Éxodo 32:31 - DIOSPA QHELQACHISQ

³¹ Chantá Moisesqa maypichus Tata Dios kasharqa, chayman kutispa, nerqa: Israelitakunaqa qorimanta diosta ruwakuspa, jatunta juchallinku.

Qheshwa Biblia DC

³¹ Ajinamanta Moisesqa kutirerqa maypichus Señor kasharqa chayman, chaypitaj Señorman nerqa: Cheqamanta kay israelitasqa uj jatun juchata ruwanku, qorimanta uj lantita ruwaspa diosninku kanampaj.

DIOSPA QHELQACHISQAN DEUTEROCANONICAL

³¹ Chantá Moisesqa maypichus Tata Dios kasharqa, chayman kutispa, nerqa: Israelitakunaqa qorimanta diosta ruwakuspa, jatunta juchallinku.

Éxodo 32:31 ပူးပေါင်းရင်းမြစ်များ

Esdras 9:15

Israelpa Tata Diosnin, qan cheqan kanki noqaykuwan. Qan noqaykumanta puchoj t'aqa kawsanaykuta munarqanki, imaynachus kunan p'unchay rikushayku jina. Noqaykoqa cheqamanta ñawpaqeykipi juchayoj kayku. Ajinallapuneqa mana ñawpaqeykipi kayta atiykumanchu.

Nehemías 9:18

Qorita unuyachiytawan, uj waka uñata ruwakuspa, nerqanku: Kaymá Egiptomanta orqhomuwarqanchej, chay Dios, nispa. Chayta ruwaspa chay chhika millay juchata ruwarqanku.

Nehemías 9:33

Mana qanchu juchayoj kanki chay llakiykuna qhatiriwasqaykumanta, imaraykuchus qanqa cheqan sonqowan imatapis ruwapuwayku, noqaykutajrí sajra kajllata ruwayku.

Éxodo 20:23

Ama qolqe metalmanta, nitaj qorimanta dioskunata ruwakuspa, noqata jina yupaychankichejchu.

Éxodo 20:4

Ama ni imaman rijch'akoj lantita ruwakunkichu, ni janajpi kajman, ni kay pachapi kajman, nitaj yakupi kajkunaman rijch'akojta.

Éxodo 32:30

Q'ayantin Moisesqa tukuy israelitakunata nerqa: Qankunaqa ancha jatunta juchallinkichej. Kunanqa Tata Dios kashan, chayman risaj. Ichapis Tata Diosmanta mañakojtiy juchallisqaykichejta pampachananta tariyman, nispa.

Éxodo 34:28

Chantá Moisesqa Tata Dioswan tawa chunka p'unchayta, tawa chunka tutatawan chaypi qhepakorqa, mana imata mikhuspa, nitaj imata ujyaspa. Chaypi Moisesqa tratomanta chunka kamachisqakunata iskay p'alta rumipi qhelqarqa.

Daniel (hebreo) 9:11

Tukuy israelitakuna yachachisqaykita mana kasorqaykuchu. Kamachisqaykita kasunaykutaqa, qanmanta karunchakorqayku. Jinapi contraykipi juchallikusqaykurayku kamachiyki Moisés kamachisqankunapi tiluspa kananta nerqa, chay maldicisqa kaywan, jasut'iykunawan ima pataykuman urmaykuwayku.

Daniel (hebreo) 9:5

Noqaykurí juchallerqayku, millayta ruwarqayku, qanta mana kasuspataj kawsarqayku. Jinallataj kamachisqaykimanta, imatachus ruwanaykuta nisqaykimantawan karunchakorqayku.

Daniel (hebreo) 9:8

Tata Dios, noqaykupis, kuraj kamachejniykupis, kurajniykukuna jina, ñawpa tataykukuna jinataj p'enqaypi rikhuriyku contraykipi juchallikusqaykurayku.