Éxodo 5:1 - DIOSPA QHELQACHISQ

¹ Chantá Moiseswan, Aaronwan ima faraonwan parlaj rispa, nerqanku: Israelpa Diosnin Tata Dios ajinata nisunki: Noqaj ajllakusqay aylluyta kachariy, ch'innejman rispa, sutiypi uj raymita ruwapunawankupaj, nispa.

Qheshwa Biblia DC

¹ Chaymantaqa Moiseswan Aaronwan faraonman parlaj rerqanku, nispa: Israelpa Señornin, Diosnintaj ajinata nin: Saqepuway aylluy Israelta ch'inman rispa, chaypi yuyarikuwaspa qarakuta ruwanankupaj.

DIOSPA QHELQACHISQAN DEUTEROCANONICAL

¹ Chantá Moiseswan, Aaronwan ima faraonwan parlaj rispa, nerqanku: Israelpa Diosnin Tata Dios ajinata nisunki: Noqaj ajllakusqay aylluyta kachariy, ch'innejman rispa, sutiypi uj raymita ruwapunawankupaj, nispa.

Éxodo 5:1 ပူးပေါင်းရင်းမြစ်များ

1 Reyes 21:20

Eliasqa Ajabman chimpaykojtin, Ajab nerqa: Awqay kashaspapis, jamullankiñatajchu? nispa. Eliastaj kuticherqa: Arí, noqa mask'ashayki, imaraykuchus Tata Diospa ñawpaqenpi qanqa millayta ruwaspa purinki.

Salmos 119:46

Kamachisqaykimanta kuraj kamachejkunaman parlasaj, manataj p'enqakusajchu.

Éxodo 10:3

Chaymanta Moiseswan, Aaronwan ima rispa, faraonta nerqanku: Tata Dios, Israelitakunaj Diosnin ajinata nisunki: Mayk'ajkamataj mana k'umuykuyta munankichuri? Kachariy israelitakunata, noqata yupaychamunawankupaj.

Éxodo 10:4

Manapunichus kacharipuyta munanki chayqa, q'ayapacha phinki phinkikunata tukuy Egiptoman kachaykamusaj.

Éxodo 10:9

Moisestaj kuticherqa: Noqaykoqa juch'uy wawaykukunawan, machu runaykukunawan, churiykukunawan, ususiykukunawan, ovejaykukunawan, wakaykukunawan ima rinayku tiyan. Tukuyniykupuni rinayku tiyan, imaraykuchus Tata Diospa sutinpi jatun raymita ruwanayku tiyan, nispa.

Éxodo 3:18

Qan Moisés, ajinata nejtiyki, israelitakunaj kurajninkuna kasusonqanku. Chantá kurajkunawan khuska Egiptopi kuraj kamachejmanñataj rispa, ninkichej: Tata Dios, israelitakunaj Diosnin rikhuriwayku. Chayrayku kinsa p'unchay puriyta ch'innejman risqayku, Tata Diosman uywata ñak'aspa, jaywamunaykupaj, nispa.

Éxodo 33:13

Sichus cheqatapuni khuyarikuspa qhawarinawaykita tarini chayqa, imatachus ruwayta munasqaykita niway ari, noqa qanta munakusunaypaj, jinataj qan noqapi atinikunaykipaj. Amataj qonqaychu kay runakunaqa qanpata wawaykikuna kasqankuta, nispa.

Éxodo 4:23

Ña niykiña, yupaychanawanpaj churiyta kacharinaykita, qantajrí mana rinanta munashankichu. Chayrayku noqaqa kuraj kaj qhari wawaykita wañuchisaj, nispa.

Éxodo 6:11

Rispa, Egipto suyupi kuraj kamachej faraonta nimuy: Israelitakunata kacharipuy suyuykimanta ripunankupaj, nispa.

Éxodo 6:27

Moiseswan, Aaronwan ima kallarqankutaj, pikunachus Egiptopi kuraj kamachej faraonwan parlamorqanku israelitakunata orqhomunankupaj, chaykuna.

Éxodo 7:16

Chantá paywan tinkukuspa, ninki: Israelitakunaj Tata Diosnin kay jinata nisunaypaj kachamuwan: Aylluyta kacharipuy, ch'innejman rispa yupaychanawankupaj, nispa. Qantajrí kunankama mana kasukunkichu.

Éxodo 7:2

Noqa imatachus kamachisqayki, qan chay tukuyninta wawqeyki Aaronman willanki. Wawqeykitaj chayta faraonman willanqa israelitakunata jallp'anmanta kacharipunanpaj.

Éxodo 8:1

1 (7.26) Chantá Tata Dios Moisesta nerqa: Faraonman rispa, nimuy: Tata Dios ajinata nisunki: Aylluyta kachariy, ch'innejman rispa, yupaychamunawankupaj.

Éxodo 8:16

16 (12) Tata Dios ujtawan Moisesta nerqa: Aaronta niy, varanta oqharispa, jallp'ata wajtananta. Varanwan wajtajtinkamataj, jallp'a usaman tukuspa, tukuynin Egiptoman junt'aykonqa, nispa.

Éxodo 8:17

17 (13) Paykunataj ajinata ruwarqanku. Aaronqa varanta oqharispa, pampata wajtarqa. Jallp'ata wajtasqantaj usaman tukorqa. Chay usakunataj runata, uywata ima khanirarqa. Tukuynin Egiptopi jallp'aqa usaman tukorqa.

Éxodo 8:20

20 (16) Tata Diosqa Moisesta nillarqataj: Q'aya paqarin faraonqa tutamanta mayuman renqa. Qanpis tutamanta jatarispa, riy paywan parlaj. Chantá ajinata ninki: Tata Dios ajinata nisunki: Aylluyta kachariy, ch'innejman rispa yupaychamunawankupaj.

Éxodo 8:27

27 (23) Noqaykoqa Diosniyku kamachiwasqaykuman jina kinsa p'unchay puriyta ch'innejman rinayku tiyan, chaypitaj uywata ñak'aspa, Tata Diosniykuman jaywanayku tiyan, nispa.

Éxodo 9:1

Chantá Tata Dios Moisesta nillarqataj: Rispa, faraonta nimuy: Israelitakunaj Tata Diosninku ajinata nisunki: Aylluyta kacharipuy, rispa yupaychamunawankupaj.

Éxodo 9:2

Sichus mana kachariyta munaspa, jap'iyllatapuni munanki chayqa,

Isaías 25:6

Chaypachataj Tukuy Atiyniyoj Dios Sión orqopi tukuy suyupaj jatun mikhuyta wakichenqa misk'i mikhuykunawan, sumaj kaj vinowan ima. Chantá sumaj kaj aycha mat'akunata mikhuchenqa, aswan sumaj poqosqa vinotawan ujyachenqa.

Ezequiel 2:6

Qanrí, runaj churin, imata nisojtinkupis, paykunamanta ama manchachikuychu, khishka chawpipi jina tarikuspapis, chayrí atojsillukuna chawpipi jina kashaspapis. Amapuni paykunaj parlasqankumanta manchachikuychu, amataj paykunaj ñawpaqenkupi kharkaychu, imaraykuchus paykuna contraypi oqharikoj ayllu kanku.

San Mateo 10:18

Noqaraykutaj llajtata kamachejkunaman, kuraj kamachejkunaman ima pusasonqachej. Chantá, ñawpaqenkupi paykunaman, mana judío kajkunamanpis noqamanta testigo jina willankichej.

San Mateo 10:28

Ama qankunata wañuchejkunata manchachikuychejchu, imaraykuchus paykuna almaykichejtaqa mana imanayta atinkuchu. Aswanpis, Diostamin manchachikuychej, imaraykuchus pay wañuchisuspa, lawrashaj nina qochaman wijch'uykusuyta atin.

Hechos 4:29

Kunanqa Tukuyta Kamachej Dios, qhawariy imaynatachus paykuna phiñakuspa, manchachiwasqaykuta. Chantá kay kamachiykikunata kallpachawayku ari, mana manchachikuspa Simi nisqaykita willanaykupaj,

1 Corintios 5:8

Chayrayku, kunanqa Pascua raymita ruwanachej, ch'uwa sonqowan, llimphu kawsaywan ima. Chayqa mana levadurayoj t'antawan ninakun. Amallataj sajra runa kanachu, nitaj pitapis mana allinta ruwanachu, imaraykuchus jina kanaqa ñawpa levadurayoj ruwasqa t'antawan ninakun.