Éxodo 5:13 - DIOSPA QHELQACHISQ

¹³ Egipto llajtayoj jilaqatakunataj israelitakunata astawan sinch'ita ruwacherqanku, nerqankutaj: Ichhuta qoshajtiyku mashkhatachus ruwaj kankichej, ajinallatataj adobeta ruwanaykichej tiyan, nispa.

Qheshwa Biblia DC

¹³ Sapa t'aqata kamachejkunaqa astawan sinch'ita llank'acherqanku, nispa: Tukunaykichej tiyan sapa día mashkhatachus ruwanaykichej kashan chay chhikata, ichhuta qoshajtiyku ruwaj kankichej chay chhikallatataj.

DIOSPA QHELQACHISQAN DEUTEROCANONICAL

¹³ Egipto llajtayoj jilaqatakunataj israelitakunata astawan sinch'ita ruwacherqanku, nerqankutaj: Ichhuta qoshajtiyku mashkhatachus ruwaj kankichej, ajinallatataj adobeta ruwanaykichej tiyan, nispa.

Éxodo 5:13 ပူးပေါင်းရင်းမြစ်များ

Esdras 3:4

Chantá Ch'ujlla Ruwana raymitapis ruwallarqankutaj Moisespa kamachisqanpi qhelqasqaman jina. Sapa p'unchaytaj uywata ñak'aspa q'olacherqanku yachasqa kasqanman jina, sapa p'unchaypaj kamachisqa kasqanman jinataj.

Job 39:7

Kacharisqa kaspa, k'ita burrokuna llajtapi ch'ajwata mana kasuta ruwankuchu. Qhatejkunaj qhaparisqankutapis manallataj kasunkuchu.

Éxodo 1:11

Chayrayku Egipto llajtayojkunaqa israelitakunata sinch'i ruwanaman churanankupaj jilaqatakunata churarqanku. Jilaqatakunataj israelitakunawan iskay llajtakunata sayaricherqanku: Pitonta, Ramesestawan ima. Chay llajtakuna karqa faraón chajraj poqosqanta pirwachinanpaj.

Éxodo 5:11

Kunanmantaqa qankuna kikiykichej maymantapis ichhuta pallakamunaykichej tiyan. Chaywanpis mashkhatachus adobeta ruwaj kankichej, chay chhikallatapuni ruwanaykichej kanqa, nispa.

Éxodo 5:12

Chayrayku israelitakuna tukuy Egipto suyuman rispa, rastrojota ichhoj cuentanmanta apamorqanku.

Éxodo 5:14

Israelitakuna mashkhatachus ruwanankuta mana junt'ajtinkutaj, faraonpa jilaqatankunaqa israelitakuna ukhumanta jilaqatakuna churasqankuta seq'orqanku, nerqankutaj: Imaraykutaj mana qayna, nitaj kunanpis junt'arqankichejchu, mashkhatachus ñawpajta ruwaj kankichej, chay chhikata? nispa.

Éxodo 5:6

Chantá chay p'unchaypacha faraonqa sapa t'aqamanta kurajkunata, jinataj jilaqatakunatawan kay jinata kamacherqa: