Éxodo 36:2 - DIOSPA QHELQACHISQ

² Chantá Moisesqa Besalelta, Aholiabta, chantá tukuy imata ruwayta yachajkunatawan ima wajyarqa. Paykunaman Tata Diosqa tukuy imata ruwayta atinankupaj yuyayta, yachayta qosqa. Paykunataj sonqomanta munaspa imatapis ruwanapi yanapakunankuta, nerqanku.

Qheshwa Biblia DC

² Moisesqa wajyarqa Bezaleelta, Aholiabta, tukuy yachayniyojkunatawan, pikunamanchus Señor qorqa yachayta tukuy sonqo imastapis k'achitusta ruwanankupaj. Paykuna kikinkutaj nerqanku Señorpaj imastapis tukuy sonqo ruwanankuta, chaykunatawan.

DIOSPA QHELQACHISQAN DEUTEROCANONICAL

² Chantá Moisesqa Besalelta, Aholiabta, chantá tukuy imata ruwayta yachajkunatawan ima wajyarqa. Paykunaman Tata Diosqa tukuy imata ruwayta atinankupaj yuyayta, yachayta qosqa. Paykunataj sonqomanta munaspa imatapis ruwanapi yanapakunankuta, nerqanku.

Éxodo 36:2 ပူးပေါင်းရင်းမြစ်များ

1 Crónicas 28:21

Tukuy sacerdotewan, levitakunawan ima Tata Diospa Templonpi ruwanankuta junt'anankupaj mit'ankupi t'aqasqaña kashanku. Paykunaqa ruwayta tukunaykikama yanapasonqanku. Jinallataj tukuy imaymanata ruwanankupaj yuyayniyoj kajkunapis sonqomanta munaspa yanapasonqanku. Kamachejkunapis, tukuynin israelitakunapis tukuy kamachisqaykita kasusonqanku, nispa.

1 Crónicas 29:5

Qollarqanitaj qorita, qorimanta imakunata ruwanapaj, qolqe metaltataj qolqe metalmanta imakunata ruwanapaj, chaywan tukuy imaymanata ruwayta yachajkuna ruwanankupaj. Ajinaqa, pitaj qankunamanta tiyapusqanmanta tukuy sonqo Tata Diosman qoyta munanmanri? nispa.

Éxodo 25:2

Israelitakunata niy noqapaj t'aqasqa ofrendata apamunawankuta. Tukuy pichus ofrendata apamuyta munajkunaqa tukuy sonqomanta apamuchunku.

Éxodo 25:40

Tukuy chaykunataqa Sinaí orqopi rikuchisqayman jina ruwanki.

Éxodo 28:3

Chaypajqa yachayniyojkunawan parlay, pikunamanchus yachayta, yuyayta qoni, chaykunawan. Paykuna Aaronpaj p'achata ruwaponqanku, noqapaj t'aqasqa sacerdotey kananpaj.

Éxodo 31:6

Ajllallanitaj Besalelta yanapananpaj Dan jatun ayllumanta Ajisamacpata churin Aholiabta. Chay waj yachayniyojkunamanpis astawan yachayta qollanitaj, qanman kamachisusqayta tukuyninta ruwanankupaj.

Éxodo 35:10

Chantá tukuy ima ruwayta yachajkuna imatachus Tata Dios kamachin, chaykunata ruwanankupaj jamuchunku:

Éxodo 35:2

Sojta p'unchayta llank'ankichej, qanchis kaj p'unchaypitaj samarinkichej, Tata Diospaj t'aqasqa p'unchay kasqanrayku. Pillapis chay p'unchaypi ruwananta ruwajqa wañuchisqa kanqa.

Éxodo 36:1

Chantá Moisés nillarqataj: Ajinata Besalelwan, Aholiabwan, chantá tukuy imata ruwayta yachajkuna ima, Dioswan Tinkukuna Toldopaj tukuy imata ruwanqanku, Tata Dios yuyayta, yachayta qosqanman jina. Chay tukuy imatataj Tata Diospa kamachisqanman jina ruwanqanku.

Éxodo 36:3

Chantá Moisés israelitakunaj apamusqanku tukuy ofrendata paykunaman qorqa, chaywan Dioswan Tinkukuna Toldopi imakunachus kanan karqa, chaykunata ruwanankupaj. Chaykamatajrí, israelitakunaqa sapa paqarin sonqomanta munaspa, ofrendata apamushallarqankupuni.

Hechos 14:23

Jinallataj sapa iglesiapi kurajkunata churarqanku. Ayunaspa, Diosmanta mañakuspataj, Pablowan Bernabewan Diospa makinman chay kurajkunata churarqanku, pipichus atinikusqanku, chaypaman.

Colosenses 4:17

Arquipota niripuwaychej: Tukuyta Kamachej Jesusmanta ima ruwanatachus jap'isqaykita allinta junt'ay, nispa.

Hebreos 5:4

Mana pipis munasqanraykullaqa kuraj kaj sacerdote kayta atinmanchu. Manachayqa Diospuni payta wajyaspa, kuraj kaj sacerdote kananpaj churan, imaynatachus Diosqa Aaronta wajyaspa churarqa, ajinata.