Éxodo 7:3 - DIOSPA QHELQACHISQ

³ Noqatajrí faraonpa sonqonta rumiyachisaj, Egipto suyupitaj runaj mana jayk'aj rikusqan t'ukuna imakunata ruwasaj.

Qheshwa Biblia DC

³ Noqataj faraompa sonqonta rumiyachisaj, astawantaj ashkhayachisaj may t'ukunasta ruwayta, milagrostawan ruwayta Egipto jallp'api.

DIOSPA QHELQACHISQAN DEUTEROCANONICAL

³ Noqatajrí faraonpa sonqonta rumiyachisaj, Egipto suyupitaj runaj mana jayk'aj rikusqan t'ukuna imakunata ruwasaj.

Éxodo 7:3 ပူးပေါင်းရင်းမြစ်များ

Nehemías 9:10

Chayrayku faraonpa contranpi, kamachinkunaj contrankupi, jinataj chay jallp'api tukuy runajpa contrankupi ima runaj mana jayk'aj rikusqanta, may t'ukuna imakunata qan rikucherqanki, imaraykuchus rikorqanki imaynatachus israelitakunata llakichisqankuta. Jinamanta sutiyki may uyarisqa kashan kunankama.

Salmos 135:9

Payllataj runaj mana jayk'aj rikusqanta, may t'ukuna imakunata ima Egiptopi ruwarqa faraonpa contranta, chantá kamachinkunaj contrankuta ima.

Salmos 78:12

Diosqa ñawpa tatanchejkunaj rikunanta t'ukunata ruwarqa Egipto suyupi, Soán cheqapi.

Éxodo 11:10

Moiseswan, Aaronwan ima faraonpa rikunanta t'ukunapaj jina may chhika imakunata ruwarqanku. Tata Diostajrí faraonpa sonqonta rumiyacherqa, chayrayku israelitakuna Egiptomanta ripunankupaj mana kacharipuyta munarqachu.

Éxodo 11:9

Ajina karqa, imajtinchus Tata Dios Moisesta nisqaña: Faraonqa manapuni kasusonqachejchu. Chayrayku Egipto suyupi t'ukunapaj jina astawanraj ruwasaj, nispa.

Éxodo 14:4

Noqataj ujtawan faraonpa sonqonta rumiyachisaj, qankunata qhatiykamunasuykichejpaj. Chaypacha faraonta, jinataj soldadonkunata chinkachispa, noqa may atiyniyoj kasqayta rikuchisaj. Ajinamanta Egipto llajtayojkuna yachanqanku noqa Tata Dios kasqayta, nispa. Chantá Moisés ajinata paykunaman willasqanrayku israelitakunaqa Diospa kamachisqanta kasorqanku.

Éxodo 3:20

Chayrayku noqaqa sinch'i atiyniyoj kasqayta rikuchisaj. Tukuy imaymana t'ukunata ruwaspa, Egipto llajtayojkunata ñak'arichisaj. Chaymantaraj ripojta saqesonqachej.

Éxodo 4:21

Chaymanta Tata Diosqa Moisesta nillarqataj: Egiptoman kutispa, faraonpa ñawpaqenpi kamachisusqayman jina t'ukuna ruwanaykita ruwankipuni. Noqatajrí faraonpa sonqonta rumiyachisaj, paytaj israelitakunata mana kachariyta munanqachu.

Éxodo 4:29

Chaymantataj Moiseswan Aaronwan rispa, Egiptoman kuterqanku, chayaspataj, israelitakunaj tukuynin kurajninkukunata tantacherqanku.

Éxodo 4:7

Chaymanta Tata Dios nillarqataj: Ujtawan makiykita ojllayniykiman churaykuy, nispa. Moisestaj ujtawan makinta ojllayninman churaykorqa. Makinta orqhospataj, tukuy ukhun jina mana imanasqata rikorqa.

Éxodo 7:13

Chayta rikuspapis, faraón sonqonta astawan rumiyacherqa, Tata Dios nisqanman jinataj pay Moisesta, Aaronta ima mana kasuta ruwarqachu.

Éxodo 9:16

Noqarí kawsanaykita munaniraj, atiyniyoj kasqayta rikunaykipaj, ajinamanta qannejta tukuy kay pachantinpi uyarisqa kanaypaj.

Proverbios 21:1

Kuraj kamachejpa imatachus yuyasqanqa Tata Diospa makinpi mayu jina, Tata Diostaj maynintachus munasqanman jina pusan.

Isaías 51:9

Rijch'ariy, Tata Dios, rijch'ariy, atiyniykiwan kacharichiwayku, imaynatachus unay ruwaj kanki, ajinata. Imaynatachus ñawpa tataykukunaj tiemponpi ruwarqanki, ajinata ruway. Qanqa Rajabta chhikan chhikanta t'isarparerqanki, mama qochapi tiyaj sierpetataj t'unarparerqanki.

Miqueas 7:15

May t'ukuna imakunata paykunaman rikuchiy, imaynatachus Egiptomanta paykunata orqhomushaspa rikucherqanki, ajinata.

San Juan 4:48

Chantá Jesús payta nerqa: Manachus runaj mana jayk'aj rikusqanta, chantá t'ukuna imakunata ima ruwajta rikuwankichej chayqa, qankuna noqapi mana atinikunkichejchu, nispa.

Hechos 2:22

Israelitakuna, kay nisqayta uyariwaychej: Diosqa qankunaman sut'ita rejsicherqa Nazaret llajtayoj Jesuspuni paypa kachamusqan kasqanta, qankuna ukhupi paynejta t'ukuna imakunata, runaj mana jayk'aj rikusqanta ima ruwaspa. Chayta allinta yachankichej, imaraykuchus qankuna ukhupipuni chay karqa.

Hechos 7:36

Moisés israelitakunata kacharichispa, may t'ukuna imakunata, runaj mana jayk'aj rikusqanta ima Egiptopi ruwarqa. Chantá Puka Mama Qochanejta, ch'innejta ima tawa chunka wata junt'ata pusarqa.

Romanos 15:19

Jinallataj Santo Espíritoj atiyninwan runaj mana jayk'aj rikusqanta, chantá t'ukuna imakunata ima ruwarqani. Ajinamanta Cristomanta sumaj willayta Jerusalenmantapacha Ilíricoj muyuyninkama junt'acherqani.

Romanos 9:18

Ajinamanta yachanchej Diosqa pimantachus khuyakuyta munan, chaymanta khuyakusqanta. Jinallataj pejpa sonqontachá rumiyachiyta munan, chaypa sonqonta rumiyachin.

Deuteronomio 4:34

Uj diosllapis kanchu, uj suyuta tukuy suyoj chawpinkumanta ajllakoj, imaynatachus Tata Dios Egiptopi qankunawan ruwarqa, ajinata ruwajqa? Tata Diosmin ñawpaqeykichejpi tukuy imaymana t'ukunata ruwaspa, maqanakuspa, may jina atiyniyoj kasqanta rikuchispa, t'ukuspa mancharinapaj jina imakunata ruwarqa.

Deuteronomio 7:19

Yuyarikuychej Tata Diosniykichejqa runaj mana jayk'aj rikusqan t'ukuna imakunata ruwaspa, jinataj may jina atiyninwan Egiptomanta orqhomususqaykichejta. Chaykunata qankuna rikorqankichej. Ajinallatataj Tata Diosqa, qankuna manchachikushankichej, chay tukuy suyuwan ruwanqa.