Éxodo 7:17 - DIOSPA QHELQACHISQ

¹⁷ Chayrayku Tata Dios ajinata nisunki: Kunan qan yachanki noqa Tata Dios kasqayta, nispa. Noqataj, makiypi jap'ishani, chay varawan Nilo mayupi yakuta wajtasaj, chaypachataj yakoqa yawarman tukonqa.

Qheshwa Biblia DC

¹⁷ Chayrayku Señorqa nimusunki: Kaypi yachawanki noqa Señor kasqayta: Kay tojnuywan kay mayupi kashaj yakuta wajtasaj, yakutaj yawarman tukonqa.

DIOSPA QHELQACHISQAN DEUTEROCANONICAL

¹⁷ Chayrayku Tata Dios ajinata nisunki: Kunan qan yachanki noqa Tata Dios kasqayta, nispa. Noqataj, makiypi jap'ishani, chay varawan Nilo mayupi yakuta wajtasaj, chaypachataj yakoqa yawarman tukonqa.

Éxodo 7:17 ပူးပေါင်းရင်းမြစ်များ

1 Reyes 20:28

Chaypacha Diosmanta sut'inchajqa Israelpa kuraj kamachejninta nerqa: Tata Dios ajinata nin: Siriamanta kajkunaqa ninku: Tata Diosqa orqo cheqanejmanta Dioslla, manataj pampamanta Dioschu, nispa. Chayrayku kunanqa yanapasqayki atipanaykipaj chay chhika soldadokunata. Ajinapi yachanki noqa Tata Dios kasqayta, nispa.

2 Reyes 19:19

Tata Diosniyku, mañarikuyku makinkumanta kacharichinawaykuta, tukuy suyoj qanlla Tata Dios kasqaykita yachanankupaj, nispa.

Salmos 105:29

Diosqa mayukunapi yakuta yawarman tukucherqa, challwakunatataj wañuracherqa.

Salmos 78:44

Payqa Egiptopi mayukunata yawarman tukucherqa, chaypi tiyakojkunataj chay yakuta mana ujyayta aterqankuchu.

Salmos 83:18

18 (19) Chantá tukuyninku qanlla Tata Dios kasqaykita yachanqanku, kay pachapi qanllamin Patapi Kaj Dios kasqaykita ima.

Salmos 9:16

16 (17) Tata Diosqa cheqan justiciata ruwaj kasqanwan rejsichikun. Millayta ruwaspa purejkunarí ruwasqallankupitaj urmanku.

Éxodo 1:22

Faraontajrí tukuy Egipto llajtayojkunata kamacherqa: Israelitakunaj qhari wawanku paqarejkunamanta tukuyninkuta Nilo mayuman wijch'uychej. Warmi wawakunatatajrí ama imanaychejchu, nispa.

Éxodo 10:2

Noqa Egiptopi imatachus ruwasqayta, paykuna ukhupi t'ukunakunata ruwasqaytapis, wawaykikunaman, allchhiykikunaman ima willanaykipaj ruwarqani. Ajinata ruwasqayrayku, qankuna yachankichej noqamin Tata Dios kasqayta, nispa.

Éxodo 4:9

Sichus chay iskay señalkunata rikuspa, mana nisqaykita jap'ikonqankuchu, nitaj uyarisonqankuchu chayqa, yakuta mayumanta oqharimuspa, jallp'aman jich'anki. Jallp'aman jich'asqayki yakutaj yawarman tukonqa, nispa.

Éxodo 5:2

Faraontajrí kuticherqa: Pitaj chay Tata Dios kasqa, noqa payta kasuspa, israelitakunata kacharinaypajri? Noqaqa chay Tata Diosta mana rejsinichu, nitaj israelitakunata kacharisajchu, nispa.

Éxodo 6:7

Noqa qankunata aylluypaj jap'ikapusqaykichej, noqataj Diosniykichej kasaj. Ajinamanta yachankichej noqa Tata Diosniykichej Egiptopi wata runa kanaykichejmanta kacharichisqayta.

Éxodo 7:20

Moiseswan, Aaronwan ima Tata Diospa kamachisqanman jina, kikinta ruwarqanku. Aaronqa faraón rikushajtin, Nilo mayupi yakuta varanwan wajtarqa, jinataj mayupi tukuy yakoqa yawarman tukorqa.

Éxodo 7:5

Egipto llajtayojkunaj contrankuta atiyniyta rikuchispa, israelitakunata chaymanta orqhosaj. Chaypachataj Egipto llajtayojkuna yachanqanku noqamin Tata Dios kasqayta, nispa.

Ezequiel 25:17

Paykunawanqa manchayta pagachikusaj, k'araj phiñakuyniywan paykunata jasut'ispa. Chay jinata ruwajtiy, paykuna yachanqanku noqa Tata Dios kasqayta, nispa.

Ezequiel 29:9

Egipto suyoqa ch'inyachisqa kanqa, ch'inman tukuchisqataj. Chaywan paykuna yachanqanku noqa Tata Dios kasqayta. Ajinata ruwasqayki, imaraykuchus qan nisqanki: Nilo mayoqa noqajta, noqa ruwarqani, nispa.

Ezequiel 30:19

Egiptota jasut'ejtiy, paykuna yachanqanku noqa Tata Dios kasqayta, nispa.

Ezequiel 30:8

Maypachachus noqa Egiptoman ninata kachaykusaj, tukuy yanapajninkunatataj t'unaykusaj chaypacha, paykuna yachanqanku noqa Tata Dios kasqayta.

Ezequiel 32:15

Maypachachus Egipto suyuta ch'inman tukuchisaj, tukuy jallp'antataj mana runayojta nitaj imayojta saqesaj chaypacha, paykuna yachanqanku noqa Tata Dios kasqayta.

Ezequiel 32:6

Yawarniykiwan jallp'ata ch'aranchasaj, orqokunaman chayanankama, wayq'okunataj yawarniykiwan junt'a kanqanku.

Ezequiel 38:23

Ajinata ruwaspa, jatun kayniyta, chantá may llimphu Dios kasqayta sut'inchasaj. Jinataj kay pachamanta tukuy runaman rejsichikusaj. Chaypachataj tukuyninku yachanqanku noqa Tata Dios kasqayta, nispa.

Ezequiel 39:28

Pikunatachus waj suyukunaman apacherqani, chaykunata watej suyunkupi tantaykusaj, ni mayqenninkutapis saqerparispa. Chaypacha noqa Tata Dios kasqayta yachanqanku.

Daniel (hebreo) 4:17

17 (14) Diospa angelninkuna ajina kananta kamachinku, tukuy runakuna yachanankupaj janaj pachapi kaj Tata Dios tukuy suyukunata kamachinanpaj atiyniyoj kasqanta. Yachallachunkutaj paymin kamachina atiyta qosqanta, pimanchus qoyta munasqanman, jinallataj uj suyupi kuraj kaj kananpaj churasqanta aswan pisipaj qhawasqa runata, nispa.

Daniel (hebreo) 4:32

32 (29) Aswanpis qan runakuna chawpimanta qharqosqa kanki, k'ita animalkunawantaj kawsanki. Buey jina qhorata mikhunki, qanchis wata junt'atataj ajina kanki ninaykikama: Janaj pachapi kaj Diosllamin atiyniyoj kay pachapi tukuy suyukunaj patankupi kamachinanpaj, payllataj munasqanman jina kamachejkunata churan, nispa.

Daniel (hebreo) 4:37

37 (34) Chayrayku noqa Nabucodonosorqa janaj pachapi Kuraj Kamachej Diosta yupaychani. Sutinta pataman oqharini, jatunchanitaj, imaraykuchus tukuy ruwasqanqa cheqapuni, cheqantaj. Chantá pay jatunchakojkunatapis k'umuykuchiyta atillantaj.

Daniel (hebreo) 5:21

Runakuna chawpimanta qharqosqa karqa. Yuyayninpis uywaj yuyayninman jina tukorqa, k'ita burrokunawan khuskataj kawsarqa. Buey jina qhorata mikhorqa, chhullataj payta joq'orqa. Ajina karqa rimarinankama: Patapi Kaj Diosllamin tukuy atiyniyoj tukuy suyukunata kamachinanpaj. Jinallataj payllamin pitachus munasqanta churan runakunata kamachinanpaj, nispa.

Daniel (hebreo) 5:23

Aswanqa janaj pachapi kaj Tukuyta Kamachej Diospa contranpi oqharikorqanki, kamacherqankitaj Templonmanta apamusqa vasokunata orqhomunankuta. Chantá chay vasokunapi warmiykikunawan, chantá waj warmiykikunawan, jinataj pikunatachus raymiman wajyarakorqanki, chaykunawan khuska vinota ujyarqankichej. Chay jawataj waj dioskunata, qorimanta, qolqe metalmanta, broncemanta, fierromanta, k'ullumanta, rumimanta ruwasqa dioskunata yupaycharqanki. Chay dioskunaqa mana rikunkuchu, manataj uyarinkuchu, nitaj imatapis yachankuchu. Diostatajrí mana jayk'ajpis yupaycharqankichu, pejpa makinpichus kawsayniyki, tukuy ruwasqayki ima kashan, chay Diosta.

Apocalipsis 11:6

Jinallataj chay testigokuna mana parachimunankupaj atiyniyoj kanku, paykuna sut'inchayta tukunankukama. Paykuna atiyniyojllataj kanku yakuta yawarman tukuchinankupaj, kay pachapi kajkunatapis mashkha kutitachá munasqankuta tukuy imaymana onqoywan ñak'arichinankupaj ima.

Apocalipsis 8:8

Maypachachus iskay kaj ángel trompetata waqacherqa chaypacha, uj jatun orqo jina lawrashaj mama qochaman urmaykamorqa. Chayraykutaj mama qocha kinsaman t'aqasqamanta ujnin kaj t'aqa yawarman tukorqa.