Éxodo 8:14 - DIOSPA QHELQACHISQ

¹⁴ 14 (10) Egipto llajtayojkunaqa wañusqa k'aylankulakunata qotu qotuta tantarqanku. Wañusqa k'aylankulaj asnasqantaj tukuynejpi karqa.

Qheshwa Biblia DC

¹⁴ Runasqa k'aylankula wañusqasta tantarqanku qotu qotuta. Chantaqa tukuynejpi millayta phututirerqa.

DIOSPA QHELQACHISQAN DEUTEROCANONICAL

¹⁴ 14 (10) Egipto llajtayojkunaqa wañusqa k'aylankulakunata qotu qotuta tantarqanku. Wañusqa k'aylankulaj asnasqantaj tukuynejpi karqa.

Éxodo 8:14 ပူးပေါင်းရင်းမြစ်များ

1 Reyes 18:26

Paykunaqa ujnin torota jap'iytawan, ñak'arqanku. Chantá chawpi p'unchaykama Baalmanta mañakorqanku: Baal, uyariwayku, nispa. Manataj ima parlayllapis uyarikorqachu, nitaj kutichejpis karqachu. Chaykama paykunaqa ruwasqanku altarpa muyuyninpi phinkiykachaspa tususharqanku.

1 Reyes 18:29

Chawpi p'unchaypis pasarqaña, paykunatajrí yuyay chinkasqa jina phinkiykachaspa aswan jatunmanta qhaparishallarqankupuni q'olachina phani chayamunankama. Chaywanpis mana ima parlayllapis uyarikorqachu, nitaj pipis kutichej nitaj uyarejpis karqachu.

Éxodo 7:21

Nilo mayupi tukuy challwakunapis wañurarqanku. Mayu millayta asnasqanraykutaj, Egipto llajtayojkuna mana yakuta ujyayta aterqankuchu. Tukuy Egipto suyupi yakoqa yawarlla karqa.

Éxodo 8:13

13 (9) Tata Diostaj Moisespa mañakusqanman jina ruwarqa. K'aylankulakuna wasikunapi, patiokunapi, jinataj tukuynejpi wañurarqanku.

Éxodo 8:15

15 (11) Jinapis, Tata Diospa nisqanman jina, faraón manaña imapis kasqanta rikuspa, sonqonta astawan rumiyacherqa. Chayraykutaj Moisesta, Aarontawan ima mana kasorqachu.

Éxodo 8:24

24 (20) Ajinata Tata Dios ruwarqa. Tukuy imaymana ch'uspi laqhayarishaj phuyu jina aywirimuspa, faraonpa kamachinan wasiman, yanapajninkunaj wasinkuman, chantá tukuy Egipto suyuman junt'aykorqanku. Chay ch'uspikunataj Egipto suyuta sonqo nanayman tukucherqanku.

Éxodo 9:11

Layqakunapis Moisespa ñawpaqenman mana riyta aterqankuchu, imaraykuchus paykunapis, jinallataj tukuy Egipto llajtayojkunapis llejtiwan onqosqa karqanku.

Isaías 19:11

Cheqapuni Soán jap'iypi kamachejkuna ancha wampu kanku. Faraonpa aswan sumaj yuyaychajninkunapis wampu yuyaychajkunallataj kanku. Ajina kashaspapis, imaynatataj faraonta ninkichej: Noqaykoqa yachayniyojkunaj churinku kayku, ñawpa kamachejkunaj churinku, nispari?

Isaías 34:2

Tata Dios manchay phiñasqa kashan tukuy suyupaj, jinataj tukuy soldadonkupaj ima. Chaykunata chinkarparichenqa, wañurachisqa kanankupajtaj paykunata jaywaykonqa.

Ezequiel 39:11

Chay p'unchaypi Gogman uj aya p'ampanata Israelpi qosaj, chaypi p'ampasqa kananpaj, Purejkunaj Vallen nisqapi, mayqenchus Wañusqa Qochaj chimpanpi kashan, chaypi. Chaytaj chayninta purejkunata jark'anqa, imaraykuchus chaypi Gogta chantá tukuy soldadontawan p'ampanqanku. Chay cheqatataj Gamón Gogpa Vallen, nispa sutichanqanku.

Joel 2:20

Jinallataj wichaynejmanta jamoj phinki phinki khurukunata qankunamanta karunchachisaj, paykunatataj ch'innejman wijch'usaj. Ñawpajpi kajkunata Wañusqa Qochapi jeq'eqachisaj, qhepapi kajkunatataj mama qochapi p'ultiykuchisaj. Wañusqa phinki phinkikunaqa asnaykonqanku, imaraykuchus noqa Tata Diosqa t'ukuna imakunata ruwasaj, nispa.