Éxodo 32:7 - DIOSPA QHELQACHISQ

⁷ Chantá Sinaí orqopi Tata Dios Moisesta nerqa: Kunanpacha kay orqomanta urayk'uy, imaraykuchus Egiptomanta orqhomusqayki runakunaqa millayta ruwashanku.

Qheshwa Biblia DC

⁷ Señortaj Moisesman nerqa: Kunanqa riy, uraykuy, imaraykuchus Egiptomanta orqhomusqayki runasqa millayta juchallikunku.

DIOSPA QHELQACHISQAN DEUTEROCANONICAL

⁷ Chantá Sinaí orqopi Tata Dios Moisesta nerqa: Kunanpacha kay orqomanta urayk'uy, imaraykuchus Egiptomanta orqhomusqayki runakunaqa millayta ruwashanku.

Éxodo 32:7 ပူးပေါင်းရင်းမြစ်များ

2 Crónicas 27:2

Yotanqa Tata Diospa munayninman jina cheqanta ruwarqa, tatan Uziaspa ruwasqanta jina. Chaywanpis Tata Diospa Templonmanqa mana yaykorqachu. Jinapis israelitakunaqa juchallispallapuni karqanku.

Salmos 78:36

Chaywanpis paykuna misk'i simillankuwan Diosta parlapayaj kanku, llullakoj ima kanku.

Éxodo 19:24

Tata Diostajrí Moisesta nerqa: Qan urayk'uy, chantá qan, Aaronwan ima kayman kutimunkichej. Sacerdotekunawan, runakunawanrí señalta pasaspa, noqa kashani, chayman ama wicharimuchunkuchu. Wicharimunkuman chayqa, noqa paykunata wañurachiyman, nispa.

Éxodo 32:1

Moisés Sinaí orqomanta mana usqhayta urayk'amusqanrayku, israelitakuna tantakuspa, Aaronta nerqanku: Egiptomanta orqhomuwarqayku, chay Moiseswan imachus kasqanta mana yachaykuchu. Chayrayku ñawpaqeykuta rispa pusanawaykupaj, dioskunata ruwapuwayku, nispa.

Éxodo 32:11

Moisestajrí chayta uyarispa, Tata Diosninmanta mañakorqa: Tata Dios, imaraykutaj aylluykej contranpi chay jina k'arajtapuni phiñakuwajri? Qanmin paykunata sinch'i atiyniykiwan tukuy imaymana t'ukunata ruwaspa, Egiptomanta orqhomorqanki.

Éxodo 32:4

Paytaj jap'ispa qorita ninapi unuyacherqa. Chaymantataj cincelwan t'illmispa, waka uñaman rijch'akoj lantita ruwarqa. Chantá israelitakuna waka uña lantita rikuspa nerqanku: Israelitakuna, kaymin Egiptomanta orqhomuwarqanchej, chay diosninchejqa, nispa.

Éxodo 33:1

Tata Dios Moisesta nerqa: Qanwan chantá, Egiptomanta orqhomorqanki, chaykunawan khuska kaymanta puririychej, noqa Abrahamman, Isaacman, Jacobmanwan ima tiluspa nerqani: Mirayniykichejman kay jallp'ata qosaj, nispa, chayman.

Isaías 1:4

Ay, juchasapa israelitakuna, qankuna mana allin ruwaykunawan q'epirisqa ayllu kankichej. Millay ruwajkunaj miraynin kankichej, mana p'enqakoj churikunataj. Qankuna Tata Diosta saqerparinkichej, jinataj Israelpa may llimphu kaj Diosninta pisipaj qhawankichej. Payta wasanchaspataj karunchakunkichej.

Daniel (hebreo) 9:24

Diosqa qanchis chunka semanata t'aqan israelitakunawan, Diospaj t'aqasqa llajtanwan ima Diospa contranta oqharikusqankumanta kutirikunankupaj, juchallisqankumanta, millay ruwasqankumantataj qhespichisqa kanankupaj ima. Chaymantataj Diosqa cheqan kajta wiñaypaj sayachenqa. Ajinata mosqoypi jina rikusqayki, sut'inchajkunaj willasqanku ima junt'akonqa, may llimphu cheqapis Diosllapaj t'aqasqa kanqa.

Oseas 9:9

Imaynatachus ñawpa israelitakuna Gabaa llajtapi ruwasqanku, jinallatataj qankunapis millayta juchallinkichej. Chaywanpis Diosqa millay ruwasqaykichejta mana qonqanqachu, manachayqa juchallikusqaykichejmanta jasut'isonqachej.

Deuteronomio 31:29

Noqa yachani wañupusqaymanta qhepaman qankunaqa manaña Diosta kasunaykichejta, yachachisqaytapis mana kasuta ruwanaykichejta. Yachallanitaj qhepamanqa sinch'i llakiykuna qhatirisunaykichejta, Tata Diospa ñawpaqenpi mana allin kajta ruwasqaykichejrayku, millayta ruwaspataj, payta phiñachisqaykichejrayku, nispa.

Deuteronomio 32:5

Millay ch'ichi sajra sonqo runakuna, Diosta phiñachejkuna, qankunaqa mana Diospa wawan kanaykichejpaj jinachu kankichej.

Deuteronomio 4:16

Amapuni ni qhariman, nitaj warmiman rijch'akoj lantita ruwaspa, mana allinta ruwanaman qokunkichejchu.

Deuteronomio 9:12

Chantá niwarqa: Kunanpacha kaymanta urayk'uy, imaraykuchus Egiptomanta orqhomusqayki runakunaqa manakajta ruwashanku. Noqaj kamachisqayta manaraj imapi qonqaspa, qorimanta uj lantita ruwakunku, nispa.

Deuteronomio 9:8

Horeb orqopipis Tata Diosta phiñachillarqankichejtaj. Payqa qankunapaj k'arajta phiñakuspa, tukuchisunaykichejpajña kasharqa.

Jueces 2:19

Juezninku wañupojtintajrí, watejmanta israelitakuna juchallillajtaj kanku, ñawpa tatankumanta astawanraj waj dioskunata qhatispa, chantá yupaychaspa ima. Manapuni t'aqakorqankuchu millayta ruwaspa kawsanamanta nitaj mana uyarikoj kanamanta.