Éxodo 6:4 - DIOSPA QHELQACHISQ

⁴ Chantapis, paykunawan uj tratota ruwarqani, Canaán suyuta qonaypaj. Paykunarí chay suyupi waj llajtayoj jina tiyakorqanku.

Qheshwa Biblia DC

⁴ Chantapis paykunawan uj tratota ruwarqani, Canaán jallp'ata qonaypaj. Chay jallp'api paykunaqa karu llajtayoj jinalla karikorqanku pisi p'unchaykunata.

DIOSPA QHELQACHISQAN DEUTEROCANONICAL

⁴ Chantapis, paykunawan uj tratota ruwarqani, Canaán suyuta qonaypaj. Paykunarí chay suyupi waj llajtayoj jina tiyakorqanku.

Éxodo 6:4 ပူးပေါင်းရင်းမြစ်များ

Génesis 12:7

Chantá Tata Diosqa chaypi Abramman rikhurispa, nerqa: Kay jallp'atamin mirayniykiman qosaj, nispa. Abramtaj chaypi Tata Diospaj uj altarta ruwaporqa, chaynejpi Tata Dios payman rikhurisqanrayku.

Génesis 15:13

Chantá Tata Dios payta nerqa: Kunan ujta nisqayki: Mirayniykeqa runaj llajtanpi tiyakonqanku, chaypitaj wata runa jina tawa pachaj watata sinch'ita ñak'arenqanku.

Génesis 15:18

Chay p'unchay Tata Diosqa Abramwan kay tratota ruwarqa: Noqa kay jallp'ata mirayniykiman qosaj Egipto mayumantapacha Éufrates jatun mayukama.

Génesis 17:13

Wasiykichejpi paqarejkuna, rantisqaykichej wata runaj qhari wawanpis tukuypuni circuncidasqa kanqanku. Ajinata wiñaypaj trato ruwasqayqa ukhuykichejpi señalasqa kanqa.

Génesis 17:4

Qanwan trato ruwasqayqa ajina kanqa: Qanmanta ashkha suyukuna rikhurenqanku.

Génesis 23:4

Noqaqa qankuna ukhupi karu llajtayoj kani. Ama jina kaspa, warmiypa ayanta p'ampakapunaypaj jallp'ata venderiwaychej ari, nispa.

Génesis 26:3

Kunanraykoqa kay llajtallapiraj tiyakushay. Noqa qanwan kasaj, yanapasqaykitaj. Aswan qhepanejmantaj qanman, chantá mirayniykiman ima kay tukuy jallp'ata qosqaykichej. Ajinata ruwaspa, noqa tatayki Abrahamman imatachus nisqayta junt'asaj.

Génesis 26:4

Janajpi ch'askakunata jinapuni aylluykita mirachisaj, jinaspataj, paykunaman kay jallp'ata qosaj. Chantá kay pachapi tukuy suyupi tiyakojkunapis mirayniykinejta saminchasqallataj kanqanku.

Génesis 28:13

Jinallataj Jacob rikorqa paypa ñawpaqenpi Tata Dios sayaspa, nishajta: Noqa Tata Dios kani, jatun tatayki Abrahampata chantá tatayki Isaacpatawan Diosnin. Maypichus puñushanki, chay jallp'ata qanman qosqayki, jinallataj mirayniykimanpis.

Génesis 28:4

Tata Dios Abrahamta saminchasqanta qanman, chantá mirayniykiman ima qosuchun. Ajinamanta maypichus waj llajtayoj jina tiyakushanchej, kay jallp'amanta dueño kanki, mayqentachus Dios Abrahamman qonanta nerqa, chaymanta nispa.

Génesis 6:18

Qanwantajrí uj tratota ruwasaj. Barcomanqa qan, warmiyki, jinallataj churiykikuna, chantá ñojch'aykikuna ima yaykunkichej.

2 Samuel 23:5

Chayrayku mirayneyqa Diospi sinch'i sayasqa kashan. Paymin noqawan wiñaypaj tratota ruwan, sumaj cheqan ruwasqata, sumaj sayachisqatataj. Payqa yanapallawanqapuni, tukuy imatachus munasqaytataj ruwanqapuni.

Salmos 105:11

Chaypacha Tata Dios nerqa: Chayaqeyki kananpaj Canaán jallp'ata qosqayki, nispa.

Salmos 105:12

Paykuna pisilla karqanku, Canaanpi waj llajtayoj jina purispa.

Éxodo 13:4

Qankunaqa Aviv killapi llojsishankichej.

Éxodo 13:5

Kay kikin killallataj yuyarikuna raymita Diospaj sapa wata ruwankichej, maypachachus Tata Dios lechewan, abeja misk'iwan purishaj jallp'aman chayachisonqachej, chaypacha. Chay jallp'api kunan tiyakushanku cananeokuna, jeteokuna, amorreokuna, heveokuna, jebuseokuna ima. Jinapis Tata Dios chay jallp'ata ñawpa tataykichejkunaman tiluspa qonanta nerqa.

Éxodo 6:8

Chantá mayqen jallp'atachus Abrahamman, Isaacman, Jacobman ima tiluspa qonayta nerqani, chay jallp'aman noqa pusasqaykichej. Chay jallp'atataj qankunaman qopusqaykichej. Noqamin Tata Dios kani, nispa.

Isaías 55:3

Noqaman qayllamuwaychej, ninriykichejta kicharispa. Sumajta uyariwaychej, kawsaytataj tarinkichej. Qankunawan wiñaypaj uj tratota ruwasaj, imatachus munakusqay Davidman nerqani, chayta junt'aspa.

Números 10:29

Uj kuti Moisesqa Madián llajtayoj suegron Ragüelpata churin Hobabta nerqa: Noqaykoqa Tata Dios qonawaykuta niwayku, chay jallp'aman rishayku. Qanpis noqaykuwan jamuy ari. Noqaykutaj qanmanta qhawasqayku, imaraykuchus Tata Dios israelitakunata khuyakuywan qhawarinanta nin, nispa.

Hechos 7:5

Diosqa kay cheqapi mana Abrahamman chayaqeta jina qorqachu ni chaki sarunan chhikallantapis. Chaywanpis Diosqa kay cheqata Abrahammanpuni qonanta nerqa paypata kananpaj, wañupojtinpis mirayninpaj qhepakunanpaj. Chayta Dios nishajtintaj, manaraj Abrahampata ni uj wawanpis karqachu.