Éxodo 40:34 - DIOSPA QHELQACHISQ

³⁴ Chantá Dioswan Tinkukuna Toldota phuyu p'ampaykorqa, Tata Diospa jatun kayninpa lliphipiynintaj toldoman junt'aykorqa.

Qheshwa Biblia DC

³⁴ Chaymantataj chay Dioswan tinkukuna toldota phuyuykamorqa, Señorpa jatun kaynintaj chay wasiman junt'aykorqa.

DIOSPA QHELQACHISQAN DEUTEROCANONICAL

³⁴ Chantá Dioswan Tinkukuna Toldota phuyu p'ampaykorqa, Tata Diospa jatun kayninpa lliphipiynintaj toldoman junt'aykorqa.

Éxodo 40:34 ပူးပေါင်းရင်းမြစ်များ

2 Samuel 7:6

Egiptomanta orqhomorqani israelitakunata, chaymantapacha kunankama mana mayqen wasipichu tiyakorqani, manachayqa toldollapi tiyakuspa, kayman jaqayman purerqani.

2 Crónicas 5:13

Chantá cornetata waqachinankupaj tukuyninku churakorqanku, tukuyninkutaj Tata Diosta yupaychaspa uj runa jinalla, pachis nispa takisharqanku. Cornetata, platillota, waj tocanatapis tocarispa, takisharqanku: Tata Diosqa may k'achamin, munakuynintaj wiñaypajmin, nispa. Ajinata takishajtinkutaj, chay Tata Diospa Templonman phuyu ujllata junt'aykorqa.

2 Crónicas 7:2

Chayrayku sacerdotekunaqa Tata Diospa Temploman mana yaykuyta aterqankuchu, Tata Diospa jatun kayninpa lliphipiynin junt'aykusqanrayku.

Salmos 26:8

Tata Dios, tiyakunayki Temploykita noqa munakuni, maypichus jatun kayniykej lliphipiynin kashan, chayta.

Éxodo 14:24

Tata Diostajrí, sut'iyamuy qayllata, phuyu ukhumanta, nina k'anchay ukhumantawan Egiptomanta soldadokunata qhawamorqa. Chantá paykunata pawicherqa.

Éxodo 16:10

Aarón israelitakunawan parlashajtin, chaypacha tukuyninku ch'innejta qhawarerqanku. Chantá Tata Diospa jatun kayninpa lliphipiynin phuyupi rikhurisqanta rikorqanku.

Éxodo 25:8

Chaykunawan yupaychana toldota ruwapuwanqanku, noqa paykuna ukhupi tiyakunaypaj.

Éxodo 29:43

Chaypi israelitakunawan tantakullasajtaj. Chay cheqataj, chaypi noqa kasqayrayku, noqajta kananpaj t'aqasqa kanqa.

Éxodo 33:9

Toldoman Moisés yaykojtinkamataj, sayashaj chhoqo phuyu urayk'amuspa, toldoj punkunpi sayaj. Chantá chaypi Tata Diosqa Moiseswan parlaj karqa.

Isaías 57:15

Ajinata patapi kaj wiñaypaj kawsaj Tata Dios nini, May Llimphu Kaj sutiyoj Dios: Noqa patapi tiyakuni, may llimphu cheqapi. Jinallataj llamp'u sonqoyojwan, k'umuykojwan ima kashani, k'umuykoj sonqoyojkunata, sonqo p'akisqakunatapis kusichinaypaj.

Isaías 6:4

Chay jinata qhaparisqankuwan Temploj punkunkuna thalarikorqa, chay ukhumantaj q'oshñi junt'aykorqa.

Ezequiel 10:4

Chantá Tata Diospa jatun kayninpa lliphipiynin querubinkunaj patankumanta oqharikuspa, Diospa Templonman yaykuna chaynejman rerqa. Chantá phuyoqa Diospa Templonman junt'aykorqa, Tata Diospa jatun kayninpa lliphipiynintaj patio junt'ata k'anchaykorqa.

Levítico 16:2

Chantá Tata Dios Moisesta nerqa: Wawqeyki Aaronta niy ama mayk'ajllapis veloj wasanpi kashan, chay Diosllapaj T'aqasqa nisqa cheqaman yaykunanta. Nillataj Diospa arcanpata kirpananpa ñawpaqenman chimpananchu tiyan. Sichus yaykunman chayqa, wañonqa imaraykuchus arcaj kirpananpi noqa, phuyupi rikuchikusaj.

Hageo 2:7

Tukuy suyukunatapis kharkatitichillasajtaj, chay runakunataj tukuy kapuyninkuta apamonqanku. Noqataj Temploytataj jatun kayniypa lliphipiyninwan junt'achisaj, nispa. Ajinata nisunkichej Tukuy Atiyniyoj Tata Dios.

Hageo 2:9

Kay qhepa kaj Temploqa aswan sumaj kanqa ñawpaj kaj Templomanta nisqaqa. Noqataj kay cheqanejpi sonqo tiyaykusqa kawsay kananta ruwasaj. Noqa Tukuy Atiyniyoj Tata Dios chayta nini.

Números 7:89

Chay qhepata Moisés Tata Dioswan parlananpaj, Dioswan Tinkukuna Toldoman yaykorqa. Chantá Moisesqa Dioswan trato ruwasqa arca patapi querubinkunaj chawpinmanta Tata Diospa parlamusqanta uyarerqa, nispa.

Romanos 9:4

Paykuna israelitakuna kanku, pikunatachus Diosqa wawankunapaj rejsikaporqa, paykunamantaj jatun kayninta rikucherqa, chaykuna. Jinallataj paykunawan tratota ruwarqa, qollarqataj kamachisqankunata, jinallataj imaynatachus payta yupaychanata yachacherqa. Chantá ashkha imakunatapis qonanta nillarqataj.

Apocalipsis 15:8

Chaypacha temploman q'oshñi junt'aykorqa. Chay q'oshñeqa Diospa jatun kayninpa lliphipiyninmanta, jinataj jatun atiyninmanta llojsimorqa. Manataj pipis temploman yaykuyta aterqachu, chay qanchis angelkuna makinkupi wañuchej onqoykunata jap'isharqanku, chaykunata jich'ayta tukunankukama.

Apocalipsis 21:3

Jinapi kamachina tiyanamanta jatunmanta qhaparejta uyarerqani: Kunan Diosqa ayllun chawpipi kanqa, paykunawan khuskataj tiyakullanqapuni. Paykuna Diospa ayllun kanqanku, Diostaj Diosninku kanqa.