Éxodo 32:8 - DIOSPA QHELQACHISQ

⁸ Paykunaqa kamachisqaymanta usqhayllata t'aqakuspa, qorita unuyachinku waka uña lantita ruwakunankupaj. Chaymantataj lanti ruwakusqankuman q'olachisqa jaywanata jaywaspa, yupaychashanku, nishankutaj: Israelitakuna, kaymin Egiptomanta orqhomuwarqanchej, chay diosninchejqa, nispa.

Qheshwa Biblia DC

⁸ Paykunaqa usqhayllata t'aqarpayakunku ima ñantachus noqa nerqani rinankuta chaymanta. Qorimanta unuyachispa ruwakunku uj waka uñata. Chayta paykunaqa yupaychashanku rikuchikusta jaywaspa, nispataj: “Israelitas, kayqa diosniykichej, pichus Egipto jallp'amanta orqhomusorqachej, chay”, nispa.

DIOSPA QHELQACHISQAN DEUTEROCANONICAL

⁸ Paykunaqa kamachisqaymanta usqhayllata t'aqakuspa, qorita unuyachinku waka uña lantita ruwakunankupaj. Chaymantataj lanti ruwakusqankuman q'olachisqa jaywanata jaywaspa, yupaychashanku, nishankutaj: Israelitakuna, kaymin Egiptomanta orqhomuwarqanchej, chay diosninchejqa, nispa.

Éxodo 32:8 ပူးပေါင်းရင်းမြစ်များ

1 Reyes 12:28

Chayrayku yuyaychajninkunawan parlarikuspa, qorimanta iskay waka uña lantikunata ruwacherqa. Chantá israelitakunata nerqa: Ashkha kutitaña qankuna Jerusalenman rinkichej. Kaykunamin Egiptomanta orqhomoj diosniykichejkunaqa, nispa.

Nehemías 9:18

Qorita unuyachiytawan, uj waka uñata ruwakuspa, nerqanku: Kaymá Egiptomanta orqhomuwarqanchej, chay Dios, nispa. Chayta ruwaspa chay chhika millay juchata ruwarqanku.

Salmos 106:19

Horeb orqopi qorimanta uj torillota ruwakorqanku, chay jina millay lantimantaj qonqorikorqanku.

Salmos 78:36

Chaywanpis paykuna misk'i simillankuwan Diosta parlapayaj kanku, llullakoj ima kanku.

Éxodo 20:23

Ama qolqe metalmanta, nitaj qorimanta dioskunata ruwakuspa, noqata jina yupaychankichejchu.

Éxodo 22:20

20 (19) Pichus uywa ñak'asqata Tata Diosllaman jaywananta, waj dioskunallaman jaywajqa wañuchisqa kanqa.

Éxodo 32:4

Paytaj jap'ispa qorita ninapi unuyacherqa. Chaymantataj cincelwan t'illmispa, waka uñaman rijch'akoj lantita ruwarqa. Chantá israelitakuna waka uña lantita rikuspa nerqanku: Israelitakuna, kaymin Egiptomanta orqhomuwarqanchej, chay diosninchejqa, nispa.

Éxodo 34:15

Chayrayku chay cheqanejpi tiyakojkunawan amapuni ima tratotapis ruwakunkichejchu. Paykunaqa millayta ruwaspa, diosninkuta yupaychayta yachanku. Chantá uywa ñak'asqata diosninkuman jaywashaspa, qankunata wajyasunkichejman. Qankunataj rispa, paykunawan khuska diosninkuman jaywasqa mikhunata mikhuspa wasanchawankichejman.

Isaías 46:6

Wakinkunaqa wayaqankumanta qorita orqhonku, chayrí qolqe metalta romanapi aysanku. Chaymantataj lanti ruwajta mink'aspa, lantita ruwachinku. Chantá chay ruwasqa diosman qonqorikuspa, payta yupaychanku.

Jeremías 31:32

Chay mosoj tratoqa mana ñawpa tatankuwan ruwarqani jinachu kanqa. Chay tratota paykunawan ruwarqani, maypachachus Egiptomanta paykunata orqhomorqani makinkumanta jap'ispa, chaypacha. Chaywanpis noqa qosanku jina kashajtiypis, paykunaqa trato ruwasqayta mana junt'arqankuchu. Noqa Tata Diosmin chayta nini.

Levítico 17:7

Ajina kanqa amaña chivoman rijch'asqa lantikunaman uywata ñak'aspa jaywanankupaj. Chaykunata yupaychaspa, israelitakunaqa sajra purikoj warmi jina ch'ichichakorqanku. Kay kamachisqaqa qankunapaj, jinataj mirayniykichejpajpis wiñaypaj kanqa.

Deuteronomio 32:17

Diosman uywata ñak'aspa jaywanankutaqa, supaykunallaman jaywarqanku. Mana jayk'aj rejsisqanku dioskunaman, chaypachalla ruwasqa dioskunaman, tatankoj ni jayk'aj yupaychasqanku lantikunaman jaywarqanku.

Deuteronomio 9:12

Chantá niwarqa: Kunanpacha kaymanta urayk'uy, imaraykuchus Egiptomanta orqhomusqayki runakunaqa manakajta ruwashanku. Noqaj kamachisqayta manaraj imapi qonqaspa, qorimanta uj lantita ruwakunku, nispa.

Deuteronomio 9:16

Chantá qankuna Tata Diosniykichejpa contranta juchallikusqaykichejta rikorqani. Qankunaqa Tata Diospa kamachisqanta manaraj imapi qonqaspa, qorimanta uj waka uña lantita ruwakusqankichej.

Josué 22:15

Galaadman chayaspataj, Rubén jatun aylluman, Gad jatun aylluman, chantá Manasespa khuskan jatun aylluman ima nerqanku:

Jueces 2:17

Chaywanpis israelitakunaqa manapuni kasorqankuchu chay juezkunataqa, manachayqa Tata Diosta wasanchaspa, waj dioskunata yupaycharqanku. Ñawpa tatankukunaqa Tata Diospa kamachisqanta kasukuspa kawsakusqanku. Paykunarí manaraj imapi Tata Diosta wasancharqanku.

Jueces 8:24

Chaywanpis noqa munayman madianita wañusqa soldadokunamanta qhechusqaykichej walqakunamanta wakinta qonawaykichejta, nispa. Chay qori walqata madianitakunaqa churakuyta yachaj kanku, Ismaelpa ayllunmanta kasqankurayku.