Éxodo 32:20 - DIOSPA QHELQACHISQ

²⁰ Waka uña lanti ruwasqankutataj jap'iytawan, ninaman wijch'uspa unuyacherqa. Chaymantataj lantita ñut'uta kutaspa, yakuman jich'aykorqa. Jinaspataj, chay yakuta israelitakunaman ujyacherqa.

Qheshwa Biblia DC

²⁰ Waka uña lanti ruwasqankutataj jap'iytawan ninaman wijch'uykorqa; chaymantataj lantitaqa ñut'uta kutacherqa. Jinaspataj yakuman jich'aykamorqa chay kutasqata, israelitasmantaj chay yakuta ujyacherqa.

DIOSPA QHELQACHISQAN DEUTEROCANONICAL

²⁰ Waka uña lanti ruwasqankutataj jap'iytawan, ninaman wijch'uspa unuyacherqa. Chaymantataj lantita ñut'uta kutaspa, yakuman jich'aykorqa. Jinaspataj, chay yakuta israelitakunaman ujyacherqa.

Éxodo 32:20 ပူးပေါင်းရင်းမြစ်များ

1 Reyes 15:13

Ajinallatataj jatun maman Macatapis qoya kayninmanta orqhoporqa, k'ullumanta Asera lantita ruwachisqanrayku. Asaqa chay lantita phirispa, Cedrón wayq'opi ruphaykucherqa.

2 Reyes 23:15

Jinallataj Josiasqa Betelpi kasharqa, chay altartapis phirispa ruphaykuchillarqataj, chantá Aseraj lantintapis ruphaykuchillarqataj. Chay altarkunata Nabatpa churin Jeroboán ruwaspa, israelitakunata juchallichisqa.

2 Reyes 23:6

Jinaytawantaj, Josías Tata Diospa Templonmanta Aseraj lantintapis Jerusalenmanta jawaman, Cedrón wayq'oman wijch'ucherqa. Chaypitaj ushphaman tukunankama ruphaykucherqa, ushphatataj wajcha runakunaj ayanta p'ampana cheqaman qhallirpayacherqa.

2 Crónicas 34:4

Pay kamachisqanrayku thuñerqanku Baal lantej altarninta. Thuñichillarqataj incienso q'oshñichina altarkunatapis. Chantá Asera llajllasqa lantikunata, metalmanta jich'asqa karqanku, chay lantikunatapis, tukuyninta ñut'uman kutachispa, lantikunaman jaywajkunaj covachanku pataman qhalliykorqa.

Éxodo 32:21

Chantá Moisés Aaronta nerqa: Imanasorqankutaj kay runakuna kay jina jatunta paykunata juchallichinaykipajri? nispa.

Proverbios 1:31

Mana kasukusqaykichejrayku ñak'arinkichej. Mana allin ruwayta yuyasqaykichejwantaj amichikunkichej.

Proverbios 14:14

Wampu runaqa mana allinta purisqanwan kusikun. Allinta ruwaj runarí sumaj ruwasqanwan kusikun.

Deuteronomio 7:25

Lantinkuta ninaman wijch'uykuspa, ruphachinkichej. Chay lantinkoj qorinta, qolqentapis munapayaspa, ama jap'ikapunkichejchu. Chaykunatachus jap'ikapuwajchej chayqa, juchallinaykichejpaj tojlla jina kasunkichejman. Tata Diosqa chaykunata millachikuspa, rikuyta mana atinchu.

Deuteronomio 7:5

Chayrayku qankunaqa kayta ruwanaykichej tiyan: Chay runakunaj altarninkuta thuñinkichej, yupaychana ruminkuta, yupaychana k'ullunkutawan ima p'akirankichej. Jinallataj lantinkutapis ninawan ruphaykuchinkichej.

Deuteronomio 9:21

Chaymantataj noqaqa juchallinaykichejpaj waka uña lantita ruwasqaykichejta jap'ispa, ninaman wijch'uykorqani. Ñut'uta kutaspataj, orqomanta urayk'amushaj mayuman qhalliykorqani.