunawankupaj.

Qheshwa Biblia DC

²⁰ Señorqa ujtawan nillarqataj Moisesman: Q'aya paqarin faraonqa tutamanta mayuman renqa; qampis tutamanta jatarispa riy paywan parlaj. Ajinata ninki: Señorqa ajinata nimusunki: Saqey aylluyta llojsejta yupaychamunawampaj.

DIOSPA QHELQACHISQAN DEUTEROCANONICAL

²⁰ 20 (16) Tata Diosqa Moisesta nillarqataj: Q'aya paqarin faraonqa tutamanta mayuman renqa. Qanpis tutamanta jatarispa, riy paywan parlaj. Chantá ajinata ninki: Tata Dios ajinata nisunki: Aylluyta kachariy, ch'innejman rispa yupaychamunawankupaj.

Éxodo 8:20 ပူးပေါင်းရင်းမြစ်များ

Salmos 105:31

Chantá Tata Dios parlajtin, may chhika ch'uspikuna, chantá tiwlakuna ima phuyu jina Egiptoman junt'aykorqanku.

Salmos 78:45

Chantá paykunata ñak'arichinankupaj khanikoj ch'uspikunata kachaykorqa. K'aylankulakunatapis paykunata tukuchinankupaj kachaykullarqataj.

Éxodo 2:5

Chay qhepata faraonpa ususin mayllakoj mayuman urayk'orqa. Sipas kamachinkuna mayu kantuta puriykachashanankukamataj, faraonpa ususin t'utura chawpipi tuytushaj uj canastata rikorqa. Chantá ujnin kamachinwan chay canastata orqhochimorqa.

Éxodo 3:18

Qan Moisés, ajinata nejtiyki, israelitakunaj kurajninkuna kasusonqanku. Chantá kurajkunawan khuska Egiptopi kuraj kamachejmanñataj rispa, ninkichej: Tata Dios, israelitakunaj Diosnin rikhuriwayku. Chayrayku kinsa p'unchay puriyta ch'innejman risqayku, Tata Diosman uywata ñak'aspa, jaywamunaykupaj, nispa.

Éxodo 4:23

Ña niykiña, yupaychanawanpaj churiyta kacharinaykita, qantajrí mana rinanta munashankichu. Chayrayku noqaqa kuraj kaj qhari wawaykita wañuchisaj, nispa.

Éxodo 5:1

Chantá Moiseswan, Aaronwan ima faraonwan parlaj rispa, nerqanku: Israelpa Diosnin Tata Dios ajinata nisunki: Noqaj ajllakusqay aylluyta kachariy, ch'innejman rispa, sutiypi uj raymita ruwapunawankupaj, nispa.

Éxodo 5:3

Chantá Moisés, Aaronwan ima nerqanku: Diosniykoqa noqayku hebreokunaman rikhuriwarqayku. Chayrayku ch'innejman kinsa p'unchay puriyta rinayku tiyan, chaypitaj uywa ñak'asqata q'olachispa, Tata Diosman jaywamusqayku. Manachus Tata Diosman jaywaykuman chayqa, ichapis pay onqoywan, chayrí espadawan wañuchiwaykuman, nispa.

Éxodo 7:15

Faraonqa q'aya tutamanta Nilo mayuman renqa, qantaj paywan tinkukoj rinki. Chantá, katariman tukorqa, chay varayki aparisqa qan mayu kantupi faraonta suyaykunki.

Éxodo 8:1

1 (7.26) Chantá Tata Dios Moisesta nerqa: Faraonman rispa, nimuy: Tata Dios ajinata nisunki: Aylluyta kachariy, ch'innejman rispa, yupaychamunawankupaj.

Éxodo 8:21

21 (17) Manachus kacharinki chayqa, noqa qanman, yanapajniykikunaman, runaykikunaman, wasiykiman ima tukuy imaymana ch'uspita kachaykamusaj. Ch'uspeqa tukuy Egipto llajtayojkunaj wasinkuman junt'aykuspa, pampannintinpi kanqa.

Éxodo 9:13

Chaymanta Tata Dios Moisesta nillarqataj: Q'aya paqarin tutamanta jatarispa, faraonta nimuy: Israelitakunaj Tata Diosnin nisunki: Kachariy israelitakunata, ch'innejman rispa yupaychamunawankupaj.