Éxodo 7:5 - DIOSPA QHELQACHISQ

⁵ Egipto llajtayojkunaj contrankuta atiyniyta rikuchispa, israelitakunata chaymanta orqhosaj. Chaypachataj Egipto llajtayojkuna yachanqanku noqamin Tata Dios kasqayta, nispa.

Qheshwa Biblia DC

⁵ Chaymantaraj Egiptopi atiyniyta rikuchejtiy, egipciosqa yachanqanku noqa Señorqa kasqayta, paykunaj chaupinkumanta israelitasta orqhomusqaymanta.

DIOSPA QHELQACHISQAN DEUTEROCANONICAL

⁵ Egipto llajtayojkunaj contrankuta atiyniyta rikuchispa, israelitakunata chaymanta orqhosaj. Chaypachataj Egipto llajtayojkuna yachanqanku noqamin Tata Dios kasqayta, nispa.

Éxodo 7:5 ပူးပေါင်းရင်းမြစ်များ

Salmos 138:7

Llakiypi rikhurejtiy, qan mosoj kallpata qowanki, jinallataj atiyniykiwan awqaykunaj phiñakuyninkumanta kacharichiwanki.

Salmos 9:16

16 (17) Tata Diosqa cheqan justiciata ruwaj kasqanwan rejsichikun. Millayta ruwaspa purejkunarí ruwasqallankupitaj urmanku.

Éxodo 10:2

Noqa Egiptopi imatachus ruwasqayta, paykuna ukhupi t'ukunakunata ruwasqaytapis, wawaykikunaman, allchhiykikunaman ima willanaykipaj ruwarqani. Ajinata ruwasqayrayku, qankuna yachankichej noqamin Tata Dios kasqayta, nispa.

Éxodo 10:7

Chantá faraonta yuyaychajkuna nerqanku: Mayk'ajkamataj kay runa umanchejta nanachiwasunri? Chay runakunata kacharipuy, ch'innejman rispa Tata Diosninkuta yupaychamunankupaj. Manachu yachanki Egiptoqa kay jina sonqo nanay phirisqaña kashasqanta? nispa.

Éxodo 14:18

Maypachachus noqa faraonta, soldadonkunata, carretapi, caballopi ima purej soldadokunata atipaspa, atiyniyoj kasqayta rikuchisaj chaypachaqa, puchoj Egipto llajtayojkunapis yachallanqankutaj noqamin Tata Dios kasqayta, nispa.

Éxodo 14:4

Noqataj ujtawan faraonpa sonqonta rumiyachisaj, qankunata qhatiykamunasuykichejpaj. Chaypacha faraonta, jinataj soldadonkunata chinkachispa, noqa may atiyniyoj kasqayta rikuchisaj. Ajinamanta Egipto llajtayojkuna yachanqanku noqa Tata Dios kasqayta, nispa. Chantá Moisés ajinata paykunaman willasqanrayku israelitakunaqa Diospa kamachisqanta kasorqanku.

Éxodo 18:8

Chantá Moisés suegronman willarqa Tata Dios israelitakunata munakusqanrayku imatachus ruwasqanta. Jinallataj willarqa imaynatachus faraonta, jinataj Egipto llajtayojkunatapis jasut'ispa ñak'arichisqanta, chantá ñanta jamushaspa imakunatachus israelitakuna muchusqankuta. Willallarqataj imaynatachus paykunata Tata Dios waqaychasqanta ima.

Éxodo 3:20

Chayrayku noqaqa sinch'i atiyniyoj kasqayta rikuchisaj. Tukuy imaymana t'ukunata ruwaspa, Egipto llajtayojkunata ñak'arichisaj. Chaymantaraj ripojta saqesonqachej.

Éxodo 6:1

Chantá Tata Dios Moisespa mañakusqanta uyarispa, nerqa: Faraonwan imatachus ruwasqayta kunan rikunki. Sinch'ita payta mat'iykojtiyraj, pay kacharisonqachej. Arí, pay kikin ripunaykichejta nisonqachej, nispa.

Éxodo 6:6

Chayrayku qan israelitakunata ninki: Diosqa kay jinata nisunkichej: Noqamin Tata Dios kani. Noqataj Egiptopi sinch'i ruwanamanta orqhosqaykichej, wata runa kasqaykichejmantapis pagota qospa kacharichisqaykichej. Ajinamanta jatun atiyniywan Egipto llajtayojkunata sinch'ita ñak'arichispa, kay suyumanta pusakapusqaykichej.

Éxodo 7:17

Chayrayku Tata Dios ajinata nisunki: Kunan qan yachanki noqa Tata Dios kasqayta, nispa. Noqataj, makiypi jap'ishani, chay varawan Nilo mayupi yakuta wajtasaj, chaypachataj yakoqa yawarman tukonqa.

Éxodo 8:10

10 (6) Faraontaj nerqa: Q'ayapacha, nispa. Chantá Moisés nerqa: Ajina kanqa, yachanaykipaj Tata Dios jinaqa mana pipis kasqanta.

Éxodo 8:19

19 (15) Chayrayku yatirikunaqa faraonta nerqanku: Kayqa Diospa ruwasqan, nispa. Faraontajrí, Tata Diospa nisqanman jina, astawan sonqonta rumiyacherqa, manataj Moisesta Aarontawan ima kasorqachu.

Éxodo 8:22

22 (18) Chaywanpis, Gosén cheqanejpi ch'uspi mana kanqachu, imaraykuchus chaynejpi israelitakuna tiyakushanku. Ajinata ruwasqayrayku, noqa Tata Dios kay suyupi kashasqayta yachanki.

Ezequiel 25:17

Paykunawanqa manchayta pagachikusaj, k'araj phiñakuyniywan paykunata jasut'ispa. Chay jinata ruwajtiy, paykuna yachanqanku noqa Tata Dios kasqayta, nispa.

Ezequiel 28:22

Tukuyta Kamachej Tata Dios kay jinata nisunki: Sidón llajta, contraykipi kashani. Qannejta noqa jatunchasqa kasaj. Maypachachus qanta jasut'ispa, juchamanta t'aqasqa may llimphu kasqayta rikuchisaj chaypacha, tukuy runakuna yachanqanku noqa Tata Dios kasqayta.

Ezequiel 32:15

Maypachachus Egipto suyuta ch'inman tukuchisaj, tukuy jallp'antataj mana runayojta nitaj imayojta saqesaj chaypacha, paykuna yachanqanku noqa Tata Dios kasqayta.

Ezequiel 36:23

Qankuna waj suyukunapi may jatun sutiyta ch'ichicharqankichej. Noqatajrí chay suyukunaj ñawpaqenkupi sutiy may jina llimphuchus kasqanta rikuchisaj. Ajinata ruwajtiy, chay suyukuna yachanqanku noqa Tata Dios kasqayta.

Ezequiel 39:22

Chay p'unchaymantapacha ñawpajmantaj Israel aylloqa yachanqanku noqa Tata Dios kasqayta.

Ezequiel 39:7

Ajinamanta noqaqa Israel aylluy ukhupi may llimphu sutiyta rejsichisaj, nitaj jayk'ajpis saqesajchu may llimphu sutiy ch'ichichasqa kananta. Chantá tukuy suyukuna yachanqanku noqa Tata Diosmin Israelpa Diosnin kasqayta.