Éxodo 4:15 - DIOSPA QHELQACHISQ

¹⁵ Egiptopiña kashajtiykichej qan payman parlaspa, imatachus ninanta sumajta yachachinki. Noqataj paywan kasaj, jinallataj qanwanpis. Chantá imatachus ruwanaykichejta noqallataj yachachisqaykichej.

Qheshwa Biblia DC

¹⁵ Qan paywan parlay, willay imatachus ninayki kashan chayta. Noqataj parlashajtiykichej paywan, jinallataj qanwampis kasaj. Chantaqa yachachisqaykichej imatachus ruwanaykichejta.

DIOSPA QHELQACHISQAN DEUTEROCANONICAL

¹⁵ Egiptopiña kashajtiykichej qan payman parlaspa, imatachus ninanta sumajta yachachinki. Noqataj paywan kasaj, jinallataj qanwanpis. Chantá imatachus ruwanaykichejta noqallataj yachachisqaykichej.

Éxodo 4:15 ပူးပေါင်းရင်းမြစ်များ

2 Samuel 14:3

Chaymantataj kuraj kamachejpaman rispa, kay imatachus nisqayki, chay kikinta nimunki, nispa. Joabtaj yachacherqa imatachus chay warmeqa kuraj kamachejman ninanta.

Salmos 25:12

Pichus Tata Diosta jatunchan, chay runamanqa Tata Dios imaynatachus purinanta yachachenqa.

Salmos 51:15

15 (17) Tukuyta Kamachej Diosníy, simiyta kichariy, simiywan qanta jatunchasunaypaj.

Éxodo 3:12

Chantá Dios kuticherqa: Noqamin qanwan kasaj. Noqa qanta kachasusqayta yachanaykipajtaj, kaymin señal kanqa: Maypachachus israelitakunata Egiptomanta orqhomunki chaypacha, tukuyniykichej kay orqopipuni yupaychawankichej, nispa.

Éxodo 4:12

Chayrayku Egiptoman riy. Parlashajtiyki, noqamin qanwan kasaj, jinataj noqa yachachisqayki imatachus parlanaykita, nispa.

Éxodo 4:28

Chaymanta Moisesqa Aaronman Tata Dios imatachus nisqanta willarqa, chantá t'ukuna imakunata ruwananta kamachisqantawan ima willallarqataj.

Éxodo 4:30

Aarontaj paykunaman willarqa, Tata Dios imatachus Moisesman nisqa, chay tukuyta. Moisestaj Diospa kamachisqanman jina, kurajkunaj rikunankuta t'ukunapaj jina señalkunatapis ruwallarqataj.

Isaías 51:16

Nisqayta simiykiman churarqani, makiypa llanthunpitaj waqaycharqayki. Janajta jatunman aysaspa, kay pachaj cimientontapis churaspa, Sionta nerqani: Qanqa aylluy kanki, nispa.

Isaías 59:21

Tata Dios nillantaj: Kay tratota paykunawan ruwasaj: Qankunaman qosqay Espíritu, simiykichejman churasqay nisqay ima qankunamanta mana karunchakonqachu, nitaj wawaykichejkunamanta, nillataj allchhiykichejkunamantapis, kunanmanta wiñaypaj, nispa.

Jeremías 1:9

Chaypacha Tata Dios makinwan simiyta llankhaykuwaspa, niwarqa:

Jeremías 36:32

Chantá Jeremías qaramanta ruwasqa waj p'anqata jap'ispa, qhelqerin Neriaspa churin Barucman jaywarqa. Paytaj Jeremiaspa tukuy nisqanta qhelqarqa, mayqenchus Judata kuraj kamachej Joacinpa ruphachisqan p'anqapi qhelqasqa karqa, chay tukuyta. Jeremiastaj ñawpajta qhelqachisqanman waj imakunatawan yapacherqa.

Números 16:28

Chantá Moisés israelitakunata nerqa: Kay jinamanta yachankichej, kay imakunata ruwanaypaj Tata Dios noqata kachamuwasqanta. Noqaqa mana sapallaymantachu imatapis ruwarqani.

Números 22:38

Balaamtajrí kuticherqa: Kunanqa kaypiña kashani. Chaywanpis mana imatapis parlayta atisajchu, manachayqa Tata Dios imatachus niwanqa, chayllata, nispa.

Números 23:12

Balaamtajrí kuticherqa: Noqa nerqayki: Imatachus Tata Dios parlanayta kamachiwanqa, chayllata parlasaj, nispa.

Números 23:16

Chantá Tata Diosqa Balaamman rikhurispa, imatachus parlananta yachacherqa. Chantá nerqa: Balacman kutispa, willamuy imatachus nisusqayta, nispa.

Números 23:5

Chantá Tata Dios Balaam imatachus parlananta yachacherqa. Nerqataj: Kutispa, Balacta nimuy imatachus qanman nisqayki, chayta, nispa.

San Mateo 28:20

Chantá paykunaman yachachimuychej, imatachus noqa kamacherqaykichej, chayta, paykunapis kasunankupaj. Jinallataj yachaychej noqa qankunawan tuta p'unchay kanayta kay pacha tukukunankama, nispa.

San Lucas 21:15

imaraykuchus noqamin yachayta qosqaykichej, yuyaychasqaykichejtaj imatachus parlanaykichejta. Jinapi awqaykichejkuna chay parlasqaykichejta mana atipanqankuchu, nitaj kutichikuytapis atenqankuchu.

1 Corintios 11:23

Imatachus Tukuyta Kamachej Jesús yachachiwarqa, noqa chayllatataj qankunaman yachacherqaykichej: Maypachachus Tukuyta Kamachej Jesús jap'ichisqa kanan kasharqa, chay ch'isillataj t'antata oqharerqa.

1 Corintios 15:1

Kunanqa, wawqe panakuna, Jesusmanta sumaj willayta willasqaymanta yuyarichiykichej. Qankuna chay sumaj willayta jap'ikorqankichej, chaypitaj sinch'ita sayashankichej.

Deuteronomio 18:18

Noqaqa qanta jina llajta masinku ukhumanta uj sut'inchajta rikhurichisaj. Noqa payman nisaj, paytaj noqaj nisqayta, chantá paykunaman imatachus kamachisqayta willanqa.

Deuteronomio 5:31

Qanrí kaypi noqawan qhepakuy. Noqa tukuy kamachisqaykunata, yachachiykunata, yuyaychaykunata ima qanman nisqayki, qantaj paykunaman yachachinki, qosqay jallp'api tiyakushaspa junt'anankupaj, nispa.

1 Samuel 16:3

Chantá uywa ñak'asqata q'olachispa jaywanaman Yeseta wajyay, noqataj nisqayki imatachus ruwanaykita. Kuraj kamachej kananpaj pitachus ajllasqayta qan aceitewan jawinki, nispa.