Éxodo 7:4 - DIOSPA QHELQACHISQ

⁴ Chaywanpis faraón manapuni uyarisonqachejchu. Chayrayku noqaqa Egipto llajtayojkunata jatun atiyniywan sinch'ita ñak'arichisaj, chaymantataj aylluyta Egipto suyumanta soldadokunata jina orqhokapusaj.

Qheshwa Biblia DC

⁴ Faraonqa mana uyarisonqachejchu, noqataj atiyniyta rikuchisaj Egiptopi, soldadosniyta orqhokapusaj, aylluyta, Egipto jallp'amanta ashkha jasut'iykunata rikuchispa.

DIOSPA QHELQACHISQAN DEUTEROCANONICAL

⁴ Chaywanpis faraón manapuni uyarisonqachejchu. Chayrayku noqaqa Egipto llajtayojkunata jatun atiyniywan sinch'ita ñak'arichisaj, chaymantataj aylluyta Egipto suyumanta soldadokunata jina orqhokapusaj.

Éxodo 7:4 ပူးပေါင်းရင်းမြစ်များ

Éxodo 10:1

Chantá Tata Dios Moisesta nerqa: Riy faraonwan parlaj, imaraykuchus noqa paypa sonqonta, jinallataj yanapajninkunaj sonqonkutapis rumiyachini. Ajinata runaj mana jayk'aj rikusqan t'ukunata ruwasaj, atiyniyoj kasqayta rikuchinaypaj.

Éxodo 11:9

Ajina karqa, imajtinchus Tata Dios Moisesta nisqaña: Faraonqa manapuni kasusonqachejchu. Chayrayku Egipto suyupi t'ukunapaj jina astawanraj ruwasaj, nispa.

Éxodo 12:51

Chay kikin p'unchayllataj Tata Diosqa israelitakunata t'aqa t'aqapi t'aqasqata Egiptomanta orqhorqa.

Éxodo 13:3

Moisestaj israelitakunata nerqa: Kay p'unchaymanta yuyarikunkichej, imajtinchus kay p'unchayta Tata Diosqa Egiptopi wata runa kanamanta may jina atiyninwan orqhomusorqachej. Chayrayku kay p'unchaypi levadurawan ruwasqa t'antata ama mikhunkichejchu.

Éxodo 13:9

Sapa wata ruwankichej, chay raymeqa yuyarikunaykichejpaj kanqa, imaynachus makiykichejpi, manachayqa frenteykichejpi k'illpasqa señal jina, Tata Diospa kamachisqanmanta parlanaykichejta yuyarikunaykichejpaj. Chayrayku ninakunkichej: Tata Diosqa may jina atiyninwan Egiptomanta orqhomuwarqanchej.

Éxodo 18:8

Chantá Moisés suegronman willarqa Tata Dios israelitakunata munakusqanrayku imatachus ruwasqanta. Jinallataj willarqa imaynatachus faraonta, jinataj Egipto llajtayojkunatapis jasut'ispa ñak'arichisqanta, chantá ñanta jamushaspa imakunatachus israelitakuna muchusqankuta. Willallarqataj imaynatachus paykunata Tata Dios waqaychasqanta ima.

Éxodo 3:19

Chaywanpis noqa yachaniña Egiptopi kuraj kamachejqa mana rinaykichejta munananta. Manachayqa pay sinch'i mat'iykusqa kasparaj rejta saqesonqachej.

Éxodo 3:20

Chayrayku noqaqa sinch'i atiyniyoj kasqayta rikuchisaj. Tukuy imaymana t'ukunata ruwaspa, Egipto llajtayojkunata ñak'arichisaj. Chaymantaraj ripojta saqesonqachej.

Éxodo 6:1

Chantá Tata Dios Moisespa mañakusqanta uyarispa, nerqa: Faraonwan imatachus ruwasqayta kunan rikunki. Sinch'ita payta mat'iykojtiyraj, pay kacharisonqachej. Arí, pay kikin ripunaykichejta nisonqachej, nispa.

Éxodo 6:26

Ñawpajpi listasqa karqanku, chay Aaronta, Moisestawan ima Tata Dios kamacherqa israelitakunata soldadokunata jina Egiptomanta orqhomunankuta.

Éxodo 6:6

Chayrayku qan israelitakunata ninki: Diosqa kay jinata nisunkichej: Noqamin Tata Dios kani. Noqataj Egiptopi sinch'i ruwanamanta orqhosqaykichej, wata runa kasqaykichejmantapis pagota qospa kacharichisqaykichej. Ajinamanta jatun atiyniywan Egipto llajtayojkunata sinch'ita ñak'arichispa, kay suyumanta pusakapusqaykichej.

Éxodo 7:13

Chayta rikuspapis, faraón sonqonta astawan rumiyacherqa, Tata Dios nisqanman jinataj pay Moisesta, Aaronta ima mana kasuta ruwarqachu.

Éxodo 7:16

Chantá paywan tinkukuspa, ninki: Israelitakunaj Tata Diosnin kay jinata nisunaypaj kachamuwan: Aylluyta kacharipuy, ch'innejman rispa yupaychanawankupaj, nispa. Qantajrí kunankama mana kasukunkichu.

Éxodo 8:15

15 (11) Jinapis, Tata Diospa nisqanman jina, faraón manaña imapis kasqanta rikuspa, sonqonta astawan rumiyacherqa. Chayraykutaj Moisesta, Aarontawan ima mana kasorqachu.

Éxodo 8:19

19 (15) Chayrayku yatirikunaqa faraonta nerqanku: Kayqa Diospa ruwasqan, nispa. Faraontajrí, Tata Diospa nisqanman jina, astawan sonqonta rumiyacherqa, manataj Moisesta Aarontawan ima kasorqachu.

Éxodo 9:12

Chay tukuywanpis Moisesman Tata Dios nisqanman jina, faraón astawan sonqonta rumiyacherqa. Chayrayku Moisesta, Aarontawan ima mana kasuta ruwarqachu.

Éxodo 9:3

noqa manchay millay onqoywan tukuy uywaykikunata wañuchisaj: Caballokunata, burrokunata, camellokunata, wakakunata, ovejakunata ima, nispa.

Proverbios 19:29

Alqochakoj runapaj seq'ona wakichisqa kashan, wampukunaj wasankupajtaj sumaj jasut'ina kashan.

Isaías 26:9

Ch'isenqa tukuy sonqo qanllapi yuyani, sut'iyaytataj tukuy munakuyniywan mask'ayki. Qan kay pachapi justiciata ruwajtiyki, kay pachapi runakuna yachanqanku imachus cheqan justicia kasqanta.

Lamentaciones 3:3

Jinallataj tuta p'unchay noqata kutin kutinta makinwan jasut'iwarqa.

Ezequiel 14:21

Ajinaqa Tukuyta Kamachej Tata Dios nillantaj: Aswan llakiyraj kanqa, imaraykuchus noqa kay tawantin sinch'i jasut'iyta Jerusalenman apachimusaj: Maqanakuta, yarqhayta, phiña k'ita animalkunata, millay onqoykunata ima. Chantá chaykuna runakunata, uywakunata ima wañurachenqanku.

Ezequiel 25:11

Jinallataj Moabtapis jasut'illasajtaj, chaypachataj noqa Tata Dios kasqayta yachanqanku, nispa.

Ezequiel 30:14

Patros llajtatapis ch'inyachillasajtaj, Soán llajtaman ninata jap'iykuchisaj, Tebas llajtatataj jasut'isaj.

Ezequiel 30:19

Egiptota jasut'ejtiy, paykuna yachanqanku noqa Tata Dios kasqayta, nispa.

Apocalipsis 15:4

Tukuyta Kamachej Dios, pitaj mana qanta manchachikusunkimanchuri? Pitaj sutiykita mana jatunchanmanchuri? Qanllamin may llimphu kanki. Tukuy runakuna ñawpaqeykiman jamuspa yupaychasonqanku, imaraykuchus justiciata ruwasqaykeqa sut'inchasqaña, nispa.

Apocalipsis 16:7

Chantá noqa altarmanta ajinata nejta uyarillarqanitaj: Arí, Tukuyta Kamachej, Tukuy Atiyniyoj Dios, qanqa cheqan kasqaykiman jina, chantá cheqa kajman jina juzganki, nispa.

Apocalipsis 19:2

Diospa justicia ruwasqanqa cheqan, cheqataj. Chayrayku chay manchay uyarisqa phisu warmita juchacharqa, pichus khuchichakusqanwan kay pachata pierdecherqa, chayta. Diosqa kamachinkunata wañuchisqanmanta chay warmiwan pagachikorqa, nispa.

Jueces 2:15

Sapa kuti maqanakuman purirejtinku, Tata Diosqa contrankupi sayaykorqa. Chayrayku manapuni paykunata allinchu rerqa, Tata Dios ñawpajmantaña tiluspa nisqanman jina. Jinamanta Tata Diosqa israelitakunata sinch'i llakiyman churarqa.