Éxodo 8:10 - DIOSPA QHELQACHISQ

¹⁰ 10 (6) Faraontaj nerqa: Q'ayapacha, nispa. Chantá Moisés nerqa: Ajina kanqa, yachanaykipaj Tata Dios jinaqa mana pipis kasqanta.

Qheshwa Biblia DC

¹⁰ Faraonqa nerqa q'ayapacha, nispa. Moisestaj nerqa: Qampa munasqaykiman jina mañasaj, ajinamanta qan rejsinaykipaj, Señor Diosniyku jinaqa mana pipis kasqanta.

DIOSPA QHELQACHISQAN DEUTEROCANONICAL

¹⁰ 10 (6) Faraontaj nerqa: Q'ayapacha, nispa. Chantá Moisés nerqa: Ajina kanqa, yachanaykipaj Tata Dios jinaqa mana pipis kasqanta.

Éxodo 8:10 ပူးပေါင်းရင်းမြစ်များ

2 Samuel 7:22

Chayraykumin jatunchasqa kanki, Tukuyta Kamachej Tata Diosníy. Mana pipis qan jinaqa kanchu, manataj qanmanta jawaqa waj dios kanchu, noqayku uyarisqaykuman jinaqa.

1 Crónicas 17:20

Tata Dios, uyarisqaykuman jinaqa, mana pipis qan jina kanchu, manataj qanmanta jawaqa waj dios kanchu.

Salmos 83:18

18 (19) Chantá tukuyninku qanlla Tata Dios kasqaykita yachanqanku, kay pachapi qanllamin Patapi Kaj Dios kasqaykita ima.

Salmos 86:8

Tukuyta Kamachej Diosníy, qan jina diosqa mana waj kanchu, ruwasqaykita jinaqa mana pipis ruwanmanchu.

Salmos 9:16

16 (17) Tata Diosqa cheqan justiciata ruwaj kasqanwan rejsichikun. Millayta ruwaspa purejkunarí ruwasqallankupitaj urmanku.

Éxodo 15:11

Tata Diosníy, ni mayqen dios qan jina kanchu. Mana pipis qan jina llimphu llimphu, ni atiyniyojpis kanchu. Qanqa musphanapaj jina t'ukunata ruwanki.

Éxodo 8:9

9 (5) Moisestaj kuticherqa: Niway: Qanrayku, tukuy yanapajniykikunarayku, chantá tukuy runaykikunarayku ima, mayk'ajtaj Tata Diosmanta mañapusunayta munawajri? Ajinata k'aylankulakunaqa qanmanta, wasiykimantapis karunchasqa kanqanku, mayullapiñataj qhepakonqanku, nispa.

Éxodo 9:14

Manachus kacharinki chayqa, kunan sinch'i ñak'ariyta tukuy Egiptoman kachaykamusaj qanpa contraykita, yanapajniykikunaj, chantá runaykikunaj contrankuta ima. Ajinamanta yachanki tukuy kay pachapi noqa jina mana waj dios kasqanta.

Éxodo 9:29

Moisestaj nerqa: Kay llajtamanta llojsiytawanpacha, makiyta oqharispa, Tata Diosmanta mañakusaj. Chantá illapakuna ch'inyanqa, chijchi parapis thañenqa. Ajina kanqa kay pacha Tata Diospata kasqanta yachanaykipaj.

Proverbios 27:1

Ama q'aya p'unchaymanta jatunta yuyaychu, imaraykuchus mana yachankichu q'aya imachus kanantaqa.

Isaías 40:18

Tata Diosta imawantaj rijch'anachisunmanri? Chayrí imaynatataj lantita payman rijch'akojta ruwasunmanri?

Isaías 40:25

May Llimphu Kaj Dios tapurin: Piwantaj rijch'anachiwankichejmanri? Pitaj noqa jina kanmanri? nispa.

Isaías 46:9

Yuyarikuychej ari ñawpamantapacha imachus kasqanta. Noqalla Dios kani. Noqamanta jawaqa mana waj dios kanchu, nillataj ujllapis noqaman rijch'akojqa kanchu.

Deuteronomio 3:24

Tukuyta Kamachej Tata Diosníy, kamachiyki kani, qantaj may jatun kayniykita, jinataj may jina atiyniyoj kasqaykitawan rikuchiwayta qallarerqanki. Mana janaj pachapi, nitaj kay pachapipis qan jina waj dios kanchu, chay jina t'ukunata ruwajqa.

Deuteronomio 32:31

Wajkunaj jark'akojninku chhankaqa mana jark'akuwajninchej chhanka jinachu. Chayta awqanchejkunapis allinta yachanku.

Deuteronomio 33:26

Jesurunpa Diosnin jinaqa mana pipis kanchu. Payqa Israel ayllunta yanapananpaj janajpi phuyu chawpipi may jina atiyninwan purin.

Deuteronomio 4:35

Tata Dios chaykunata rikuchisorqachej, paylla cheqapuni Dios kasqanta yachanaykichejpaj, paymanta jawataj waj dios manapuni kasqanta.

Deuteronomio 4:39

Chayrayku kunanqa yachaychej, sonqoykichejpitaj unanchaychej, janaj pachapi, kay pachapipis Tata Dioslla Dios kasqanta. Paymanta jawaqa mana waj diosqa kanchu.

Santiago 4:14

Jinapis qankuna q'aya imachus kananta mana yachankichejchu. Imataj kawsayniykichejri? Kawsayniykichejqa phuyu jinalla. Phuyoqa askamalla rikhurin, chantá chinkapunpacha.