Éxodo 4:1 - DIOSPA QHELQACHISQ

¹ Chantá Moisés Tata Diosman kuticherqa: Israelitakuna mana nisqayta jap'ikonqankuchu, nitaj kasuwanqankuchu. Aswanpis niwanqanku: Tata Diosqa mana qanman rikhurisunkichu, nispa.

Qheshwa Biblia DC

¹ Chaymantataj Moisesqa kuticherqa: Imatataj paykuna chaytaqa creewanqankuri, nitaj kasutapis ruwawankumanchu. Paykunaqa niwanqankuchari: Señorqa, qanman mana rikhurisunkichu, nispa.

DIOSPA QHELQACHISQAN DEUTEROCANONICAL

¹ Chantá Moisés Tata Diosman kuticherqa: Israelitakuna mana nisqayta jap'ikonqankuchu, nitaj kasuwanqankuchu. Aswanpis niwanqanku: Tata Diosqa mana qanman rikhurisunkichu, nispa.

Éxodo 4:1 ပူးပေါင်းရင်းမြစ်များ

1 Reyes 13:3

Chaypachallataj Diosmanta sut'inchajqa nerqa: Tata Dios cheqantapuni parlasqanmanta kaymin señal kanqa: Kay altarqa thuñikonqa, patanpi ushphapis qhallikonqa, nispa.

Éxodo 2:14

Chay runarí Moisesta kuticherqa: Pitaj churasunki noqaykuta kamachinawaykupaj, juezniykutaj kanaykipajri? Imaynatachus Egipto llajtayojta wañucherqanki, jinatachu noqatapis wañuchiyta munashawanki? nispa. Moisés chayta uyarispa, mancharikorqa, nerqataj: Egipto llajtayojta wañurparichisqayqa yachakunña, nispa.

Éxodo 3:15

Chay jawa Diosqa Moisesta nillarqataj: Israelitakunata nillankitaj: Tata Dios, pichus ñawpa tataykichej Abrahampata, Isaacpata, Jacobpata ima Diosnin kajqa noqata qankunaman kachamuwan, nispa. Suteyqa wiñaypaj Tata Dios kanqa, chay sutiwantaj wiñaypa wiñayninkama rejsisqa kasaj.

Éxodo 3:16

Chantá qan rispa, israelitakunaj kurajninkunata tantanki, paykunatataj ninki: Ñawpa tataykichejkunaj Diosnin, Abrahampata, Isaacpata, Jacobpata ima rikhuriwaspa, kay jinata nisunkichej: Noqaqa mana qankunamanta qonqakunichu, jinataj rikuni Egipto llajtayojkuna imaynatachus qankunata ñak'arichisusqaykichejta.

Éxodo 3:18

Qan Moisés, ajinata nejtiyki, israelitakunaj kurajninkuna kasusonqanku. Chantá kurajkunawan khuska Egiptopi kuraj kamachejmanñataj rispa, ninkichej: Tata Dios, israelitakunaj Diosnin rikhuriwayku. Chayrayku kinsa p'unchay puriyta ch'innejman risqayku, Tata Diosman uywata ñak'aspa, jaywamunaykupaj, nispa.

Éxodo 4:10

Moisestajrí kuticherqa: Ay, Dios Tatáy, noqaqa mana sumajta parlayta yachanichu, mana qan parlawasqaykillamantachu, ni qaynallamantachu, nitaj kunallanmantachu. Noqaqa unaypuni jina karqani. Parlashajtiytaj, qalloyqa watakullawan, nispa.

Éxodo 4:30

Aarontaj paykunaman willarqa, Tata Dios imatachus Moisesman nisqa, chay tukuyta. Moisestaj Diospa kamachisqanman jina, kurajkunaj rikunankuta t'ukunapaj jina señalkunatapis ruwallarqataj.

Éxodo 4:31

Jinapi israelitakuna paykunaj nisqankuta jap'ikorqanku. Chantá Tata Dios israelitakunamanta yuyarikusqanta, ñak'arisqankutapis rikusqanta ima yachaspa, tukuyninku qonqoriykukorqanku, Diostataj yupaycharqanku.

Éxodo 6:12

Moisestajrí kuticherqa: Ni israelitakunapis uyarishawankuchu. Imaynatataj faraón uyariwanqari? Noqaqa mana sumajta parlayta atinichu, nispa.

Éxodo 6:30

Moisestajrí kuticherqa: Noqaqa mana sumajta parlayta atinichu. Imatataj noqata faraón uyariwanqari? nispa.

Jeremías 1:6

Noqatajrí kuticherqani: Ay, Tukuyta Kamachej Tata Dios, noqaqa ancha waynallaraj kani. Runaj ñawpaqenpi parlaspapis, manaraj sumajta parlayta atinirajchu, nispa.

Ezequiel 3:14

Jinapi Diospa Espíritun jap'iwaspa, chaymanta orqhowarqa, noqataj may llakisqa, sonqo p'akisqataj risharqani. Chaywanpis Tata Dios makinwan sinch'ita jap'iwarqa.

Hechos 7:25

Chayta ruwaspa, Moisés yuyarqa israelita masinkuna reparanankuta, Dios paynejta paykunata chay ñak'ariymanta kacharichinanta. Paykunatajrí chayta mana repararqankuchu.

Jueces 6:17

Gedeontaj kuticherqa: Sichus allinpaj qhawawanki chayqa, uj señalta rikuchiway, yachanaypaj qan pichus noqawan parlajqa Tata Diospuni kasqaykita.