Éxodo 5:2 - DIOSPA QHELQACHISQ

² Faraontajrí kuticherqa: Pitaj chay Tata Dios kasqa, noqa payta kasuspa, israelitakunata kacharinaypajri? Noqaqa chay Tata Diosta mana rejsinichu, nitaj israelitakunata kacharisajchu, nispa.

Qheshwa Biblia DC

² Faraontaj kuticherqa: Pitaj kasqa chay Señor, noqa paypa nisqanta kasunaypaj, israelitastaj rejta saqenaypaj? Noqaqa mana rejsinichu chay Señorta, nitaj saqesajchu israelitas rejta.

DIOSPA QHELQACHISQAN DEUTEROCANONICAL

² Faraontajrí kuticherqa: Pitaj chay Tata Dios kasqa, noqa payta kasuspa, israelitakunata kacharinaypajri? Noqaqa chay Tata Diosta mana rejsinichu, nitaj israelitakunata kacharisajchu, nispa.

Éxodo 5:2 ပူးပေါင်းရင်းမြစ်များ

2 Reyes 18:35

Tukuy suyoj diosninkumanta mayqentaj makiymanta llajtanta kacharichiyta aterqari? Imaraykutaj yuyankichej Tata Diosqa makiymanta Jerusalenta kacharichinantari? nispa. Ajinata Asiria suyuta kuraj kamachejpa kachan nerqa.

2 Crónicas 32:14

Ñawpa tataykunaqa chay waj suyukunata chinkacherqanku. Chaykunamanta mayqen diostaj llajtanta makiymanta qhechuyta aterqa? Chantá imaraykutaj yuyankichej Diosniykichej makiymanta kacharichisunaykichejtari?

2 Crónicas 32:15

Chayrayku ama q'otiyachikuychejchu, nitaj sonqoykichejta suwachikuychejchu. Amataj Ezequiaspa nisqanta jap'ikuychejchu. Chay waj suyukunamanta, mana mayqen diospis ni mayqen llajtata makiymanta kacharichiyta aterqachu, nitaj ñawpa tataykunaj makinkumantapis. Astawanraj Diosniykichejqa makiymanta qankunata manallataj kacharichiyta atenqachu, nispa.

2 Crónicas 32:19

Jerusalén llajtaj Diosninpa contranpi parlarqanku, imaynatachus waj suyukunaj diosninkumanta parlanku ajinata, mayqenkunachus runaj ruwasqallan kanku, chaykunamanta.

Nehemías 9:10

Chayrayku faraonpa contranpi, kamachinkunaj contrankupi, jinataj chay jallp'api tukuy runajpa contrankupi ima runaj mana jayk'aj rikusqanta, may t'ukuna imakunata qan rikucherqanki, imaraykuchus rikorqanki imaynatachus israelitakunata llakichisqankuta. Jinamanta sutiyki may uyarisqa kashan kunankama.

Job 15:25

Chaykuna pichus Diospa contranta oqharikojta qhatirenqa, pichus Tukuy Atiyniyoj Dioswan churanakuyta munajta.

Job 15:26

Payqa Diospa contranta machu machu sayaykun, sumaj phatu escudowan pakakuspa.

Job 21:15

Pitaj kasqa Tukuy Atiyniyoj Dios payta kasunaykupajri? Imatá tarisqayku kasqa paymanta mañakuspari? nispa.

Salmos 10:4

Payqa Diosta mana mask'anchu. Chantá nin: Dios mana kanchu. Cuentata mañawajqa mana pipis kanchu, nispa. Yuyayninpeqa Diospi yuyana mana kanchu.

Salmos 12:4

4 (5) Kay jina nejkunata chinkachillachuntaj: Siminchejwan atipasunchej. Noqanchej sumajta parlayta yachanchej, pitaj sayachiwasunmanri? nispa.

Salmos 12:5

5 (6) Tata Diosrí kay jinata kutichispa nin: Millayta ruwajkunaqa wajchakunata, pisi kallpayojkunata ima ñak'arichinku, waqachinkutaj. Chayrayku kunan sayarispa, noqaqa ñak'arichisqa runakunaj suyasqankuman jina paykunata yanapasaj, nispa.

Salmos 14:1

(1b) Wampukunaqa sonqonkupi ninku: Mana Dios kanchu, nispa. Tukuyninku millayta purinaman qokunku, ruwasqankutaj mayta millachikunapaj jina. Allinta ruwajqa mana pipis kanchu.

Éxodo 3:19

Chaywanpis noqa yachaniña Egiptopi kuraj kamachejqa mana rinaykichejta munananta. Manachayqa pay sinch'i mat'iykusqa kasparaj rejta saqesonqachej.

Éxodo 7:17

Chayrayku Tata Dios ajinata nisunki: Kunan qan yachanki noqa Tata Dios kasqayta, nispa. Noqataj, makiypi jap'ishani, chay varawan Nilo mayupi yakuta wajtasaj, chaypachataj yakoqa yawarman tukonqa.

Proverbios 30:9

Sichus ashkha imayoj kayman chayqa, qanmanta qonqapuspa, niyman: Pitaj Tata Dios kasqari? nispa. Sichus pisichikuyman chayrí, suwamanñataj qokuyman. Ajinamanta sutiykita p'enqaypi rikhurichiyman.

Jeremías 42:13

Chaywanpis ichapis qankuna Tata Diosta mana kasuyta munaspa, niwajchej: Mana kaypi tiyakusqaykuchu.

Jeremías 48:26

Moabta machaykuchiychej, imaraykuchus Tata Diospa contranpi oqharikorqa. Chaypacha Moabqa lansasqanpi sunt'enqa, tukuytaj paymanta asikonqanku.

Daniel (hebreo) 3:15

Kunanrí ujtawan pututoj waqasqanta, chay waj tocanakunaj waqasqanta ima uyariytawan, pampakama k'umuykuspa lanti ruwachisqayta yupaychankichejchu, chayrí manachu? Sichus lantiyta mana yupaychankichej chayqa, chaypachapacha sumaj parichisqa hornoman wijch'uykusqa kankichej. Chaypacha, ima diostaj qankunata makiymanta kacharichiyta atisunkichejmanri? nispa.

San Juan 16:3

Paykuna ajinata ruwanqanku, imaraykuchus Tata Diosta, chantá noqata ima mana rejsiwaykuchu.

Romanos 1:28

Jinapi Diosta mana cuentaman churayta munasqankuraykutaj, Dios paykunata saqerparerqa ch'ichi millay yuyasqankuman jina mana ruwanata ruwanankupaj.

2 Tesalonicenses 1:8

Payqa Diosman mana kutirikojkunata, jinataj Tukuyta Kamachej Jesusmanta sumaj willayta mana jap'ikojkunata jasut'enqa.

Jueces 2:10

Jinallataj watakuna pasasqanman jina Josuéj mitanmanta kaj israelitakunapis wañupullasqankutaj. Ajinamanta qhepa wiñajkunaqa mana Tata Diosta rejserqankuchu, nitaj yacharqankuchu imatachus Tata Dios ruwasqanta israelita ñawpa tatankunapaj.

1 Samuel 2:12

Elíj churinkunaqa millay puriyniyoj runakuna karqanku. Tata Diosta mana kasorqankuchu, nitaj manchachikorqankuchu.

1 Samuel 25:10

Nabaltajrí kuticherqa: Pitaj kasqa Davidri? Pitaj kasqa Yeséj churinri? Kunan tiempoqa ashkha wata runa patronninkumanta ayqerashanku.