Éxodo 32:9 - DIOSPA QHELQACHISQ

⁹ Chay jawa Tata Diosqa Moisesta nillarqataj: Noqa yachaniña kay runakuna rumi sonqo kasqankuta.

Qheshwa Biblia DC

⁹ Señorqa Moisesman astawan nerqa: Noqa cheqamanta kay runasta rikuni, paykunaqa rumi sonqos kanku.

DIOSPA QHELQACHISQAN DEUTEROCANONICAL

⁹ Chay jawa Tata Diosqa Moisesta nillarqataj: Noqa yachaniña kay runakuna rumi sonqo kasqankuta.

Éxodo 32:9 ပူးပေါင်းရင်းမြစ်များ

2 Reyes 17:14

Paykunarí mana kasorqankuchu, astawanpis ñawpa tatankukuna jina sonqonkuta rumiyacherqanku, pikunachus Tata Diospi mana atinikusqankuchu, chaykuna jina.

2 Crónicas 30:8

Chayrayku ama ñawpa tataykichejkuna jina rumi sonqo kaychejchu. Tata Diosta kasuychej, Diospa Templonmantaj yupaychaj jamuychej, mayqentachus Tata Dios wiñaypaj payllapaj t'aqakusqa, chayman. Ajinata Tata Diosniykichejta qhatikuychej, paytaj qankunapaj manaña chay jina phiñasqachu kanqa.

Nehemías 9:16

Chaywanpis paykunawan, ñawpa tataykukunawan imaqa may machu machu, rumi sonqotaj karqanku, manataj kamachisqaykitaqa kasorqankuchu.

Nehemías 9:17

Mana kasukuyta munarqankuchu, nitaj yuyarikorqankuchu t'ukuna imakunata paykunata khuyaspa ruwasqaykimanta. Aswanpis may rumi sonqo kasqankurayku, Egiptopi wata runa kayman kutiripunankupaj uj kamachejta churakorqanku. Chaywanpis qanqa juchata pampachayta yachaj Diosmin kanki, llamp'u sonqo, khuyakuyniyoj, munakuyniyojtaj. Chayrayku paykunataqa mana saqerparerqankichu.

Salmos 78:8

ama ñawpa tatankukuna jina kanankupaj. Ñawpa tatankukunaqa Diospa contranta oqharikojkuna karqanku, sonqonkupitaj iskayta yuyajkuna, Diosta mana kasojkuna ima.

Éxodo 33:3

Qankunaqa riychej, maypichus lechewan, abeja misk'iwan yaku jina purishan, chay jallp'aman. Noqarí mana qankunawanchu risaj, ama qankunata chawpi ñanpi chinkarparichinaypaj, imajtinchus qankunaqa ancha rumi sonqo kankichej, nispa.

Éxodo 33:5

imaraykuchus Tata Diosqa Moisesta nisqa: Israelitakunata niy: Qankunaqa uyarikunapaj joq'ara kankichej. Uj chhikantachus qankunawan riyman chayqa, usqhayllata qankunata tukurparichiykichejman. Kunanpacha jaluchuykichejta orqhokuychej. Ajinapi noqa yachasaj qankunawan imatachus ruwanayta, nispa.

Éxodo 34:9

Diosníy, sichus khuyarikuspa qhawarinawaykita tarini chayqa, noqaykuwan riy ari. Kay runakunaqa mana uyarikuyta munaj kanku. Chaywanpis millayta ruwaspa purisqaykuta, juchaykuta ima pampachapuwayku, jinaspataj, aylluykita jina jap'ikapuwayku, nispa.

Proverbios 29:1

Pichus k'amejtinku k'ullukuspa mana uyarikuyta munanchu, chay runaqa ujllata chinkachisqa kanqa, mana ujtawan sayarinanpaj jina.

Isaías 48:4

Chay ajina karqa k'ullu kasqaykichejta yachasqayrayku. Kunkaykichejqa fierro jina mana kuyurej, umaykichejpis bronce jina sinch'illataj.

Jeremías 13:27

Khuchichakuypi purisqaykita rikuni, q'oñiriyniyki jap'isojtin, mana p'enqakuspa, phisu warmi jina purisqaykita. Orqokunapi, jinallataj pampapipis wasanchasqaykita rikullanitaj. Ay, Jerusalén, qanmanta imachus kanqa. Mayk'ajkamataj chay jina ch'ichipaj qhawasqa kallankipuniri? nispa.

Oseas 6:10

Noqatajrí Israel suyupi millay ruwasqankuta rikuni. Efrainqa ujwantaj ujwantaj khuchichakorqa, Israelpis chayllawantaj ch'ichichakorqa.

Números 14:11

Chantá Tata Dios Moisesta nerqa: Mayk'ajkamataj kay runakuna noqata pisipaj qhawawanqankuri? Paykunaj rikunankuta t'ukuna imakunata ruwashajtiypis, mayk'ajkamataj mana noqapi atinikuyta munanqankuchuri?

Hechos 7:51

Esteban nillarqataj: Qankunarí Diosta mana kasukoj rumi sonqo, mana uyarej kankichej. Chayrayku qankunapis ñawpa tatanchejkuna jina Santo Espirituta mana uyariyta munankichejchu.

Deuteronomio 10:16

Chayrayku sonqoykichejmanta tukuy mana allin kajta wijch'uychej. Amataj mana uyarikuyta munaj k'ullu kaychejchu.

Deuteronomio 31:27

Noqa yachani qankunaqa mana kasukoj rumi sonqo kasqaykichejta. Qankunaqa noqa kawsashajtillayraj Tata Diosta mana kasorqankichejchu. Q'aya minchha noqa wañupojteyqa, astawanrajchá mana kasunkichejchu.

Deuteronomio 9:13

Tata Dios nillawarqataj: Noqa yachaniña kay runakuna mana kasukuyta munaj, k'ullu kasqankuta.

Deuteronomio 9:6

Kayta sut'ita yachaychej: Manamin qankuna allinta ruwasqaykichejraykuchu chay sumaj jallp'ata jap'inaykichejpaj Tata Diosniykichej qoshasunkichej. Chayta niykichej imaraykuchus qankunaqa mana uyarikuyta munajkuna kankichej.