Éxodo 33:9 - DIOSPA QHELQACHISQ

⁹ Toldoman Moisés yaykojtinkamataj, sayashaj chhoqo phuyu urayk'amuspa, toldoj punkunpi sayaj. Chantá chaypi Tata Diosqa Moiseswan parlaj karqa.

Qheshwa Biblia DC

⁹ Moisés, Dioswan tinkukuna toldoman yaykojtinkamataj, sayashaj phuyu punkuman uraykamoj, chay phuyu chaupipitaj Señorqa Moisesman parlarqa.

DIOSPA QHELQACHISQAN DEUTEROCANONICAL

⁹ Toldoman Moisés yaykojtinkamataj, sayashaj chhoqo phuyu urayk'amuspa, toldoj punkunpi sayaj. Chantá chaypi Tata Diosqa Moiseswan parlaj karqa.

Éxodo 33:9 ပူးပေါင်းရင်းမြစ်များ

Génesis 17:22

Chantá Diosqa Abrahamwan parlayta tukuytawan, chaymanta riporqa.

Génesis 18:33

Chantá Tata Dios ajinata Abrahamwan parlaytawan, chaymanta riporqa. Abrahamtaj toldonman kutiporqa.

Salmos 99:7

Tata Diosqa phuyu ukhumanta paykunawan parlarqa, paykunataj nisqanta junt'arqanku, tukuy kamachisqantataj kasorqanku.

Éxodo 25:22

Chaypi qanman rikhurisqayki, chantá Khuyakuyta Tarina nisqamanta, arca patapi kashanku, chay querubinkunaj chawpinmanta qanwan parlasaj. Willasqaykitaj israelitakunaman imatachus kamachisqayta.

Éxodo 31:18

Tata Diosqa Sinaí Orqopi Moiseswan parlayta tukuytawan, kamachisqakunata p'alta rumipi qhelqasqata Moisesman qorqa. Chay kamachisqakunataqa kikin Diospuni makinwan qhelqarqa.

Éxodo 33:10

Dioswan tantakuna toldo punkupi phuyuta sayashasqanta rikuspataj, tukuy israelitakuna toldonku punkupi pampakama k'umuykuspa, Diosta yupaychaj kanku.

Éxodo 33:11

Chaypi Tata Diosqa uyapura Moiseswan parlaj, imaynatachus pillapis kawsaqenwan parlarikun, ajinata. Dioswan parlaytawantaj, Moisesqa jaraman kutimoj. Moisespa yanapajnin Nunpata churin Josuetajrí, nipuni jayk'ajpis Dioswan tantakuna toldomanta kuyurejchu.

Éxodo 33:8

Israelitakuna Moisesta toldoman rishajta rikuspa, tukuyninku toldonku punkupi sayarikoj kanku. Chantá Moisés Dioswan tantakuna chay toldoman yaykunankama qhawaj kanku.

Éxodo 34:3

Qanwan mana ni pipis wicharimunanchu tiyan, nitaj pipis orqopi kananchu tiyan. Nillataj israelitakuna ovejata, nitaj wakatapis orqoj muyuyninpi michinankuchu tiyan, nispa.

Éxodo 34:5

Tata Diostaj phuyupi urayk'amuspa, Moiseswan karqa. Chantá Tata Diosqa paypa sutinta rejsicherqa.

Éxodo 34:9

Diosníy, sichus khuyarikuspa qhawarinawaykita tarini chayqa, noqaykuwan riy ari. Kay runakunaqa mana uyarikuyta munaj kanku. Chaywanpis millayta ruwaspa purisqaykuta, juchaykuta ima pampachapuwayku, jinaspataj, aylluykita jina jap'ikapuwayku, nispa.

Ezequiel 3:22

Chaymantataj Tata Dios makinta patayman churaykuwaspa niwarqa: Sayarispa, pampaman riy, chaypitaj parlasqayki, nispa.

Números 11:17

Noqataj chayman urayk'amuspa, qanwan parlasaj. Chantá qanpi kaj espirituta paykunamanpis qollasajtaj, paykuna kay runakunata pusayta yanapasunankupaj. Ajinamanta qanqa manaña sapallaykichu pusanki.

Números 7:89

Chay qhepata Moisés Tata Dioswan parlananpaj, Dioswan Tinkukuna Toldoman yaykorqa. Chantá Moisesqa Dioswan trato ruwasqa arca patapi querubinkunaj chawpinmanta Tata Diospa parlamusqanta uyarerqa, nispa.

Deuteronomio 31:14

Chantá Tata Diosqa Moisesta nillarqataj: Wañupunayki qayllallapiña kashan. Ajinaqa Josueta wajyay, chantá iskayniykichej Dioswan Tinkukuna Toldoj pationpi suyawaychej. Noqataj payman imatachus ruwananta kamachisaj, nispa. Chantá Moiseswan, Josuewan ima Dioswan Tinkukuna Toldoman rerqanku.

Deuteronomio 31:15

Chaypitaj Tata Dios sayashaj phuyu ukhupi paykunaman rikhurerqa, chay phuyutaj Dioswan Tinkukuna Toldo punkupi sayarqa.