Éxodo 5:22 - DIOSPA QHELQACHISQ

²² Chantá Moisesqa Tata Dioswan parlaspa, nerqa: Diosníy, imajtintaj aylluykita kay jinatapuni ñak'arichinkiri? Imapajtaj kachamuwarqankiri?

Qheshwa Biblia DC

²² Moisesqa chaymanta rispa Diosmanta mañakorqa, nispa: Señor, imaraykutaj chay jinatapuni llakichinki kay ayllutari? Chaypajqa imapajtaj kachamuwarqankiri?

DIOSPA QHELQACHISQAN DEUTEROCANONICAL

²² Chantá Moisesqa Tata Dioswan parlaspa, nerqa: Diosníy, imajtintaj aylluykita kay jinatapuni ñak'arichinkiri? Imapajtaj kachamuwarqankiri?

Éxodo 5:22 ပူးပေါင်းရင်းမြစ်များ

1 Reyes 19:10

Paytaj kuticherqa: Tukuy Atiyniyoj Tata Diosníy, noqaqa anchatapuni qanmanta sienteni, imaraykuchus israelitakunaqa paykunawan tratota ruwasqaykita wasanchaspa, altarniykita urmarachinku. Qanmanta sut'inchajkunatapis wañurachinku. Noqallaña qhepakuni. Chaywanpis noqatapis wañuchinawankupaj mask'ashawanku, nispa.

1 Reyes 19:4

Chantá ch'innejman ripuspa, uj p'unchay puriyta jina rerqa. Chaypitaj retama sach'a uraman tiyaykukuytawan, wañupuyta munaspa, nerqa: Kaykamalla kachun, Tata Dios, pusakapullawayña. Noqaqa mana ñawpa tataykunamanta aswan allinchu kani, nispa.

Salmos 73:25

Piniytaj janaj pachapi tiyapuwanri? Qanlla noqajta kapuwanki. Qanwan kaspaqa, kay pachapi manaña imatapis munanichu.

Éxodo 17:4

Chantá Moisesqa Tata Diosmanta mañakorqa: Imanasajtaj kay runakunawanri? Tumpamantawan rumiwan ch'anqaspa, wañuchiwanqanku, nispa.

Jeremías 12:1

Tata Dios, qanwan churanakuyta mana atiymanchu, imajtinchus qanqa cheqanta ruwaj kanki. Chaywanpis kayta tapurisuyta munayman: Imaraykutaj millay ruwajkunata tukuy imapi allin rinri? Imaraykutaj wasanchajkunapis mana imamanta llakikuspa kawsakunkuri?

Jeremías 20:7

Chantá Jeremías nerqa: Tata Dios, qan misk'i simiykiwan q'otiyawarqanki, noqataj kasuta ruwarqayki. Qan may kallpayoj kasqaykirayku atipawarqanki. Runakunaqa tuta p'unchaynintin asipayawanku, noqamanta alqochakuwaspa.

Jeremías 4:10

Chantá noqa Jeremías nerqani: Ay, Tukuyta Kamachej Tata Dios, imaraykutaj Jerusalenpi tiyakojkunata q'otiyankiri? Allin kawsayta qosqaykichej, nispa nerqanki. Kunantajrí kunkankupi espada churasqa kashan, nispa.

Habacuc 2:3

Mosqoypi jina rikusqaykej junt'akunan tiempo manaraj chayamunchu. Chaywanpis junt'akonqapuni. Qheparisqanta rijch'asunki chaypis pacienciawan suyarillay, junt'akunan tiempotaj chayamonqapuni.

Números 11:11

Chantá Moisesqa Tata Diosta nerqa: Imaraykutaj noqa kamachiykita mana allinta ruwawankiri? Imaraykutaj mana yanapawankichuri? Imaraykutaj kay runakunata noqaman wijch'uykuwankiri?

Josué 7:7

Josuetaj nerqa: Ay, Tukuyta Kamachej Tata Dios. Imapajtaj kay runakunata Jordán mayuta chimpachimorqankiri? Amorreokunaman jaywaykuspa paykuna tukuchinawaykupajchu chimpachimuwarqayku? Walej kanman karqa Jordán mayu chimpallapi qhepakunayku.

1 Samuel 30:6

Davidqa sinch'i phutisqa kasharqa, imaraykuchus soldadonkunaqa payta rumiwan ch'anqaykuyta munarqanku. Tukuyninku wawankukunamanta manchay llakisqa kasharqanku. Chaywanpis Davidqa Tata Diosninmanta jap'ikuspa, kallpachakorqa.