Éxodo 40:16 - DIOSPA QHELQACHISQ

¹⁶ Moisesqa Tata Diospa kamachisqanman jina tukuy imata kikinta ruwarqa.

Qheshwa Biblia DC

¹⁶ Moisesqa chaykunata kikinta ruwarqa imaynatachus Señor kamachisqanman jina.

DIOSPA QHELQACHISQAN DEUTEROCANONICAL

¹⁶ Moisesqa Tata Diospa kamachisqanman jina tukuy imata kikinta ruwarqa.

Éxodo 40:16 ပူးပေါင်းရင်းမြစ်များ

Génesis 6:22

Noetaj Dios imaynatachus nisqanman jina tukuyninta ruwarqa.

Éxodo 40:15

Jinaspataj, sacerdoteykuna kanankupaj aceitewan paykunata jawinki, imaynatachus tatankuta jawerqanki, ajinata. Aceitewan jawisqaykirayku paykuna, jinataj mirayninkuna wiñay wiñaynintinpaj sacerdoteykuna kanqanku, nispa.

Éxodo 7:6

Chantá Moiseswan, Aaronwan ima Tata Diospa kamachisqanman jina kikinta ruwarqanku.

Isaías 8:20

Chayrayku Tata Diospa yachachisqanta mask'aychej. Sichus mana Diospa yachachisqanman jina parlanku chayqa, paykuna pantaypi kashanku.

Jeremías 13:5

Chantá Éufrates mayuman rerqani, chaypitaj chay chumpita pakaykamorqani, Tata Dios kamachiwasqanman jina.

Levítico 8:13

Chaymantataj Moisesqa Aaronpa churinkunatañataj wajyaspa, paykunaman p'achata churaykorqa, chantá chumpiwan chumpiykorqa. Jinaspataj, umankuman chhoqo ch'uluta churaykorqa, Tata Dios kamachisqanman jina.

Levítico 8:21

Chantá ñak'asqa corderoj ch'unchulanta, piernantawan ima yakuwan mayllaspa, tukuyninta altarpi q'olacherqa, ima munayta q'apashaj Tata Diosman jaywanata jina. Ajinata Moisés ruwarqa, Tata Diospa kamachisqanman jina.

Levítico 8:9

Moisesqa Aaronpa umanmantaj chhoqo ch'uluta churarqa, chay ch'uloj ñawpaqenmantaj qorimanta qhelqasqa tablitata churaykorqa, Diospaj t'aqasqa kasqan yachakunanpaj.

Números 1:19

Ajinata Moisesqa Tata Dios kamachisqanman jina Sinaí ch'innejpi israelitakunata yuparqa.

Números 9:22

Sichus uj mashkha p'unchayllata, chayrí uj killata, chayrí uj watata Dioswan Tinkukuna Toldo patapi phuyu sayaj chayqa, israelitakuna mana purirejchu kanku. Phuyu oqharikoj chaypachatajrí, purirejpacha kanku.

San Mateo 28:20

Chantá paykunaman yachachimuychej, imatachus noqa kamacherqaykichej, chayta, paykunapis kasunankupaj. Jinallataj yachaychej noqa qankunawan tuta p'unchay kanayta kay pacha tukukunankama, nispa.

1 Corintios 4:2

Ajinaqa pichus uj ruwanata jap'ejqa yachayta qonan tiyan pay atinikunapaj jina kasqanta.

Deuteronomio 12:32

32 (13.1) Kay tukuy kamachisqayta junt'aychejpuni, ama yapaspa, nitaj chaymanta imatapis qhechuspa.

Deuteronomio 4:1

Kunanqa israelitakuna, kamachisqaykunata, chantá yachachisqaykunata ima uyariychej. Yachachisqayman jinataj ruwaychej. Kasukunkichej chayqa, mana wañunkichejchu. Ñawpa tataykichejpa Tata Diosnin jallp'ata qosonqachej, chayman jap'inaykichejpaj yaykunkichej.

Hebreos 3:2

Payqa Diospa churasqan kaspa, Diospa nisqanta tukuy imapi junt'arqa, imaynatachus Moisespis Diospa qosqan ruwanata junt'arqa, ajinata.

Hebreos 3:5

Moisesqa kamachi jina Diospa ayllunpi imachus ruwananta sumajta junt'arqa. Chay ruwasqantaj rejsicherqa Dios imamantachus aswan qhepaman parlanan karqa, chaykunata.