Éxodo 32:4 - DIOSPA QHELQACHISQ

⁴ Paytaj jap'ispa qorita ninapi unuyacherqa. Chaymantataj cincelwan t'illmispa, waka uñaman rijch'akoj lantita ruwarqa. Chantá israelitakuna waka uña lantita rikuspa nerqanku: Israelitakuna, kaymin Egiptomanta orqhomuwarqanchej, chay diosninchejqa, nispa.

Qheshwa Biblia DC

⁴ Paytaj chaykunata jap'iytawan, tukuyninta ujllaman unuyarpachiytawan cincelwan uj waka uñata ruwarqs. Chaymantataj nerqanku: “Israelitas, kayqa Diosniykichej, pichus Egiptomanta orqhomusorqachej chay”, nispa.

DIOSPA QHELQACHISQAN DEUTEROCANONICAL

⁴ Paytaj jap'ispa qorita ninapi unuyacherqa. Chaymantataj cincelwan t'illmispa, waka uñaman rijch'akoj lantita ruwarqa. Chantá israelitakuna waka uña lantita rikuspa nerqanku: Israelitakuna, kaymin Egiptomanta orqhomuwarqanchej, chay diosninchejqa, nispa.

Éxodo 32:4 ပူးပေါင်းရင်းမြစ်များ

1 Reyes 12:28

Chayrayku yuyaychajninkunawan parlarikuspa, qorimanta iskay waka uña lantikunata ruwacherqa. Chantá israelitakunata nerqa: Ashkha kutitaña qankuna Jerusalenman rinkichej. Kaykunamin Egiptomanta orqhomoj diosniykichejkunaqa, nispa.

1 Reyes 12:32

Chantá Jeroboanqa pusaj kaj killapi, chunka phishqayoj p'unchay kajpi kamacherqa Betelpi uj raymita ruwanankuta, imaynatachus jatun raymita Judapi ruwaj kanku, ajinata. Jinataj altar patapi waka uña lanti ruwasqaman uywa ñak'asqata jaywarqa. Kamachillarqataj loma patapi yupaychana wasikunata ruwachisqanpaj sacerdote kanankuta.

2 Reyes 10:20

Chantá Jehú nillarqataj: Baalpa sutinpi jatun raymita ruwanapaj uj p'unchayta ajllaychej, nispa. Paykunataj chay p'unchaypaj runakunata wajyacherqanku.

2 Reyes 10:29

Chay tukuywanpis Jehuqa Nabatpata churin Jeroboán jina, juchallispallapuni purerqa. Jehuqa israelitakunata juchallicherqa, imajtinchus Betelpi, Danpi ima qorimanta waka uña lantita yupaychallarqapuni.

2 Crónicas 11:15

Jeroboanqa waj sacerdotekunata churakorqa loma pata altarkunapi jaywanankupaj, yupaychaspa ruwachisqan waka uña lantikunata, supaykunatawan, ima.

2 Crónicas 13:8

Kunan qankunaqa Tata Diospa kamachiyninman sayaykuyta munashankichej, mayqenchus Davidpa mirayninnejta kamachishan, chayman. May ashkha kasqaykichejpi atinikushankichej. Jinataj, atinikushallankichejtaj qorimanta waka uñakunata Jeroboán ruwapusorqachej dioskunata jina, mayqenchus qankunawan kashan, chaykunapipis.

Nehemías 9:18

Qorita unuyachiytawan, uj waka uñata ruwakuspa, nerqanku: Kaymá Egiptomanta orqhomuwarqanchej, chay Dios, nispa. Chayta ruwaspa chay chhika millay juchata ruwarqanku.

Éxodo 20:2

Noqa Tata Diosniyki kani, pichus Egiptopi wata runa kashajtiyki orqhomorqayki, chay.

Éxodo 20:23

Ama qolqe metalmanta, nitaj qorimanta dioskunata ruwakuspa, noqata jina yupaychankichejchu.

Éxodo 20:4

Ama ni imaman rijch'akoj lantita ruwakunkichu, ni janajpi kajman, ni kay pachapi kajman, nitaj yakupi kajkunaman rijch'akojta.

Éxodo 28:11

Rumikunapi Israelpa churinkunaj sutinta qhelqanqa jaluchukunata ruwayta yachaj, jinataj sellota jina ruwanqa. Chaymantaqa chay rumikunata qorimanta ruwasqa jap'ichinawan chhitaranki.

Éxodo 28:9

Chantá iskay ónice rumita jap'ispa, chayman Israelpata churinkunaj sutinkuta qhelqanki.

Éxodo 32:1

Moisés Sinaí orqomanta mana usqhayta urayk'amusqanrayku, israelitakuna tantakuspa, Aaronta nerqanku: Egiptomanta orqhomuwarqayku, chay Moiseswan imachus kasqanta mana yachaykuchu. Chayrayku ñawpaqeykuta rispa pusanawaykupaj, dioskunata ruwapuwayku, nispa.

Éxodo 32:24

Noqataj paykunata nerqani: Pejpatachus qorin tiyajtenqa, apamuwaychej, nispa. Paykuna qorita qowarqanku, noqataj ninaman wijch'uykorqani. Jinamanta kay waka uña rikhurerqa, nispa.

Éxodo 32:3

Jinataj israelitakunaqa ninrinkumanta qori jaluchunkuta orqhokuspa, Aaronman jaywarqanku.

Éxodo 32:35

Chaypacha Tata Diosqa israelitakunata wañuchej onqoywan jasut'erqa, Aarón waka uña lanti ruwasqanta yupaychasqankumanta.

Éxodo 32:5

Chantá Aarón chayta rikuspa, waka uñaj ñawpaqenpi uj altarta ruwarqa. Chaymantataj israelitakunata nerqa: Q'aya Tata Diospa sutinpi uj raymita ruwasunchej, nispa.

Éxodo 32:7

Chantá Sinaí orqopi Tata Dios Moisesta nerqa: Kunanpacha kay orqomanta urayk'uy, imaraykuchus Egiptomanta orqhomusqayki runakunaqa millayta ruwashanku.

Éxodo 32:8

Paykunaqa kamachisqaymanta usqhayllata t'aqakuspa, qorita unuyachinku waka uña lantita ruwakunankupaj. Chaymantataj lanti ruwakusqankuman q'olachisqa jaywanata jaywaspa, yupaychashanku, nishankutaj: Israelitakuna, kaymin Egiptomanta orqhomuwarqanchej, chay diosninchejqa, nispa.

Isaías 30:22

Chantá qhesachankichej qolqe metalmanta ruwasqa lantiykichejta, jinallataj qoriwan lluch'isqa lantiykichejtapis. Qankunaqa chaykunata millay ch'ichi thantata jina qhawankichej, ninkichejtaj: Llojsiychej kaymanta, nispa.

Isaías 46:6

Wakinkunaqa wayaqankumanta qorita orqhonku, chayrí qolqe metalta romanapi aysanku. Chaymantataj lanti ruwajta mink'aspa, lantita ruwachinku. Chantá chay ruwasqa diosman qonqorikuspa, payta yupaychanku.

Ezequiel 23:8

Egiptopi kasqanmantapacha khuchichakuypi purisqanta mana saqerqachu, imaraykuchus sipas kashajtillanraj, ashkha runakuna paywan puñuykorqanku. Honranta t'akaspataj, khuchichakuy munayninkuta paypi sajsakorqanku.

Oseas 10:5

Samariamanta runakuna kharkatitinku, jinataj Bet Avenpi torillo lanti chinkachisqa kasqanmanta waqashanku. Chaymantamá chay llajtayojkuna, sacerdotekuna ima waqashanku, maypaj qhawasqanku lantinkuta wajkuna apakapusqankurayku.

Oseas 13:2

Kunanpis juchallikushallankupuni. Qolqe metalta unuyachispa, lantikunata ruwakunku munasqankuman jina. Chantá ninku: Uywa ñak'asqata chaykunaman jaywaychej, nispa. Runakunataj torilloman rijch'akoj lantita much'arinku.

Hechos 17:29

Chayrayku Diospa mirayninchus kanchej chayqa, mana yuyasunmanchu Diosqa qorimanta, qolqe metalmanta, chayrí rumimanta ruwasqa lantiman rijch'akusqanta. Chaykunaqa runaj yuyasqanman jinalla ruwasqa kanku.

Hechos 7:41

Ajinamanta israelitakuna waka uña lantita ruwakorqanku. Jinapitaj uywakunata ñak'aspa, waka uña ruwasqankuman q'olachispa jaywarqanku, chay ruwasqanku lantej sutinpitaj raymita ruwaspa, kusikorqanku.

1 Corintios 10:7

Chayrayku qankunaqa lantikunata ama yupaychaychejchu, imaynatachus paykunamanta wakin yupaycharqanku, jinataqa. Diospa Qhelqachisqanpi nin: Chay runakunaqa mikhunankupaj, chantá ujyanankupaj ima tiyarikorqanku. Chaymantataj tukuy imaymanata ruwaspa kusiririkorqanku, nispa.

Deuteronomio 9:16

Chantá qankuna Tata Diosniykichejpa contranta juchallikusqaykichejta rikorqani. Qankunaqa Tata Diospa kamachisqanta manaraj imapi qonqaspa, qorimanta uj waka uña lantita ruwakusqankichej.

Jueces 8:24

Chaywanpis noqa munayman madianita wañusqa soldadokunamanta qhechusqaykichej walqakunamanta wakinta qonawaykichejta, nispa. Chay qori walqata madianitakunaqa churakuyta yachaj kanku, Ismaelpa ayllunmanta kasqankurayku.

Jueces 8:27

Chantá Gedeonqa chay qorimanta uj lantita ruwaytawan, Ofrá llajtaman churaykorqa. Ajinamanta chay lantita Gedeón ruwachisqanrayku, Tata Diosta wasancharqanku chay llajtayojkuna, jinataj Israel ayllukunapis. Jinallataj Gedeonpajpis, ayllunpajpis misk'ana jina karqa.