Éxodo 38:21 - DIOSPA QHELQACHISQ

²¹ Moisés kamachisqanman jina, levitakuna yupaspa orqhorqanku Dioswan Tinkukuna Toldota ruwanapi mashkhachus metal yaykusqanta. Chay levitakunataqa Aaronpa churin Itamar kamachisharqa.

Qheshwa Biblia DC

²¹ Moisespa kamachisqanman jina, levitas yuparqanku, metal rumista Dioswan tinkukuna toldota ruwanapaj. Levitastaqa Aarompa wawan Itamar kamachisharqa.

DIOSPA QHELQACHISQAN DEUTEROCANONICAL

²¹ Moisés kamachisqanman jina, levitakuna yupaspa orqhorqanku Dioswan Tinkukuna Toldota ruwanapi mashkhachus metal yaykusqanta. Chay levitakunataqa Aaronpa churin Itamar kamachisharqa.

Éxodo 38:21 ပူးပေါင်းရင်းမြစ်များ

1 Crónicas 6:3

3 (5.29) Amiranpa churinkunarí karqanku: Aarón, Moisés, María ima. Aaronpa churinkunataj karqanku: Nadab, Abiú, Eleazar, Itamar ima.

2 Crónicas 24:6

Chayrayku kuraj kamachejqa kuraj kaj sacerdote Joyadata wajyachispa, nerqa: Imaraykutaj manaraj levitakunata kacharqankichu Judamanta, Jerusalenmantawan apamunankupaj imatachus Tata Diospa kamachin Moisés jinataj tukuy israelitakunapis kamacherqanku qonankuta Tata Dioswan Tinkukuna Toldopaj, chayta? nispa.

Job 11:4

Qanqa ninki: Noqaj nisqayqa cheqanpuni, Diospa ñawpaqenpitaj mana k'amina kani, nispa.

Job 22:23

Sichus k'umuykuspa Tukuy Atiyniyoj Diosman kutirikunki chayqa, pay aysarisonqa. Ajinata ruwaspataj, wasiykimanta llakiykunata karunchanki.

Job 26:1

Chantá Job alqochakuspa jina nerqa:

Salmos 15:1

(1b) Tata Dios, pitaj wasiykipi tiyakuyta atinmanri? Pitaj ajllakusqayki orqoykipi kawsakuyta atinmanri?

Éxodo 25:16

Chantá arca ukhuman, p'alta rumipi qhelqasqa kamachisqakuna qosqayki, chayta churanki.

Éxodo 26:33

Velotaqa ganchokunaj uranman warkhunki. Veloj wasanmantaj Diospa kamachisqan qhelqawan kashan, chay arcata churanki. Jinamanta veloqa “Diospaj T'aqasqa Cheqata”, “Diosllapaj T'aqasqa Cheqamanta” t'aqanqa.

Éxodo 38:20

Dioswan Tinkukuna Toldoj estacankuna, patioj estacankuna imaqa tukuynin broncemanta ruwasqa karqanku.

Éxodo 38:22

Judá jatun ayllumanta Jurpata allchhin, Urij churin Besaleltaj tukuy imata ruwarqa, Moisesman Tata Dios kamachisqanman jina.

Éxodo 40:3

Chaymantaj kamachisqakuna qhelqasqayoj kashan, chay arcata churanki, chantá velowan qhataykunki.

Éxodo 6:23

Aaronqa Elisabetwan casarakorqa. Payqa Nasonpata panan, Aminadabpata ususintaj karqa. Aaronqa warminpi tawa wawakunata rejserqa: Nadabta, Abiuta, Eleazarta, Itamarta ima.

Números 1:50

Tukuynin levitakunata churanki Dioswan Tinkukuna Toldota, chantá chaypi tukuy ima kajta qhawanankupaj. Paykunaqa Dioswan Tinkukuna toldota, chantá chaypi tukuy ima kajtawan mayman rispapis apanqanku. Dioswan Tinkukuna Toldopi imachus ruwanatapis paykuna ruwanqanku. Jinallataj paykunaqa toldoj muyuyninpi muyurisqata jarakonqanku.

Números 1:53

Levitakunaqa Dioswan Tinkukuna Toldoj muyuyninpi jarakonqanku, toldota qhawanankupaj, ama Tata Dios israelitakunaj contranta phiñakunanpaj, nispa.

Números 10:11

Egiptomanta llojsimusqanku iskay wataña kashajtin, iskay kaj killamanta iskay chunkayoj p'unchaypi, Dioswan Tinkukuna Toldo patamanta phuyu oqharikorqa.

Números 18:2

Dioswan Tinkukuna Toldopi imachus ruwanata ruwanapaj qanwan, churiykikunawan ima mañarikuyta atinkichej Leví jatun ayllumanta wawqeykichejkuna yanaparinankuta. Qanwan, churiykikunawan imarí, Dioswan Tinkukuna Toldopi imachus ruwanata ruwankichej.

Números 24:5

Jacob, chay jina k'achitu jaraykeqa. Israelitakuna, chay jina k'achitu toldoykichejqa.

Números 9:15

Maypachachus israelitakuna Dioswan Tinkukuna Toldota sayaricherqanku chay p'unchay, phuyu toldota p'ampaykorqa. Chay phuyoqa ch'isiyaymantapacha sut'iyanankama Dioswan Tinkukuna Toldo patapi nina jina k'ancharqa.

San Mateo 17:4

Chayta rikuspa, Pedroqa Jesusta nerqa: Tukuyta Kamachej Jesús, kaypi kasqanchejqa manchay sumaj. Munajtiykeqa, kinsa ch'ujllata kaypi ruwasqayku: Ujta qanpaj, ujta Moisespaj, ujtataj Eliaspaj, nispa.

Hechos 7:44

Ch'innejpi ñawpa tatanchejkuna Diospa trato ruwasqanmanta toldota aparqanku. Chayta ruwananku karqa Dios Moisesman rikuchisqanman jina, chayta.

2 Corintios 5:1

Noqanchej yachanchej kay pachapi ukhunchejqa toldo jinalla kasqanta. Chantá wañupojtinchej, chay toldo phaskarasqa kanqa. Chaywanpis, janaj pachapi Diospa ruwasqan uj wasi wiñaypaj tiyapuwanchej. Chaytaj mana runaj ruwasqanchu.

Hebreos 8:2

Chay sacerdoteqa Jesucristo, pichus Diospaj T'aqasqa Cheqapi sacerdote jina ruwananta ruwan, Dioswan Tinkukuna chay cheqa kaj wasipi. Chay wasitaqa Tukuyta Kamachej Dios sayacherqa, mana runachu.

Hebreos 9:11

Chaywanpis Cristo jamunña, aswan allin imakunamanta Kuraj Kaj Sacerdote kananpaj. Maypichus pay imachus ruwananta junt'arqa, chay toldopis aswan sumajllataj. Chay toldoqa mana runaj ruwasqanchu, ajinaqa mana kay pachamantachu.

2 Pedro 1:13

Kay pachapi kawsanaykama noqaj ruwanayqa kay tukuymanta qankunata yuyarichinay kashan.

Apocalipsis 11:19

Jinallapi janaj pachapi kashaj Diospa templon kicharikorqa, chaypitaj Diospa trato ruwasqan arca rikukorqa. Chaypachallataj lliuj lliujkuna, jatunmanta parlaykuna, qhon qhonkuna, jallp'a ikhakuy, chantá manchay chijchi para ima karqa.

Apocalipsis 15:5

Chaymantataj noqaqa janaj pachapi templota kicharisqata rikorqani, Dioswan Tinkukuna Toldota.

Apocalipsis 21:3

Jinapi kamachina tiyanamanta jatunmanta qhaparejta uyarerqani: Kunan Diosqa ayllun chawpipi kanqa, paykunawan khuskataj tiyakullanqapuni. Paykuna Diospa ayllun kanqanku, Diostaj Diosninku kanqa.