Éxodo 33:4 - DIOSPA QHELQACHISQ

⁴ Israelitakunaqa Tata Dios k'araj simiwan parlasqanta uyarispa, mayta llakikorqanku. Chayrayku ni pipis jaluchuta churakuspa k'achanchakorqankuchu,

Qheshwa Biblia DC

⁴ Señorpa sinch'i palabranta uyarispa israelitasqa mayta llakikorqanku, ni mayqenninku ima k'achanchakunasninta churakorqankuchu.

DIOSPA QHELQACHISQAN DEUTEROCANONICAL

⁴ Israelitakunaqa Tata Dios k'araj simiwan parlasqanta uyarispa, mayta llakikorqanku. Chayrayku ni pipis jaluchuta churakuspa k'achanchakorqankuchu,

Éxodo 33:4 ပူးပေါင်းရင်းမြစ်များ

2 Samuel 19:24

24 (25) Jinapi Saulpa allchhin Mefibosetpis llojsillarqataj kuraj kamachejta taripamunanpaj. Kuraj kamachej llojsisqanmantapacha walejlla kutimpunankama, Mefibosetqa chakinta mana mayllakusqachu, nitaj sunkhantapis k'utukusqachu, nillataj p'achantapis t'ajsakusqachu.

1 Reyes 21:27

Kuraj kamachej Ajabrí Diosmanta sut'inchajpa nisqanta jap'ikorqa. Chayrayku sinch'i llakisqa kasqanmanta yachayta qospa, p'achanta llik'ikorqa, qhashqa p'achata churakuspataj, mana imatapis mikhorqachu. Ajina qhashqa p'achayoj puñorqa, phutisqataj purerqa.

2 Reyes 19:1

Kuraj kamachej Ezequías chayta uyarispa, p'achanta llik'irakorqa, qhashqa p'achata churaykukuspataj, Tata Diospa Templonman rerqa.

Esdras 9:3

Chayta uyarejtiy, sonqoy nanawarqa, chayraykutaj p'achayta llik'ikorqani, chujchayta, sunkhaytawan sik'irakorqani, manchay phutisqataj tiyaykukorqani.

Job 1:20

Chayta uyariytawan, Jobqa manchay llakisqa sayarispa, p'achanta llik'irakorqa, chujchantapis raphakorqa. Chantá pampakama k'umuykukuspa, Diosta yupaycharqa.

Job 2:12

Job tiyakorqa, chaynejman chayaspataj, karullamantaraj ñak'ayllata Jobta rejserqanku. Chayrayku qhaparispa, waqarqanku, p'achankutapis llik'irakorqanku, jallp'atataj umankuman qhallirakorqanku.

Éxodo 33:6

Chayrayku israelitakunaqa Horeb orqopi tukuyninku jaluchunkukunata orqhokorqanku, chaymantapachataj manaña churakorqankuchu.

Isaías 32:11

Qankuna, ni imamanta llakikoj warmikuna kharkatitiychej, mana imamanta llakiyniyoj warmikuna, pawichikuychej. K'achitu p'achaykichejta lluch'ukuspa, qhashqa p'achata churakuychej, llakisqa kasqaykichejta rikuchinaykichejpaj.

Ezequiel 24:17

Sonqollaykipi waqay, amataj llakiy p'achata churakuychu. Umaykita mayt'ukuy, juk'utaykitapis churaykukuy. Uyaykitapis ama qhatakuychu. Llakiypi kashaspa imatachus mikhunku, chay mikhunata amallataj mikhuychu, nispa.

Ezequiel 24:23

Umaykichejta mayt'ukunkichej, juk'utaykichejtapis churakunkichej. Chay p'unchayqa mana llakikunkichejchu, nitaj waqankichejchu. Manachayqa millay ruwasqaykichejkunarayku pisi kallpayojman tukunkichej, tukuytaj jik'un jik'unta waqapayanakunkichej.

Ezequiel 26:16

Chay suyukunaj kuraj kamachejninkukunataj kamachinanku tiyanamanta urayk'onqanku, poncho jina qhatanankuta orqhokonqanku, k'acha awakipasqa p'achankutataj lluch'ukonqanku. Qanta rikuspataj, sinch'i manchariywan kharkatitenqanku, pampapitaj chukonqanku.

Oseas 7:14

Puñunankupi sonqo nanayta waqanku chaypis, mana tukuy sonqochu mañakuwanku. Ukhunkutapis khuchurakuspa, trigota, vinotawan mañakuwanku. Chaywanpis contraypi oqharikullankupuni.

Levítico 10:6

Chaymanta Moisesqa Aaronta, chantá Eleazarta, Itamartawan ima nerqa: Ama mana ñajch'asqaqa kaychejchu, nitaj p'achaykichejtapis llik'ikuychejchu wañusqakunarayku llakisqa kasqaykichejta rejsichispa. Sichus chayta ruwankichej chayqa, qankunapis wañuchisqallataj kankichej, Tata Diostaj israelitakunapaj k'arajta phiñakonqa. Ayllu masiykichej israelitakunalla Tata Dios Nadabta, chantá Abiutawan ima ninawan ruphachisqanmanta waqachunku.

Jonás 3:6

Niniveta kuraj kamachejpis Jonaspa willasqanmanta yachaspa, kamachinan tiyanamanta urayk'orqa. Chantá kamachinan p'achata lluch'ukuspa, qhashqa p'achata churaykorqa, ushpha patapitaj tiyakorqa.

Zacarías 7:3

Jinapi, Tukuy Atiyniyoj Tata Diospa Templonpi kaj sut'inchajkunata, jinataj sacerdotekunata tapoj rispa, nerqanku: Sapa wata phishqa kaj killapi noqayku qhashqa p'achawan p'achallikuspa, ayunallasqaykupunichu, imaynatachus kunankama ayunayta yachayku, jinata? nispa.

Zacarías 7:5

Kayta niy tukuy aylluyman, jinataj sacerdotekunamanpis: Qankuna phishqa kaj killapi, qanchis kaj killapipis, qanchis chunka watataña qhashqa p'achata churakuspa, ayunaj kankichej. Chaywanpis mana noqata jatunchanawaykichejpajchu chayta ruwarqankichej. Jinallatataj qankuna raymikunapi mikhuspa, ujyaspapis, chaytapis qankunallapaj ruwankichej.

Números 14:1

Chantá chayta uyarispa, israelitakunaqa waqaspa qhaparerqanku, mayta waqaspataj sut'iyarqanku.

Números 14:39

Moisés Tata Dios imatachus nisqanta israelitakunaman willajtin, tukuyninku maytapuni llakikorqanku.

1 Samuel 6:19

Chaywanpis Bet Semes llajtapi tiyakojkunamanta wakinta Tata Dios wañucherqa, paypa arcan ukhupi imachus kasqanta rikuyta munaspa qhawaykusqankurayku. Chaypacha qanchis chunka runakunata wañucherqa. Chayrayku Bet Semespi tiyakojkunaqa Tata Dios chay chhikatapuni wañuchisqanmanta waqarqanku.