Éxodo 7:19 - DIOSPA QHELQACHISQ

¹⁹ Chantá Tata Dios Moisesta nillarqataj: Niy Aaronta, yaku yawarman tukunanpaj varanta jap'ispa oqharinanta mayukunaman, wayq'okunaman, qochakunaman, yaku jallch'anaman, jinataj tukuy imapichari yaku tiyan, chaynejman. Ajinata ruwajtintaj, tukuy Egiptopi yakoqa yawarman tukonqa, k'ullumanta chayrí rumimanta yaku jallch'anapi kachunpis, nispa.

Qheshwa Biblia DC

¹⁹ Chanta Señorqa Moisesman nillarqataj: Niy Aaronman, tojnunwan Egipto mayu yakusta wajtaramuchun, wayq'ospi, tapisnimpi qochasta, yaku jallch'anasninkuta, maypichá yakus kashan chayta yawarman tukunankupaj. Ajinamanta tukuynin Egiptopi yawar kanqa k'ullu bateasninkupi; jinallataj rumi bateasninkupipis.

DIOSPA QHELQACHISQAN DEUTEROCANONICAL

¹⁹ Chantá Tata Dios Moisesta nillarqataj: Niy Aaronta, yaku yawarman tukunanpaj varanta jap'ispa oqharinanta mayukunaman, wayq'okunaman, qochakunaman, yaku jallch'anaman, jinataj tukuy imapichari yaku tiyan, chaynejman. Ajinata ruwajtintaj, tukuy Egiptopi yakoqa yawarman tukonqa, k'ullumanta chayrí rumimanta yaku jallch'anapi kachunpis, nispa.

Éxodo 7:19 ပူးပေါင်းရင်းမြစ်များ

Génesis 1:10

Chantá Diosqa ch'aki kajta suticharqa: “Jallp'a”, nispa. Yaku uj cheqallapi tantakojtataj suticharqa: “Mama qocha”, nispa. Chayta Diosqa sumaj kasqanta qhawarqa.

2 Reyes 4:29

Chaymanta Eliseoqa kamachin Guejazita nerqa: Oqharikuy, varayta apariykukuspataj riy. Piwanpis ñanpi tinkuspaqa, ama napaykunkichu. Pi napaykusojtinkupis, ama uyarinkichu. Chayaspataj, kay varayta wawaj uyanman churaykunki, nispa.

Éxodo 10:12

Chantá Tata Dios Moisesta nerqa: Egipto suyunejman makiykita oqhariy. Jinataj phinki phinkikuna rikhurimuspa, chijchi paramanta puchojta, jinataj pampapi tukuy q'omer kajta tukunankukama mikhonqanku, nispa.

Éxodo 10:21

Chantá Tata Dios Moisesta nillarqataj: Janajman makiykita oqhariy, tukuy Egiptopi manchay tuti laqha kananpaj, nispa.

Éxodo 14:16

Qantajrí varaykita oqharispa, makiykita mama qochanejman aysariy. Jinata ruwajtiykitaj, mama qocha iskayman t'aqakonqa, israelitakuna chayninta ch'aki pampata jina chimpanankupaj.

Éxodo 14:21

Chantá Moisés mama qochanejman makinta oqharerqa. Tata Diostaj tukuy chay tuta inti llojsimuynejmanta sinch'ita wayrachimuspa, mama qochapi yakuta iskayman khallarparerqa. Ajinapi qochaqa iskayman t'aqasqa rikhurerqa, pampantaj ch'akiman tukorqa.

Éxodo 14:26

Chantá Tata Dios Moisesta nerqa: Makiykita mama qochanejman watejmanta oqhariy, yaku ujllata kutiykuspa, Egiptomanta soldadokunata, carretankukunata, tukuy caballonkukunata ima p'ampaykunanpaj, nispa.

Éxodo 4:9

Sichus chay iskay señalkunata rikuspa, mana nisqaykita jap'ikonqankuchu, nitaj uyarisonqankuchu chayqa, yakuta mayumanta oqharimuspa, jallp'aman jich'anki. Jallp'aman jich'asqayki yakutaj yawarman tukonqa, nispa.

Éxodo 8:16

16 (12) Tata Dios ujtawan Moisesta nerqa: Aaronta niy, varanta oqharispa, jallp'ata wajtananta. Varanwan wajtajtinkamataj, jallp'a usaman tukuspa, tukuynin Egiptoman junt'aykonqa, nispa.

Éxodo 9:33

Moisesqa faraonpa qayllanmanta llojsispa, llajtamanta jawaman rerqa. Chantá makinta oqharispa, Tata Diosmanta mañakorqa. Jinataj chaypacha illapakuna, chijchi parawan ima thañiporqanku. Jinamanta illapakuna manaña karqachu.

Isaías 19:10

Telata awajkuna umphu qhepakonqanku, tukuy phushkajkunataj musphanqanku.

Isaías 5:25

Chayrayku Tata Diospa phiñakuynenqa ayllunpa contranta k'ajarin, makintataj jasut'inanpaj oqharin. Orqokunapis kharkatitinku, wañusqakunapis callepi q'opa jina wijch'urayashanku. Chay tukuywanpis Tata Diospa k'araj phiñakuynin manaraj thasnukunchu. Payqa jasut'inanpaj makin oqharisqallapuni kashan.

Habacuc 3:8

Tata Diosníy, mayukunaj contranpichu phiñakunki? Mama qochaj contranpichu lawrarishajta phiñakushanki? Chayraykuchu caballoykikunaman lloq'aykunki, maqanakupi atipaj carretaykikunamanpis?